കുറ്റ്യാടി പുഴയിൽ കൈയേറ്റം; മണൽകടത്ത്

വ​ട​ക​ര: കു​റ്റ്യാ​ടി പു​ഴ​യു​ടെ വി​വി​ധ ഭാ​ഗ​ങ്ങ​ളി​ൽ അ​ന​ധി​കൃ​ത കൈ​യേ​റ്റ​ങ്ങ​ളും മ​ണ​ൽ​ക​ട​ത്തും സ​ജീ​വം. പു​ഴ​യു​ടെ ആ​വ​ള, വേ​ളം, മ​ണി​യൂ​ർ മേ​ഖ​ല​ക​ളി​ലാ​ണ് മ​ണ​ൽ​ക​ട​ത്ത് ഒ​രി​ട​വേ​ള​ക്കു​ശേ​ഷം ത​കൃ​തി​യാ​യ​ത്. മേ​ഖ​ല​യി​ൽ പ​രി​ശോ​ധ​ന​ക​ൾ ന​ട​ക്കാ​താ​യ​തോ​ടെ​യാ​ണ് സം​ഘ​ങ്ങ​ൾ ത​ല​പൊ​ക്കി​യ​ത്. പ​ല​യി​ട​ങ്ങ​ളി​ലും പ​ക​ലി​ലാ​ണ്​ മ​ണ​ലെ​ടു​പ്പ്.

അ​ധി​കൃ​ത​രെ പ​ല ത​വ​ണ അ​റി​യി​ച്ചി​ട്ടും ന​ട​പ​ടി​യി​​ല്ലെ​ന്ന്​ തീ​ര​വാ​സി​ക​ൾ പ​റ​യു​ന്നു. മ​ണി​യൂ​ർ മേ​ഖ​ല​യി​ലും സ​മീ​പ പ​ഞ്ചാ​യ​ത്തി​ലും സ​മീ​പ​ത്തും മ​ണ​ൽ എ​ടു​ക്കാ​ൻ ചെ​റു​തോ​ണി​ക​ൾ ഉ​ൾ​പ്പെ​ടെ ഉ​ണ്ടെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. മു​മ്പ്​ രാ​ത്രി പ​രി​ശോ​ധ​ന സ​ജീ​വ​മാ​യി​രു​ന്നു. പു​ഴ ക​ട​ന്നു​പോ​കു​ന്ന പേ​രാ​മ്പ്ര മേ​ഖ​ല​യി​ൽ പു​ഴ​​ക്കു​കു​റു​കെ ബാ​ര​ലു​ക​ൾ കെ​ട്ടി സ്വ​കാ​ര്യ വ്യ​ക്തി പെ​ഡ​ൽ ബോ​ട്ടി​ങ് ഒ​രു​ക്കി​യി​ട്ടു​ണ്ട്.

അ​ടി​യ​ന്ത​ര ഘ​ട്ട​ങ്ങ​ളി​ൽ അ​ഗ്നി​ര​ക്ഷ സേ​ന​ക്കോ പൊ​ലീ​സി​നോ പു​ഴ​യി​ലൂ​ടെ ബോ​ട്ടു​ക​ൾ കൊ​ണ്ടു​പോ​കാ​നാ​കാ​ത്ത വി​ധ​മാ​ണ് കൈ​യേ​റ്റം.

പു​ഴ​യോ​ര​ത്തെ ക​ണ്ട​ൽ കാ​ടു​ക​ൾ​ക്കി​ട​യി​ൽ സാ​മൂ​ഹി​ക വി​രു​ദ്ധ​ർ​ക്ക് ഒ​ത്തു​ചേ​രാ​നു​ള്ള അ​വ​സ​ര​വും ഒ​രു​ക്കു​ന്ന​താ​യാ​ണ്​ വി​വ​രം. കു​റ്റ്യാ​ടി പു​ഴ​യി​ലും തീ​ര മേ​ഖ​ല​യി​ലും ക​ഴി​ഞ്ഞ​ദി​വ​സം കേ​ന്ദ്ര വ​നം പ​രി​സ്ഥി​തി മ​ന്ത്രാ​ല​യ​ത്തി​ന്‍റെ ക്രൈം ​ക​ൺ​ട്രോ​ൾ ബ്യൂ​റോ വ​ള​ന്‍റി​യ​ർ​മാ​ർ കി​ലോ​മീ​റ്റ​റോ​ളം ദൂ​രം ബോ​ട്ടി​ൽ സ​ന്ദ​ർ​ശ​നം ന​ട​ത്തി സ്ഥി​തി​ഗ​തി​ക​ൾ ബോ​ധ്യ​പ്പെ​ട്ടി​ട്ടു​ണ്ട്. പാ​രി​സ്ഥി​തി​ക വി​ഷ​യ​ങ്ങ​ളെ ചൂ​ണ്ടി​ക്കാ​ട്ടി റി​പ്പോ​ർ​ട്ട് സ​മ​ർ​പ്പി​ക്കാ​ൻ ഒ​രു​ങ്ങു​ക​യാ​ണ് സം​ഘം.