എ.​ഐ സാമ്പത്തിക തട്ടിപ്പ്: മുഖ്യപ്രതിയുടെ കൂട്ടാളി പിടിയിൽ

കോ​ഴി​ക്കോ​ട്: നി​ർ​മി​ത ബു​ദ്ധി (ആ​ർ​ട്ടി​ഫി​ഷ്യ​ൽ ഇ​ന്റ​ലി​ജ​ൻ​സ് -എ.​ഐ) സാ​​ങ്കേ​തി​ക വി​ദ്യ സ​ഹാ​യ​ത്തോ​​ടെ വ്യാ​ജ വി​ഡി​യോ കാ​ൾ ചെ​യ്ത് പ​ണം ത​ട്ടി​യ കേ​സി​ൽ മു​ഖ്യ​പ്ര​തി​യു​ടെ കൂ​ട്ടാ​ളി പി​ടി​യി​ൽ. കേ​സി​ലെ ഒ​ന്നാം പ്ര​തി ഗു​ജ​റാ​ത്ത് സ്വ​ദേ​ശി കൗ​ശ​ൽ ഷാ​യു​ടെ കൂ​ട്ടാ​ളി​യാ​ണ് അ​ഹ​മ്മ​ദാ​ബാ​ദി​ൽ നി​ന്ന് കോ​ഴി​ക്കോ​ട് സൈ​ബ​ർ പൊ​ലീ​സി​ന്റെ പി​ടി​യി​ലാ​യ​ത്.

നേ​ര​ത്തെ പൊ​ലീ​സ് അ​ഹ​മ്മ​ദാ​ബാ​ദി​ലെ​ത്തി​യ​പ്പോ​ൾ മു​ങ്ങി​യ ഇ​രു​വ​രും പി​ന്നീ​ട് കേ​സ​ന്വേ​ഷ​ണം നി​ല​ച്ചെ​ന്ന ധാ​ര​ണ​യി​ൽ നാ​ട്ടി​ലെ​ത്തി​യി​രു​ന്നു. ഇ​തു മ​ന​സ്സി​ലാ​ക്കി​യ പൊ​ലീ​സ് വീ​ണ്ടും ഗു​ജ​റാ​ത്തി​ൽ​പോ​യാ​ണ് അ​ഹ​മ്മ​ദാ​ബാ​ദ് സ്വ​ദേ​ശി​യാ​യ കൂ​ട്ടാ​ളി​യെ പി​ടി​കൂ​ടി​യ​ത്. ഇ​യാ​ളു​ടെ അ​റ​സ്റ്റ് രേ​ഖ​​പ്പെ​ടു​ത്തി​യി​ട്ടി​ല്ല.

അ​തേ​സ​മ​യം കൗ​ശ​ൽ ഷാ ​നേ​ര​ത്തെ നി​ര​വ​ധി സാ​മ്പ​ത്തി​ക ത​ട്ടി​പ്പു കേ​സി​ൽ ഉ​ൾ​പ്പെ​ട്ട​താ​യും അ​ന്വേ​ഷ​ണ​സം​ഘ​ത്തി​ന് വി​വ​രം ല​ഭി​ച്ചു. ത​ട്ടി​പ്പു​മാ​യി ബ​ന്ധ​പ്പെ​ട്ട ബാ​ങ്ക് അ​ക്കൗ​ണ്ടു​ക​ൾ പ​രി​ശോ​ധി​ച്ച​പ്പോ​ൾ ഇ​ത് വി​വി​ധ സം​സ്ഥാ​ന​ങ്ങ​ളി​ലെ ചേ​രി നി​വാ​സി​ക​ളു​ടെ അ​ട​ക്കം രേ​ഖ​ക​ൾ ഉ​പ​യോ​ഗി​ച്ചാ​ണ് തു​ട​ങ്ങി​യ​തെ​ന്നാ​ണ് സൂ​ച​ന ല​ഭി​ച്ച​ത്.

പ​രാ​തി​ക്കാ​ര​ന്റെ അ​ക്കൗ​ണ്ടി​ൽ​നി​ന്നും ത​ട്ടി​യെ​ടു​ത്ത പ​ണം എ​ത്തി​യ ജി​യോ പേ​യ്മെ​ന്റ് ബാ​ങ്കി​ന്റെ അ​ക്കൗ​ണ്ട് ഗു​ജ​റാ​ത്ത് അ​ഹ​മ്മ​ദാ​ബാ​ദി​ലെ ഉ​സ്മാ​ൻ​പു​ര ഭാ​ഗ​ത്തു​ള്ള കൗ​ശ​ൽ ഷാ​യു​ടെ പേ​രി​ലു​ള്ള അ​ക്കൗ​ണ്ടി​ലേ​ക്കും തു​ട​ർ​ന്ന് ഗോ​വ ബേ​സ് ചെ​യ്ത ഒ​രു ഗെ​യി​മി​ങ് പ്ലാ​റ്റ്ഫോ​മി​ന്റെ പേ​രി​ലു​ള്ള ആ​ർ.​ബി.​എ​ൽ ബാ​ങ്കി​ന്റെ അ​ക്കൗ​ണ്ടി​ലേ​ക്കും എ​ത്തി​യെ​ന്നാ​ണ് അ​ന്വേ​ഷ​ണ​ത്തി​ൽ മ​ന​സ്സി​ലാ​യ​ത്.

കോ​ൾ ഇ​ന്ത്യ ലി​മി​റ്റ​ഡി​ൽ നി​ന്ന് വി​ര​മി​ച്ച പാ​ലാ​ഴി സ്വ​ദേ​ശി പി.​എ​സ്. രാ​ധാ​കൃ​ഷ്ണ​നി​ൽ​നി​ന്നാ​ണ് 40,000 രൂ​പ ത​ട്ടി​യ​ത്. മു​മ്പ് ഒ​പ്പം ജോ​ലി ചെ​യ്ത ആ​ന്ധ്ര സ്വ​ദേ​ശി​യാ​യ സു​ഹൃ​ത്തെ​ന്ന് പ​രി​ച​യ​പ്പെ​ടു​ത്തി വി​ഡി​യോ​കാ​ളി​ൽ​വ​ന്ന്, ഭാ​ര്യാ​സ​ഹോ​ദ​രി​യു​ടെ ശ​സ്ത്ര​ക്രി​യ​ക്കാ​യി കൂ​ടെ​യു​ള്ള ആ​ള്‍ക്ക് അ​യ​ക്കാ​ൻ പ​ണം വേ​ണ​മെ​ന്ന് ആ​വ​ശ്യ​പ്പെ​ട്ടാ​യി​രു​ന്നു ത​ട്ടി​പ്പ്.