ടാഗോർ ഹാൾ പൊളിച്ചുപണിയാൻ പദ്ധതിരേഖ ഒരുങ്ങുന്നു

കോ​ഴി​ക്കോ​ട്: ന​ഗ​ര​ത്തി​ൽ പ്ര​ധാ​ന പ​രി​പാ​ടി​ക​ൾ അ​ര​​ങ്ങേ​റി​യി​രു​ന്ന റെ​ഡ്​ ക്രോ​സ്​ റോ​ഡി​ലെ ടാ​ഗോ​ർ സെ​ന്റി​ന​റി ഹാ​ൾ പൊ​ളി​ച്ചു​പ​ണി​യാ​ൻ തീ​രു​മാ​നി​ച്ച​തി​ന്റെ അ​ടി​സ്ഥാ​ന​ത്തി​ൽ ത​യാ​റാ​ക്കു​ന്ന നി​ർ​മാ​ണ​ത്തി​നു​ള്ള വി​ശ​ദ പ​ദ്ധ​തി​രേ​ഖ (ഡി.​പി.​ആ​ർ) അ​വ​സാ​ന ഘ​ട്ട​ത്തി​ൽ. മൂ​ന്ന് ക​മ്പ​നി​ക​ൾ ത​യാ​റാ​ക്കി​യ വി​ശ​ദ പ​ദ്ധ​തി​രേ​ഖ​യി​ൽ ഒ​ന്ന് കോ​ർ​പ​റേ​ഷ​ൻ അം​ഗീ​ക​രി​ച്ചാ​ൽ തു​ട​ർ​ന​ട​പ​ടി​ക​ളി​ലേ​ക്ക് ക​ട​ക്കാ​നാ​വും. ഇ​തി​ന് കൗ​ൺ​സി​ൽ യോ​ഗ​ത്തി​ൽ ഡി.​പി.​ആ​ർ അം​ഗീ​ക​രി​ക്ക​ണം.

ആ​ദ്യ​ഘ​ട്ട​ത്തി​ൽ ആ​റ് ക​മ്പ​നി​ക​ൾ ന​ൽ​കി​യ ഡി.​പി.​ആ​റി​ൽ​നി​ന്ന് മൂ​ന്നെ​ണ്ണം കോ​ർ​പ​റേ​ഷ​ൻ തെ​ര​ഞ്ഞെ​ടു​ക്കു​ക​യാ​യി​രു​ന്നു. ഇ​തി​ൽ കോ​ർ​പ​റേ​ഷ​ൻ കൊ​ണ്ടു​വ​ന്ന മാ​റ്റ​ങ്ങ​ളും നി​ർ​ദേ​ശ​ങ്ങ​ളും ഉ​ൾ​പ്പെ​ടു​ത്തി​യാ​ണ് പു​തു​ക്കു​ന്ന​ത്. ഡി.​പി.​ആ​ർ ന​ൽ​കി​യ ക​മ്പ​നി​ക​ൾ തൃ​ശൂ​ർ, കോ​ഴി​ക്കോ​ട് ജി​ല്ല​ക​ളി​ൽ നി​ന്നു​ള്ള​വ​രാ​ണ്. പു​തി​യ പ്ലാ​ൻ കോ​ർ​പ​റേ​ഷ​ൻ ധ​ന​കാ​ര്യ സ​മി​തി ച​ർ​ച്ച​ചെ​യ്ത ശേ​ഷം കൗ​ൺ​സി​ൽ പ​രി​ഗ​ണ​ന​ക്ക് വ​രും. പെ​ട്ടെ​ന്ന് പു​തി​യ പ്ലാ​ൻ അ​നു​മ​തി​ക്കെ​ത്തു​മെ​ന്ന് കോ​ർ​പ​റേ​ഷ​ൻ അ​ധി​കൃ​ത​ർ പ​റ​ഞ്ഞു. ന​ഗ​ര​ത്തി​ന്റെ പേ​രു​യ​ർ​ത്തു​ന്ന വി​ധ​മു​ള്ള ഹാ​ളാ​ണ് പ​ണി​യാ​ൻ ഉ​ദ്ദേ​ശി​ക്കു​ന്ന​ത്.

