19 കുപ്പി വിദേശ മദ്യവുമായി അറസ്റ്റിൽ

കോഴിക്കോട്​: 19 കുപ്പി വിദേശ മദ്യവുമായി കണ്ണഞ്ചേരി ഭദ്രനിലംപറമ്പ് സ്വദേശി ഉണ്ണികൃഷ്ണനെ (50) പന്നിയങ്കര പൊലീസ് അറസ്റ്റ് ചെയ്തു. ബിവറേജസ്​ കോർപറേഷനിൽനിന്ന്​ മദ്യം വാങ്ങി അന്തർസംസ്ഥാന തൊഴിലാളികൾക്കും നാട്ടുകാർക്കും ഇയാൾ വിൽപന നടത്തിവരുകയായിരുന്നു. രണ്ടാഴ്ച മുമ്പ് 24 കുപ്പി വിദേശ മദ്യവുമായി ഒഡിഷ സ്വദേശിയെ അറസ്റ്റ് ചെയ്തിരുന്നു. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ്​ ചെയ്തു.