11 മണിക്കൂർ കടലിൽ; വീടണഞ്ഞിട്ടും നടുക്കം മാറാതെ ബാ​ല​ചന്ദ്രൻ

കു​റ്റ്യാ​ടി: മും​ബൈ ബാ​ർ​ജ് ദു​ര​ന്ത​ത്തി​ൽ​നി​ന്ന് ര​ക്ഷ​പ്പെ​ട്ട് വീ​ട​ണ​ഞ്ഞി​ട്ടും ന​ടു​ക്കം മാ​റാ​തെ ബാ​ല​ച​ന്ദ്ര​ൻ. ടൗെ​ട്ട ചു​ഴ​ലി​ക്കാ​റ്റി​ൽ​പെ​ട്ട് അ​റ​ബി​ക്ക​ട​ലി​ൽ മു​ങ്ങി​പ്പോ​യ മാ​ത്യൂ അ​സോ​സി​യേ​റ്റ്സിെൻറ ബാ​ർ​ജി​ൽ സൂ​പ്പ​ർ​വൈ​സ​റാ​ണ് കാ​വി​ലു​മ്പാ​റ പൂ​തം​പാ​റ പാ​റ​യി​ൽ പി.​എ​ൻ. ബാ​ല​ച​ന്ദ്ര​ൻ (60). ഒ.​എ​ൻ.​ജി.​സി​യു​ടെ ക​രാ​ർ ജോ​ലി​ക​ൾ ഏ​റ്റെ​ടു​ത്തി​രു​ന്ന​ത് മാ​ത്യൂ ആ​ൻ​ഡ്​ ക​മ്പ​നി​യാ​ണ്. 261 പേ​രാ​ണ് മു​ങ്ങി​യ ബാ​ർ​ജി​ൽ ഉ​ണ്ടാ​യി​രു​ന്ന​ത്.

കൊ​ടു​ങ്കാ​റ്റ് ഉ​ണ്ടാ​കുെ​മ​ന്ന് മു​ന്ന​റി​യി​പ്പു​ണ്ടാ​യി​രു​ന്നെ​ങ്കി​ലും ഒ.​എ​ൻ.​ജി.​സി അ​ത്ര കാ​ര്യ​മാ​ക്കി​യി​രു​ന്നി​ല്ല​ത്രെ. നൂ​റു കി​ലോ​മീ​റ്റ​ർ വ​രെ വേ​ഗ​ത്തി​ലാ​യി​രു​ന്നു കാ​റ്റ്. ക​ഴി​ഞ്ഞ 17ന് ​വൈ​കീ​ട്ട് അ​ഞ്ച​ര​ക്കു​ണ്ടാ​യ കാ​റ്റി​ൽ ക​പ്പ​ലിെൻറ അ​ൺ​മാ​ൻ പ്ലാ​റ്റ്​​ഫോം ഇ​ടി​ച്ച് ബാ​ർ​ജ് ത​ക​രു​ക​യാ​ണു​ണ്ടാ​യ​ത്. ഇ​തോ​ടെ മു​ങ്ങു​ന്ന ബാ​ർ​ജി​ൽ​നി​ന്ന് ലൈ​ഫ്ജാ​ക്ക​റ്റു​മാ​യി ക​ട​ലി​ൽ ചാ​ടു​ക​യാ​യി​രു​ന്നെ​ന്ന് ബാ​ല​ച​ന്ദ്ര​ൻ പ​റ​ഞ്ഞു.

ചാ​ടി​യ​വ​രി​ൽ 18 പേ​ർ ഒ​ന്നി​ച്ച് ചെ​യി​ൻ​ജാ​ക്ക​റ്റി​ൽ പി​ടി​ച്ചാ​ണ് രാ​വു​മു​ഴു​വ​ൻ ക​ഴി​ച്ചു​കൂ​ട്ടി​യ​ത്. കു​റ​ച്ചു​നേ​രം ക​ഴി​ഞ്ഞ് ആ​റു പേ​രെ കാ​ണാ​താ​യി. പി​റ്റേ​ന്ന് പു​ല​ർ​ച്ച​ക്ക്​ നാ​വി​ക​സേ​ന​യു​ടെ െഎ.​എ​ൻ.​എ​സ് കൊ​ച്ചി​ൻ എ​ന്ന ക​പ്പ​ൽ എ​ത്തി​യ​തോ​ടെ​യാ​ണ് ജീ​വ​ൻ തി​രി​ച്ചു​കി​ട്ടി​യ​ത്. അ​വ​ർ ഭ​ക്ഷ​ണ​വും ത​ന്നു.

ഉ​ടു​വ​സ്ത്രം ഒ​ഴി​കെ​യെ​ല്ലാം ന​ഷ്​​ട​പ്പെ​ട്ടി​രു​ന്നു. തു​ട​ർ​ച്ച​യാ​യി ആ​റു​മാ​സം ക​പ്പ​ലി​ലും ബാ​ർ​ജി​ലു​മാ​യി ക​ഴി​യേ​ണ്ട​തി​നാ​ൽ ലെ​ഗേ​ജ് മു​ഴു​വ​ൻ ക​പ്പ​ലി​ലാ​യി​രു​ന്നു സൂ​ക്ഷി​ച്ചി​രു​ന്ന​ത് -രാ​മ​ച​ന്ദ്ര​ൻ പ​റ​ഞ്ഞു. 17 വ​ർ​ഷ​മാ​യി മാ​ത്യൂ ആ​ൻ​ഡ്​ ക​മ്പ​നി​യി​ൽ ജോ​ലി​ചെ​യ്യു​ക​യാ​ണ് ഇ​ദ്ദേ​ഹം.