കോഴിക്കോട്ട് സ്കൂളിലേക്ക് പോയ 14കാരനെ കാണാനില്ലെന്ന് പരാതി

കോഴിക്കോട്: സ്കൂളിലേക്ക് പോയ 14 വയസുകാരനെ കാണാതായി. കാരപ്പറമ്പ് മർവയിൽ താമസിക്കുന്ന ചാർട്ടേഡ് അക്കൗണ്ടന്റ് മഹമൂദ് ഫൈസലിന്റെ മകൻ യൂനുസിനെയാണ് (14) തിങ്കളാഴ്ച രാവിലെ മുതൽ കാണാതായത്.

പന്തീരാങ്കാവ് ഒക്സ്ഫോർഡ് സ്കൂൾ ഒമ്പതാം ക്ലാസ് വിദ്യാർഥിയാണ്. രാവിലെ സകൂളിലേക്ക് പോയതാണെന്ന് ബന്ധുക്കൾ ​ചേവായൂർ പൊലീസിൽ പരാതി നൽകി.

വൈകുന്നേരം വീട്ടിൽ തിരിച്ചെത്താതായതോടെയാണ് കുട്ടിയെ കാണാതായ വിവരം വീട്ടുകാർ അറിയുന്നത്. ചേവായൂർ പൊലീസ് കേസെടുത്ത് അന്വേഷണമാരംഭിച്ചു.