ജില്ലയിൽ 718 പേർ‍ക്ക് കോവിഡ്

കോഴിക്കോട്​: ജില്ലയില്‍ 718 കോവിഡ് പോസിറ്റിവ് കേസുകള്‍കൂടി റിപ്പോര്‍ട്ട് ചെയ്തതായി ജില്ല മെഡിക്കല്‍ ഓഫിസര്‍ (ആരോഗ്യം) ഡോ. ഉമ്മർ ഫാറൂഖ് അറിയിച്ചു. 10 പേരുടെ ഉറവിടം വ്യക്തമല്ല. സമ്പര്‍ക്കം വഴി 707 പേര്‍ക്കാണ് രോഗം ബാധിച്ചത്. ഇതരസംസ്ഥാനങ്ങളിൽനിന്ന്​ വന്ന ഒരാൾക്കും രോഗം സ്‌ഥിരീകരിച്ചു. 6357 പേരെ പരിശോധനക്ക് വിധേയരാക്കി. ജില്ലയിലെ കോവിഡ് ആശുപത്രികൾ, എഫ്.എല്‍.ടി.സികള്‍, വീടുകള്‍ എന്നിവിടങ്ങളില്‍ ചികിത്സയിലായിരുന്ന 427 പേര്‍കൂടി രോഗമുക്തി നേടി. 11.57 ശതമാനമാണ് ടെസ്​റ്റ്​ പോസിറ്റിവിറ്റി നിരക്ക്. രോഗം സ്ഥിരീകരിച്ച് 6565 പേരാണ് ചികിത്സയിലുള്ളത്. പുതുതായിവന്ന 631 പേർ ഇപ്പോൾ നിരീക്ഷണത്തിലുണ്ട്. 4052 മരണങ്ങളാണ് ഇതുവരെ കോവിഡ് മൂലമെന്ന് റിപ്പോർട്ട് ചെയ്യപ്പെട്ടിട്ടുള്ളത്.