ചങ്ങരോത്ത് 108 സി.യു.സികൾ

പേരാമ്പ: ചങ്ങരോത്ത് ഗ്രാമപഞ്ചായത്തിൽ 108 കോണ്‍ഗ്രസ് യൂനിറ്റ് കമ്മിറ്റികൾ നിലവിൽ വന്നു. ചങ്ങരോത്ത് മണ്ഡലം 16-ാം ബൂത്ത് മാണിക്കാംകണ്ടി യൂനിറ്റിൽ സി.യു.സികളുടെ പ്രഖ്യാപനം ജില്ല കോണ്‍ഗ്രസ് കമ്മിറ്റി പ്രസിഡൻറ്​ അഡ്വ. കെ. പ്രവീണ്‍ കുമാര്‍ ഉദ്ഘാടനം ചെയ്തു. വലിയ പറമ്പില്‍ കുഞ്ഞിരാമന്‍ നായര്‍ അധ്യക്ഷത വഹിച്ചു. മുതിര്‍ന്ന വനിത അംഗം എം.കെ. പാറുഅമ്മ പതാക ഉയര്‍ത്തി. പ്രകാശന്‍ കന്നാട്ടി സി.യു.സി റിപ്പോര്‍ട്ട് അവതരിപ്പിച്ചു. ബ്ലോക്ക് സി.യു.സി കണ്‍വീനര്‍ ജിതേഷ് മുതുകാട് വിശദീകരണ പ്രഭാഷണം നടത്തി. ഡി.സി.സി ജനറല്‍ സെക്രട്ടറി രാജേഷ് കീഴരിയൂര്‍, മണ്ഡലം കോണ്‍ഗ്രസ് കമ്മിറ്റി പ്രസിഡൻറ്​ ഇ.ടി. സരീഷ് എന്നിവര്‍ സംസാരിച്ചു. ചടങ്ങില്‍ മുതിര്‍ന്ന കോണ്‍ഗ്രസ് പ്രവര്‍ത്തകരെ ആദരിച്ചു. ഭാരവാഹികൾ രഷിത രാജേഷ് (പ്രസി), രജീഷ ഷാജി (സെക്ര), ശരണ്യ ബിജു (ട്രഷ). PHOTO 1 ചങ്ങരോത്ത് മണ്ഡലം മാണിക്കാംകണ്ടി സി.യു.സി ഉദ്ഘാടനവും ചങ്ങരോത്ത് മണ്ഡലത്തിലെ 108 സി.യു.സികളുടെ പ്രഖ്യാപനവും ജില്ല കോണ്‍ഗ്രസ് കമ്മിറ്റി പ്രസിഡൻറ്​ അഡ്വ. കെ. പ്രവീണ്‍ കുമാര്‍ നിർവഹിക്കുന്നു