വടകരയിൽ ജെന്റ്സ് ബ്യൂട്ടി പാർലറിന് തീപിടിത്തം; വൻ നാശനഷ്ടം

വടകര: പുതിയ സ്റ്റാൻഡ് പരിസരത്ത് ജെന്റ്സ് ബ്യൂട്ടി പാർലറിൽ അഗ്നിബാധയിൽ വൻ നാശനഷ്ടം. എടോടി പുതിയ സ്റ്റാൻഡ് റോഡിൽ ബ്ലെൻഡ് ബ്യൂട്ടി പാർലറിനാണ് ചൊവ്വാഴ്ച വൈകീട്ട് അഞ്ചു മണിയോടെ തീപിടിത്തമുണ്ടായത്. വടകര വണ്ണാത്തി ഗേറ്റ് സ്വദേശി ചൂണ്ടയിന്റ കീഴിൽ ശരത്തിന്റെ ഉടമസ്ഥതയിലുള്ളതാണ് ബ്യൂട്ടി പാർലർ. കടക്കുള്ളിലുണ്ടായിരുന്ന ഫർണിച്ചർ, സൗന്ദര്യവർധക വസ്തുക്കൾ, എ.സി, കമ്പ്യൂട്ടർ, ഇൻവെർട്ടർ എന്നിവ അടക്കമുള്ള സാധനസാമഗ്രികൾ നശിച്ചു. ജീവനക്കാരൻ ചായ കുടിക്കാൻ കടയിൽനിന്ന് ഇറങ്ങിയ സമയത്താണ് കടയിൽനിന്ന് പുകയുയർന്നത്. രണ്ട് യൂനിറ്റ് അഗ്നിരക്ഷാ സേന വാഹനം എത്തി പെട്ടെന്നുതന്നെ തീയണക്കാനായത് മറ്റു കെട്ടിടങ്ങളിലേക്കും സ്ഥാപനങ്ങളിലേക്കും തീപടരുന്നത് ഒഴിവായി. തൊട്ടടുത്ത കെട്ടിടത്തിലെ ചെരിപ്പുകടയിൽ മാസങ്ങൾക്ക് മുമ്പ് വൻ തീപിടിത്തമുണ്ടായിരുന്നു. പുത്തൂർ ചെറുശ്ശേരി റോഡ് സ്വദേശി നജീബിന്റെ ഉടമസ്ഥതയിലുള്ളതാണ് കെട്ടിടം. രക്ഷാപ്രവർത്തനത്തിന് നാട്ടുകാരും അസിസ്റ്റന്റ് ഫയർ ഓഫിസർമാരായ കെ.എസ്. സുജാതൻ, കെ. സജീവൻ, ഫയർമാൻമാരായ രാഖിൽ കുമാർ, വിപിൻ, വിവേക്, ഷാഹിൽ, അഭിലാഷ്, പ്രജിത്ത് നാരായണൻ, ആദർശ് എന്നിവർ നേതൃത്വം നൽകി. പടം:വടകരയിൽ തീപിടിത്തമുണ്ടായ ബ്യൂട്ടി പാർലറിൽ ഫയർഫോഴ്‌സ് തീയണക്കുന്നു Saji 4