കൂ​ടു​ത​ൽ ഹാ​ളു​ക​ളു​ള്ള സ​മു​ച്ച​യ​മാ​ണ് പ​ണി​യു​ക. തി​യ​റ്റ​റും സാം​സ്കാ​രി​ക പ​രി​പാ​ടി​ക​ൾ​ക്കു​ള്ള ഇ​ട​ങ്ങ​ളു​മെ​ല്ലാം വേ​ണ​മെ​ന്നാ​ണ് ഉ​ദ്ദേ​ശ്യം. തീ​ര​ പ്ര​ദേ​ശ​മാ​യ​തി​നാ​ലു​ള്ള പ്ര​ത്യേ​ക സം​വി​ധാ​ന​ങ്ങ​ളും ഏ​ർ​പ്പെ​ടു​ത്തേ​ണ്ടി​വ​രും. 2022 മു​ത​ലാ​ണ് ഹാ​ളി​ൽ പ​രി​പാ​ടി​ക​ൾ കു​റ​ഞ്ഞ് തു​ട​ർ​ന്ന് അ​ട​ച്ചി​ട​ലി​ലെ​ത്തി​യ​ത്. 2023 ജ​നു​വ​രി ഒ​മ്പ​തി​ന് ചേ​ർ​ന്ന കൗ​ൺ​സി​ൽ യോ​ഗം ഹാ​ൾ പൊ​ളി​ച്ചു​പ​ണി​യാ​ൻ തീ​രു​മാ​നി​ച്ചു. ഹാ​ളി​ലെ​ത്തു​ന്ന​വ​രു​ടെ പ​രാ​തി​ക​ൾ കൊ​ണ്ട് പൊ​റു​തി മു​ട്ടി​യ​പ്പോ​ഴാ​യി​രു​ന്നു തീ​രു​മാ​നം. ക​ൺ​വെ​ൻ​ഷ​ൻ സെ​ന്റ​റു​ക​ളും മ​റ്റ്​ സൗ​ക​ര്യ​ങ്ങ​ളും പ​രി​മി​ത​മാ​യ ന​ഗ​ര​ത്തി​ൽ വി​ര​ലി​ലെ​ണ്ണാ​വു​ന്ന ഹാ​ളു​ക​ളി​ലൊ​ന്നാ​ണ്​ ടാ​ഗോ​ർ ഹാ​ൾ.

മ​തി​യാ​യ വൈ​ദ്യു​തി വി​ത​ര​ണ സം​വി​ധാ​ന​മി​ല്ലാ​ത്ത​തി​നാ​ൽ എ.​സി ഹാ​ളി​ലെ​ത്തു​ന്ന​വ​ർ വി​യ​ർ​ത്തൊ​ഴു​കു​ന്ന അ​വ​സ്ഥ വ​ന്നി​രു​ന്നു. ക​സേ​ര​ക​ൾ പൊ​ളി​ഞ്ഞു. ഹാ​ളി​ലെ അ​ല​ങ്കാ​ര വി​ള​ക്കു​ക​ളും പാ​ന​ലു​ക​ളും പ​ല ഭാ​ഗ​ത്തും ഇ​ള​കി വീ​ണു. വ​ൻ തു​ക ചെ​ല​വി​ട്ട്​ എ.​സി സ്ഥാ​പി​ച്ചെ​ങ്കി​ലും കു​റ​ച്ചു​കാ​ലം മാ​ത്ര​മാ​ണ്​ പ്ര​ശ്​​ന​മി​ല്ലാ​തെ പ്ര​വ​ർ​ത്തി​ച്ച​ത്. വാ​ട​ക​ക്ക്​ എ​ടു​ക്കു​ന്ന​വ​ർ പു​റ​മെ നി​ന്ന്​ ജ​ന​റേ​റ്റ​ർ വെ​ക്കു​​മ്പോ​ൾ ഹാ​ളി​ലെ വൈ​ദ്യു​തി​സം​വി​ധാ​നം മി​ക്ക​യി​ട​ത്തും താ​റു​മാ​റാ​യി. ശ്ര​ദ്ധ​യി​ല്ലാ​തെ ഉ​പ​യോ​ഗി​ക്കു​ക വ​ഴി വാ​തി​ലു​ക​ളും സ്വി​ച്ചു​ക​ളും കേ​ടാ​യി.

