ജില്ലയില്‍ 708 പേര്‍ക്ക് കോവിഡ്

രോഗമുക്തി 637, ടി.പി.ആര്‍11.97 ശതമാനം കോഴിക്കോട്​: ജില്ലയില്‍ 708 കോവിഡ് പോസിറ്റിവ് കേസുകള്‍ കൂടി റിപ്പോര്‍ട്ട് ചെയ്തതായി ജില്ല മെഡിക്കല്‍ ഓഫിസര്‍ അറിയിച്ചു. ഏഴു​ പേരുടെ ഉറവിടം വ്യക്തമല്ല. സമ്പര്‍ക്കം വഴി 697 പേര്‍ക്കാണ് രോഗം ബാധിച്ചത്. ഇതര സംസ്ഥാനത്തുനിന്നു വന്ന നാലു പേർക്കും രോഗം സ്ഥിരീകരിച്ചു. 5992 പേരെ പരിശോധനക്ക് വിധേയരാക്കി. ജില്ലയിലെ കോവിഡ് ആശുപത്രികൾ, എഫ്.എല്‍.ടി.സികള്‍, വീടുകള്‍ എന്നിവിടങ്ങളില്‍ ചികിത്സയിലായിരുന്ന 637 പേര്‍ കൂടി രോഗമുക്തി നേടി. 11.97 ശതമാനമാണ് ടെസ്​റ്റ്​ പോസിറ്റിവിറ്റി നിരക്ക്. രോഗം സ്ഥിരീകരിച്ച് 7711 കോഴിക്കോട് സ്വദേശികളാണ് ചികിത്സയിലുള്ളത്. പുതുതായി വന്ന 828 പേർ ഉൾപ്പടെ 21690 പേർ ഇപ്പോൾ നിരീക്ഷണത്തിലുണ്ട്. ഇതുവരെ 1150631 പേർ നിരീക്ഷണം പൂർത്തിയാക്കി. 3614 മരണങ്ങളാണ് ഇതുവരെ റിപ്പോര്‍ട്ട് ചെയ്യപ്പെട്ടത്.