പ്രൈമറി അധ്യാപകരുടെ സ്ഥലംമാറ്റ ഉത്തരവിൽ സർവത്ര ആശയക്കുഴപ്പം

കോ​ഴി​ക്കോ​ട്​: പ്രൈ​മ​റി അ​ധ്യാ​പ​ക​രു​ടെ സ്ഥ​ലം​മാ​റ്റ ഉ​ത്ത​ര​വു​മാ​യി ബ​ന്ധ​പ്പെ​ട്ട്​ ജി​ല്ല വി​ദ്യാ​ഭ്യാ​സ ഓ​ഫി​സി​ന്​ സ​ർ​വ​ത്ര ആ​ശ​യ​ക്കു​ഴ​പ്പം. ഇ​തു​കാ​ര​ണം മ​റ്റു 13 ജി​ല്ല​ക​ളി​ലും ഉ​ത്ത​ര​വി​റ​ങ്ങി അ​ധ്യാ​പ​ക​ർ വി​വി​ധ സ്കൂ​ളു​ക​ളി​ൽ ജോ​ലി​യി​ൽ പ്ര​വേ​ശി​ച്ചെ​ങ്കി​ലും കോ​ഴി​ക്കോ​ട്​ ജി​ല്ല​യി​ൽ അ​ധ്യ​യ​നം ആ​രം​ഭി​ച്ച്​ മൂ​ന്നു​ദി​വ​സം ക​ഴി​ഞ്ഞി​ട്ടും സ്ഥ​ലം​മാ​റ്റം പ്രാ​വ​ർ​ത്തി​ക​മാ​യി​ല്ല.

മേ​യ്​ 31ന്​ ​അ​ന്തി​മ ഉ​ത്ത​ര​വി​റ​ക്ക​ണ​മെ​ന്നാ​യി​രു​ന്നു നി​ർ​ദേ​ശം. എ​ന്നാ​ൽ, ജൂ​ൺ ഒ​ന്നി​ന്​​ ഇ​റ​ങ്ങി​യ 195 അ​ധ്യാ​പ​ക​രു​ടെ സ്ഥ​ലം​മാ​റ്റ ഉ​ത്ത​ര​വ്​ ജി​ല്ല വി​ദ്യാ​ഭ്യാ​സ ഓ​ഫി​സ​ർ (ഡി.​ഡി.​ഇ) അ​ന്നു​രാ​ത്രി​ത​ന്നെ റ​ദ്ദാ​ക്കി. ഉ​ത്ത​ര​വ​നു​സ​രി​ച്ച്​ ആ​രും റി​ലീ​വ്​ ചെ​യ്യ​രു​തെ​ന്നും എ.​ഇ.​ഒ​മാ​ർ മു​ഖേ​ന നി​ർ​ദേ​ശം വ​ന്നു. അ​തേ​സ​മ​യം, ജൂ​ൺ ര​ണ്ടി​ന്​ നേ​ര​ത്തെ ഇ​റ​ങ്ങി​യ ഉ​ത്ത​ര​വ്​ പ്ര​കാ​രം അ​ധ്യാ​പ​ക​ർ​ക്ക്​ റി​ലീ​വ്​ ചെ​യ്യാ​മെ​ന്ന ​പു​തി​യ നി​ർ​ദേ​ശ​വു​മാ​യി ഡി.​ഡി.​ഇ രം​ഗ​ത്തു​വ​ന്നു. മ​ണി​ക്കൂ​റു​ക​ൾ​ക്ക​കം ഈ ​നി​ർ​ദേ​ശ​വും റ​ദ്ദാ​ക്കി റി​ലീ​വ്​ ചെ​യ്യ​രു​തെ​ന്ന പു​തി​യ നി​ർ​ദേ​ശ​മാ​ണു​ണ്ടാ​യ​ത്. അ​തി​നി​ടെ, ചി​ല അ​ധ്യാ​പ​ക​ർ നേ​ര​ത്തെ ന​ൽ​കി​യ നി​ർ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ൽ റി​ലീ​വ്​ ചെ​യ്യു​ക​യും പു​തി​യ സ്കൂ​ളു​ക​ളി​ൽ ചു​മ​ത​ല​യേ​ൽ​ക്കു​ക​യും ചെ​യ്തു. ചി​ല​രാ​ക​ട്ടെ, പു​തി​യ നി​ർ​ദേ​ശ​ത്തി​ന്‍റെ അ​ടി​സ്ഥാ​ന​ത്തി​ൽ റി​ലീ​വ്​ ചെ​യ്ത​തു​മി​ല്ല.

സീ​നി​യോ​രി​റ്റി​ അ​പ്​​ഡേ​റ്റ്​ ചെ​യ്ത​പ്പോ​ൾ ​സാ​​ങ്കേ​തി​ക ത​ക​രാ​ർ സം​ഭ​വി​ച്ച​താ​ണ്​ ആ​ശ​യ​ക്കു​ഴ​പ്പ​ത്തി​ന്​ കാ​ര​ണ​മാ​യ​തെ​ന്നാ​ണ്​ ഡി.​ഡി.​ഇ ഓ​ഫി​സ്​ വ്യ​ക്​​ത​മാ​ക്കി​യ​ത്. അ​പാ​ക​ത​ക​ൾ പ​രി​ഹ​രി​ച്ചി​ട്ടു​ണ്ടെ​ന്നും പു​തി​യ ഉ​ത്ത​ര​വ്​ തി​ങ്ക​ളാ​ഴ്ച ഇ​റ​ങ്ങു​മെ​ന്നും അ​ധി​കൃ​ത​ർ കൂ​ട്ടി​ച്ചേ​ർ​ത്തു. എ​ന്നാ​ൽ, മ​റ്റൊ​രു ജി​ല്ല​ക്കു​മു​ണ്ടാ​കാ​ത്ത സാ​​ങ്കേ​തി​ക പ്ര​ശ്നം കോ​ഴി​ക്കോ​ട്​ ജി​ല്ല​യി​ൽ മാ​ത്ര​മു​ണ്ടാ​യ​ത്​ എ​ങ്ങ​നെ​യെ​ന്നാ​ണ്​ അ​ധ്യാ​പ​ക​ർ ചോ​ദി​ക്കു​ന്ന​ത്. ജൂ​ൺ ഒ​ന്നി​ന്​ ഇ​റ​ക്കി​യ ഉ​ത്ത​ര​വി​ൽ അ​പാ​ക​ത​ക​ൾ പ​രി​ഹ​രി​ച്ച്​ ഇ​റ​ക്കു​ന്ന അ​ന്തി​മ സ്ഥ​ലം​മാ​റ്റ ലി​സ്റ്റ്​ ഒ​രി​ക്ക​ലും റ​ദ്ദാ​ക്കു​ക​യി​ല്ലെ​ന്നും അ​ധ്യാ​പ​ക​ർ ഒ​രാ​ഴ്​​ച​ക്ക​കം അ​ത​ത്​ സ്കൂ​ളു​ക​ളി​ൽ ചു​മ​ത​ല​യേ​ൽ​ക്ക​ണ​മെ​ന്നും നി​ർ​ദേ​ശി​ച്ചി​രു​ന്നെ​ങ്കി​ലും നി​ര​വ​ധി ത​വ​ണ ഉ​ത്ത​ര​വ്​ റ​ദ്ദാ​ക്കേ​ണ്ട അ​വ​സ്ഥ​യാ​ണു​ണ്ടാ​യ​ത്.