കോഴിക്കോട്ടുകാരെപ്പോലെ സ്നേഹമുള്ളവരില്ല –ഷീല
text_fieldsകോഴിക്കോടിെൻറ സ്നേഹാദരം പരിപാടിയിൽ ചലച്ചിത്ര നടി ഷീല പി.കെ. സുനിൽ കുമാറിന് ഉപഹാരം സമ്മാനിക്കുന്നു. സുരഭി ലക്ഷ്മി, വിനോദ് കോവൂർ, തോട്ടത്തിൽ രവീന്ദ്രൻ എം.എൽ.എ, റഷീദ് അഹമ്മദ്, ഡെപ്യൂട്ടി മേയർ മുസാഫിർ അഹമ്മദ് എന്നിവർ സമീപം
കോഴിക്കോട്: കോഴിക്കോട്ടുകാരെപ്പോലെ സിനിമാപ്രവർത്തകരോട് സ്നേഹമുള്ളവർ വേറെ എവിടെയുമില്ലെന്ന് നടി ഷീല. മ്യൂസിക് ആർടിസ്റ്റ്സ് അസോസിയേഷൻ (മാ) അടക്കം വിവിധ സംഘടനകളുടെ ആഭിമുഖ്യത്തിൽ ടാഗോർ ഹാളിൽ കോഴിക്കോടിെൻറ സ്നേഹാദരം പരിപാടിയിൽ മുഖ്യാതിഥിയായി സംസാരിക്കുകയായിരുന്നു അവർ. വർഷങ്ങൾക്കു ശേഷമാണ് കോഴിക്കോട്ടുവരുന്നത്.
ബാല്യകാല സഖിയിൽ അഭിനയിക്കാൻ നസീർ സാറിനൊപ്പം ഇവിടെ വന്നിരുന്നു. ലോട്ടറി ടിക്കറ്റടക്കം കുറെ പടങ്ങൾക്കായും വന്നു. അപ്പോഴൊക്കെ തോന്നിയതാണ് എന്ത് സ്നേഹമുള്ളവരാണ് കോഴിക്കോട്ടുകാരെന്ന് എന്നും ഷീല പറഞ്ഞു. ഗായകൻ പി.കെ. സുനിൽ കുമാർ, നടി സുരഭി ലക്ഷ്മി, നടൻ വിനോദ് കോവൂർ, മേക്കപ് മാൻ റഷീദ് അഹമദ് എന്നിവരെ അവർ ആദരിച്ചു.
തോട്ടത്തിൽ രവീന്ദ്രൻ എം.എൽ.എ ഉദ്ഘാടനം ചെയ്തു. ഡെപ്യൂട്ടി മേയർ സി.പി. മുസഫർ അഹമദ് വിശിഷ്ടാതിഥിയായി. കെ. സലാം അധ്യക്ഷത വഹിച്ചു. കെ. സുബൈർ പ്രശസ്തി പത്രം വായിച്ചു. ഭാനുപ്രകാശ്, കെ.പി. സുധീര, യോഹന്നാൻ മറ്റത്തിൽ, എ.വി. റഷീദലി തുടങ്ങിയവർ സംസാരിച്ചു. നയൻ ജെ. ഷാ സ്വാഗതവും ടി.പി.എം ഹാഷിർ അലി നന്ദിയും പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.