ബി.ജെ.പിക്ക് ജില്ലയില്‍ ഇനി 26 മണ്ഡലം കമ്മിറ്റികള്‍

കോഴിക്കോട്: ബി.ജെ.പി നിയോജകമണ്ഡലം കമ്മിറ്റികൾ രണ്ടായി വിഭജിച്ച് പുതിയ മണ്ഡലം കമ്മിറ്റികൾ നിലവിൽവന്നതായി ജില്ല പ്രസിഡൻറ്​ അഡ്വ. വി.കെ. സജീവൻ വാർത്തസമ്മളനത്തില്‍ അറിയിച്ചു. ഇതോടെ ജില്ലയിൽ 26 മണ്ഡലം കമ്മിറ്റികളായി. ഇവയുടെ പ്രസിഡൻറുമാരെയും നിയോഗിച്ചു. രണ്ടു മണ്ഡലം കമ്മിറ്റികളുടെ പ്രസിഡൻറുമാർ വനിതകളാണ്​. എല്ലാമാസവും 25 മുതല്‍ 30ാം തീയതിവരെ നേതാക്കളെല്ലാം ഏതെങ്കിലും ഒരു ബൂത്ത്​ യോഗത്തില്‍ പങ്കെടുക്കും. കമ്മിറ്റികളിലും പരിപാടികളിലും നേതാക്കളുടെ ഹാജര്‍നില പരിശോധിക്കാനും സംവിധാനമുണ്ടാകുമെന്നും കോർപറേഷനിൽ ബി.ജെ.പി പാർലമൻെററി പാർട്ടി നേതാവായി നവ്യ ഹരിദാസിനെ തിരഞ്ഞെടുത്തതായും അദ്ദേഹം കൂട്ടിച്ചേർത്തു.