നാലുപതിറ്റാണ്ടിന് ശേഷം വിദ്യാലയമുറ്റത്ത് അവർ ഒത്തുകൂടി

മുക്കം: മുക്കം മുസ്‍ലിം ഓർഫനേജ് ഹൈസ്കൂൾ 1980 എസ്.എസ്.എൽ.സി ബാച്ച് വിദ്യാർഥികളും അധ്യാപകരും മാതൃവിദ്യാലയത്തിൽ ഒത്തുകൂടി. പരിപാടി ഡോ. കെ. അബ്ദുൽ മജീദ് ഉദ്ഘാടനം ചെയ്തു. സംഘാടകസമിതി ചെയർമാൻ എ. സുബൈർ അധ്യക്ഷത വഹിച്ചു. പ്രധാനാധ്യാപകൻ വി.എം. ശ്രീനിവാസൻ, പൂർവാധ്യാപകരായ ഇ.കെ. ഖാദർ, പി. പോക്കർ, സി. മൂസ, വി. മരയ്ക്കാർ, എൻ. മുഹമ്മദ്, സാമുവൽ, കായികപ്രതിഭകളായ പി.കെ. മുഹമ്മദസ്സൻ, ദാമോദരൻ കോഴഞ്ചേരി, വെളുത്തടത്ത് കരീം എന്നിവരെ ചടങ്ങിൽ ആദരിച്ചു. ഡോ. എം.പി. കുഞ്ഞിമുഹമ്മദ്, ഇ.കെ. മൂസക്കുട്ടി, വി. പ്രേമലത, മുഹമ്മദ് പുന്നത്തല, കെ.കെ. വിവേകാനന്ദൻ, സി. ബീരാൻ കുട്ടി, അബ്ദുറഹിമാൻ ആക്കു, ഇന്ദിര തച്ചണ്ണ, ഇയ്യാത്തുമ്മ, ഷാഫി കോട്ടയിൽ എന്നിവർ നേതൃത്വം നൽകി. ഇ.എ. നാസർ സ്വാഗതവും സി.ടി. റുഖിയ നന്ദിയും പറഞ്ഞു.