വി​വാ​ഹാ​വ​ശ്യ​ങ്ങ​ൾ മു​ന്നി​ൽ ക​ണ്ട്​ തെ​ക്കു ഭാ​ഗ​ത്ത്​ ഷീ​റ്റി​ട്ട്​ വ​ലി​യ സ്ഥി​രം പ​ന്ത​ൽ ഒ​രു​ക്കി​യെ​ങ്കി​ലും വാ​ട​ക​ക്കെ​ടു​ക്കു​ന്ന​വ​ർ മു​റ്റ​ത്തും മ​റ്റും കൂ​ടു​ത​ൽ പ​ന്ത​ൽ സ്ഥാ​പി​ക്കു​ന്ന​ത്​ പാ​ർ​ക്കി​ങ്​ സൗ​ക​ര്യ​മി​ല്ലാ​താ​ക്കി. ഇ​തി​നെ തു​ട​ർ​ന്ന്​ താ​ൽ​ക്കാ​ലി​ക പ​ന്ത​ലി​ടു​ന്ന​ത്​ ന​ഗ​ര​സ​ഭ വി​ല​ക്കു​ന്ന അ​വ​സ്ഥ വ​ന്നു. ഇ​ങ്ങ​നെ മൊ​ത്തം പ്ര​ശ്ന​ങ്ങ​ളാ​യ​തോ​ടെ​യാ​ണ് ഹാ​ൾ അ​ട​ച്ചി​ട​ലി​ലെ​ത്തി​യ​ത്.

‘പ്രവൃത്തി പെട്ടെന്ന് പൂർത്തീകരിക്കണം’

കോ​ഴി​ക്കോ​ട്: ടാ​ഗോ​ർ സെ​ന്റി​ന​റി ഹാ​ൾ പ്ര​വൃ​ത്തി പെ​ട്ടെ​ന്ന് പൂ​ർ​ത്തീ​ക​രി​ക്ക​ണ​മെ​ന്ന് കോ​ഴി​ക്കോ​ട് ആ​ർ​ട്ട് ല​വേ​ഴ്സ് അ​സോ​സി​യേ​ഷ​ൻ (ക​ല) വാ​ർ​ഷി​ക ജ​ന​റ​ൽ ബോ​ഡി യോ​ഗം ആ​വ​ശ്യ​പ്പെ​ട്ടു. സ​ഞ്ചാ​രി​ക​ളെ ഏ​റെ ആ​ക​ർ​ഷി​ക്കു​ന്ന, കി​ലോ​മീ​റ്റ​റു​ക​ളോ​ളം നീ​ണ്ടു​കി​ട​ക്കു​ന്ന കോ​ഴി​ക്കോ​ട​ൻ ക​ട​ൽ​ത്തീ​രം സം​ര​ക്ഷി​ക്ക​ണം. പ​ഴ​യ കോ​ർ​പ​റേ​ഷ​ൻ ഓ​ഫി​സ് കെ​ട്ടി​ടം, പു​രാ​ത​ന മ്യൂ​സി​യ​മാ​ക്കി നി​ല​നി​ർ​ത്താ​നു​ള്ള ന​ട​പ​ടി​ക​ൾ ത്വ​രി​ത​പ്പെ​ടു​ത്തു​ക -പ്ര​മേ​യ​ങ്ങ​ളും യോ​ഗം അം​ഗീ​ക​രി​ച്ചു. പ്ര​സി​ഡ​ന്റ് തോ​ട്ട​ത്തി​ൽ ര​വീ​ന്ദ്ര​ൻ അ​ധ്യ​ക്ഷ​ത വ​ഹി​ച്ചു. സെ​ക്ര​ട്ട​റി അ​ഡ്വ. കെ.​പി. അ​ശോ​ക് കു​മാ​ർ പ്ര​വ​ർ​ത്ത​ന റി​പ്പോ​ർ​ട്ടും ട്ര​ഷ​റ​ർ കെ. ​സു​ബൈ​ർ വ​ര​വ് ചെ​ല​വ് ക​ണ​ക്കും അ​വ​ത​രി​പ്പി​ച്ചു. കെ. ​വി​ജ​യ​രാ​ഘ​വ​ൻ, വി.​എം. ജ​യ​ദേ​വ​ൻ, പി. ​സു​ധാ​ക​ര​ൻ, ടി.​പി.​എം. ഹാ​ഷി​റ​ലി എ​ന്നി​വ​ർ സം​സാ​രി​ച്ചു.