അമീബിക് മസ്തിഷ്‌ക ജ്വരം: പരിശോധന ഫലം ഇന്ന്

കോ​ഴി​ക്കോ​ട്: അ​മീ​ബി​ക് മ​സ്തി​ഷ്‌​ക ജ്വ​രം സം​ശ​യി​ച്ച് കോ​ഴി​ക്കോ​ട്ടെ സ്വ​കാ​ര്യ ആ​ശു​പ​ത്രി​യി​ല്‍ ക​ഴി​യു​ന്ന 12കാ​ര​ൻ ഗു​രു​ത​രാ​വ​സ്ഥ​യി​ല്‍ തു​ട​രു​ന്നു. ഫാ​റൂ​ഖ് കോ​ള​ജി​ന​ടു​ത്ത ഇ​രു​മൂ​ളി​പ്പ​റ​മ്പ് സ്വ​ദേ​ശി​യാ​യ കു​ട്ടി​യാ​ണ് കോ​ഴി​ക്കോ​ട്ടെ സ്വ​കാ​ര്യ ആ​ശു​പ​ത്രി​യി​ലു​ള്ള​ത്. പു​തു​ച്ചേ​രി ലാ​ബി​ല്‍ നി​ന്ന് കു​ട്ടി​യു​ടെ സ്ര​വ പ​രി​ശോ​ധ​ന ഫ​ലം വ്യാ​ഴാ​ഴ്ച ല​ഭി​ക്കും. കു​ട്ടി കു​ളി​ച്ച അ​ച്ച​ന​മ്പ​ലം കു​ള​ത്തി​ലെ വെ​ള്ള​ത്തി​ന്റെ സാ​മ്പി​ളും പ​രി​ശോ​ധ​ന​ക്ക് അ​യ​ച്ചി​ട്ടു​ണ്ട്.

സ്വ​കാ​ര്യ ആ​ശു​പ​ത്രി​യി​ല്‍ ന​ട​ത്തി​യ പ​രി​ശോ​ധ​ന​യി​ല്‍ കു​ട്ടി​ക്ക് അ​മീ​ബി​ക് മ​സ്തി​ഷ്‌​ക ജ്വ​ര​മാ​ണെ​ന്ന് ക​ണ്ടെ​ത്തി​യി​ട്ടു​ണ്ടെ​ങ്കി​ലും പു​തു​ച്ചേ​രി​യി​ലെ പ​രി​ശോ​ധ​ന ഫ​ലം കൂ​ടി എ​ത്തി​യാ​ല്‍ മാ​ത്ര​മേ സ്ഥി​രീ​ക​രി​ക്കാ​നാ​വൂ. അ​ച്ച​ന​മ്പ​ലം കു​ള​ത്തി​ല്‍ കു​ളി​ച്ച മ​റ്റു​ള്ള​വ​രെ​യും നി​രീ​ക്ഷ​ണ വി​ധേ​യ​മാ​ക്കു​ന്നു​ണ്ടെ​ന്ന് ജി​ല്ല മെ​ഡി​ക്ക​ല്‍ ഓ​ഫി​സ​ര്‍ അ​റി​യി​ച്ചു. അ​പൂ​ര്‍വ​മാ​യി മാ​ത്രം ക​ണ്ടെ​ത്തു​ന്ന അ​മീ​ബ​യാ​യ​തി​നാ​ല്‍ ജി​ല്ല​യി​ല്‍ പൂ​ര്‍ണ ജാ​ഗ്ര​ത നി​ര്‍ദേ​ശം ന​ല്‍കേ​ണ്ട സാ​ഹ​ച​ര്യ​മി​ല്ലെ​ന്നും അ​ദ്ദേ​ഹം പ​റ​ഞ്ഞു.

ക​ഴി​ഞ്ഞ 16നാ​ണ് വി​ദ്യാ​ര്‍ഥി അ​ച്ച​ന​മ്പ​ലം കു​ള​ത്തി​ല്‍ കു​ളി​ച്ച​ത്. അ​മീ​ബി​ക് മ​സ്തി​ഷ്‌​ക ജ്വ​രം ബാ​ധി​ച്ച് ക​ണ്ണൂ​ര്‍ സ്വ​ദേ​ശി​നി​യാ​യ 13കാ​രി ക​ഴി​ഞ്ഞ ദി​വ​സം കോ​ഴി​ക്കോ​ട്ടെ സ്വ​കാ​ര്യ ആ​ശു​പ​ത്രി​യി​ല്‍ മ​രി​ച്ചി​രു​ന്നു.

അച്ചൻകുളത്തിലെ അണുബാധ: വ്യാഴാഴ്ച സർവകക്ഷി യോഗം

രാ​മ​നാ​ട്ടു​ക​ര: പ​ന്ത്ര​ണ്ട് വ​യ​സ്സു​കാ​ര​ന് അ​മീ​ബി​ക് മ​സ്തി​ഷ്‌​ക ജ്വ​രം ബാ​ധി​ച്ച​താ​യു​ള്ള സം​ശ​യ​ത്തി​ന്റെ അ​ടി​സ്ഥാ​ന​ത്തി​ൽ ജ​ന​ങ്ങ​ളു​ടെ ആ​ശ​ങ്ക​യ​ക​റ്റാ​ൻ ഇന്ന് സ​ർ​വ​ക​ക്ഷി യോ​ഗം നടക്കും. ഉ​ച്ച​ക്ക് 1.30ന് ​ഫാ​റൂ​ഖ് കോ​ള​ജി​ന​ടു​ത്ത സാം​സ്കാ​രി​ക നി​ല​യ​ത്തി​ലാണ് യോഗം ചേരുകയെന്ന് രാ​മ​നാ​ട്ടു​ക​ര ന​ഗ​ര​സ​ഭ വൈ​സ് ചെ​യ​ർ​മാ​ൻ കെ. ​സു​രേ​ഷ് അ​റി​യി​ച്ചു.

ഫാ​റൂ​ഖ് കോ​ള​ജി​ന് സ​മീ​പ​ത്തെ അ​ച്ച​ന്‍കു​ള​ത്തി​ല്‍ കു​ളി​ച്ച കു​ട്ടി മെ​ഡി​ക്ക​ൽ കോ​ള​ജി​ൽ ചി​കി​ത്സ​യി​ലാ​ണെ​ങ്കി​ലും രോ​ഗം അ​മീ​ബി​ക് മ​സ്തി​ഷ്ക ജ്വ​ര​മാ​ണെ​ന്ന് ഇ​തേ വ​രെ സ്ഥി​രീ​ക​രി​ച്ചി​ട്ടി​ല്ല.

അ​തേ​സ​മ​യം, ആ​രോ​ഗ്യ വ​കു​പ്പി​ന് കീ​ഴി​ൽ ആ​ശാ വ​ര്‍ക്ക​ര്‍മാ​ർ അ​ച്ച​ൻ​കു​ളം ഉ​ൾ​പ്പെ​ടു​ന്ന അ​ഞ്ച്, 24 ഡി​വി​ഷ​നു​ക​ളി​ലെ താ​മ​സ​ക്കാ​രും കു​ള​വു​മാ​യി ബ​ന്ധ​പ്പെ​ട്ട​വ​രു​ടെ വി​വ​രം ശേ​ഖ​രി​ച്ചി​ട്ടു​ണ്ട്. ദി​വ​സ​വും ഒ​ട്ടേ​റെ ആ​ളു​ക​ൾ കു​ളം ഉ​പ​യോ​ഗി​ക്കാ​റു​ണ്ട്.