കുട്ടികൾക്കുള്ള കർണാടകയിലെ പുസ്തകത്തിൽ ഇടംപിടിച്ച് ഉ​മ്മ​ത്തൂ​രിലെ ചിത്രകല അധ്യാപകൻ

നാ​ദാ​പു​രം: രാ​ഷ്ട്ര​പി​താ​വ് ഗാ​ന്ധി​ജി​യു​ടെ ഛായാ​ചി​ത്ര​ങ്ങ​ൾ വ​ര​ച്ച് ജ​ന​കീ​യ ശ്ര​ദ്ധ​നേ​ടി​യ വാ​ണി​മേ​ലി​ലെ സ​ത്യ​ൻ നീ​ലി​മ കു​ട്ടി​ക​ൾ​ക്ക് വേ​ണ്ടി ക​ർ​ണാ​ട​ക​യി​ൽ ത​യാ​റാ​ക്കി​യ പു​സ്ത​ക​ത്തി​ൽ ഇ​ടം​പി​ടി​ച്ചു. ഉ​ടു​പ്പി ജി​ല്ല​യി​ലെ പ​ത്താം ക്ലാ​സ് വ​രെ​യു​ള്ള വി​ദ്യാ​ർ​ഥി​ക​ൾ​ക്ക് വേ​ണ്ടി പ്ര​സി​ദ്ധീ​ക​രി​ച്ച 'മ​ക്ക​ലി​ഗാ​ഗി മ​ഹാ​ത്മാ' (കു​ട്ടി​ക​ൾ​ക്കു​ള്ള മ​ഹാ​ത്മാ) എ​ന്ന ഗാ​ന്ധി​ജി​യെ കു​റി​ച്ചു​ള്ള പു​സ്ത​ക​ത്തി​ലാ​ണ് ഉ​മ്മ​ത്തൂ​ർ എ​സ്.​ഐ ഹ​യ​ർ സെ​ക്ക​ൻ​ഡ​റി സ്കൂ​ൾ ചി​ത്ര​ക​ല അ​ധ്യാ​പ​ക​ൻ സ​ത്യ​ൻ നീ​ലി​മ​യെ കു​റി​ച്ച് വി​ശ​ദ​മാ​യ കു​റി​പ്പ് ന​ൽ​കി​യി​ട്ടു​ള്ള​ത്. പീ​പ്പി​ൾ​സ് സ​യ​ൻ​സ് മൂ​വ്മെൻറ് സം​സ്ഥാ​ന നേ​താ​വാ​യ ഉ​ദ​യ് ഗാ​വോ​ങ്ക​ർ ആ​ണ് പു​സ്ത​കം എ​ഴു​തി​യ​ത്. പൊ​തു​ജ​ന​ങ്ങ​ളി​ൽ, പ്ര​ത്യേ​കി​ച്ച് കു​ട്ടി​ക​ളി​ൽ മ​ഹാ​ത്മാ​ഗാ​ന്ധി​യെ കു​റി​ച്ച് അ​വ​ബോ​ധ​മു​ണ്ടാ​ക്കാ​ൻ സ​ത്യ​ൻ ചെ​യ്ത സേ​വ​ന​ങ്ങ​ളെ പു​സ്ത​ക​ത്തി​ൽ ഏ​റെ പ്ര​കീ​ർ​ത്തി​ച്ചി​ട്ടു​ണ്ട്.

ര​ണ്ടു വ​ർ​ഷ​ങ്ങ​ൾ​ക്ക് മു​മ്പ് ചി​ത്ര​ക​ലാ മ​ത്സ​ര​ങ്ങ​ളു​ടെ ഭാ​ഗ​മാ​യി വി​ദ്യാ​ല​യ​ങ്ങ​ളി​ൽ സ​ന്ദ​ർ​ശ​നം ന​ട​ത്തി​യ​പ്പോ​ഴാ​ണ് പ​ല വി​ദ്യാ​ല​യ​ങ്ങ​ളി​ലും ഗാ​ന്ധി​ജി​യു​ടെ ചി​ത്രം പോ​ലു​മി​ല്ലെ​ന്ന് സ​ത്യ​ൻ നീ​ലി​മ മ​ന​സ്സി​ലാ​ക്കു​ന്ന​ത്. ഗാ​ന്ധി​ജി​യു​ടെ ചി​ത്രം പോ​ലും കാ​ണാ​ൻ ക​ഴി​യാ​ത്ത കു​ട്ടി​ക​ൾ​ക്ക് അ​ദ്ദേ​ഹ​ത്തി‍െൻറ ആ​ദ​ർ​ശ​ങ്ങ​ളും ജീ​വി​ത​വും എ​ങ്ങ​നെ മ​ന​സ്സി​ലാ​ക്കാ​ൻ പ​റ്റു​മെ​ന്ന സ​ന്ദേ​ഹ​ത്തി​ൽ നി​ന്നാ​ണ് എ​ല്ലാ വി​ദ്യാ​ല​യ​ങ്ങ​ൾ​ക്കും ഗാ​ന്ധി​ജി​യു​ടെ ചി​ത്ര​ങ്ങ​ൾ വ​ര​ച്ച് ന​ൽ​കാ​ൻ സ​ത്യ​ൻ തീ​രു​മാ​നി​ച്ച​ത്. ആ ​വ​ർ​ഷം ത​ന്നെ ഏ​ക​ദേ​ശം നാ​ൽ​പ​തോ​ളം ചി​ത്ര​ങ്ങ​ൾ അ​ദ്ദേ​ഹം ചു​റ്റു​മു​ള്ള സ്കൂ​ളു​ക​ൾ​ക്ക് ന​ൽ​കി.

അ​ടു​ത്ത വ​ർ​ഷം കാ​ര​ശ്ശേ​രി സ​ഹ​ക​ര​ണ ബാ​ങ്ക് സ​ത്യ​ന്റെ ശ്ര​മ​ത്തി​ന് ധ​ന​സ​ഹാ​യം വാ​ഗ്ദാ​നം ചെ​യ്തു. തു​ട​ർ​ന്ന് പൊ​ലീ​സ് സ്റ്റേ​ഷ​ൻ പോ​ലെ​യു​ള്ള പൊ​തു ഇ​ട​ങ്ങ​ളി​ലും ഗാ​ന്ധി​ജി​യു​ടെ ചി​ത്ര​ങ്ങ​ൾ ന​ൽ​കാ​ൻ തു​ട​ങ്ങി. മ​ഹാ​ത്മാ​ഗാ​ന്ധി​യു​ടെ മാ​ത്ര​മ​ല്ല, നെ​ഹ്റു, ഇ.​എം.​എ​സ്, ശി​ഹാ​ബ് ത​ങ്ങ​ൾ തു​ട​ങ്ങി നി​ര​വ​ധി പേ​രു​ടെ ഛായാ​ചി​ത്ര​ങ്ങ​ളും മാ​ർ​ബി​ൾ ചി​ത്ര​ങ്ങ​ളും സ​ത്യ​ൻ ത​യാ​റാ​ക്കി​യി​ട്ടു​ണ്ട്. ന​ല്ലൊ​രു ശി​ൽ​പി കൂ​ടി​യാ​യ സ​ത്യ​ൻ, മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ നി​ധി​യി​ലേ​ക്ക് പ​ണം ശേ​ഖ​രി​ക്കാ​ൻ ശി​ൽ​പ വി​ൽ​പ​ന ന​ട​ത്തി​യ​ത് ഏ​വ​രു​ടേ​യും പ്ര​ശം​സ നേ​ടി​യി​രു​ന്നു. സ​ത്യ​ൻ ത​യാ​റാ​ക്കി​യ ര​വീ​ന്ദ്ര​നാ​ഥ ടാ​ഗോ​റി‍െൻറ പ്ര​തി​മ ക​ഴി​ഞ്ഞ മാ​സ​മാ​ണ് മൊ​കേ​രി ഗ​വ. കോ​ള​ജി​ൽ സ്ഥാ​പി​ച്ച​ത്.