ഏഷ്യൻ സോഫ്റ്റ്ബാൾ ഗെയിംസ്; കടലുണ്ടിക്ക് അഭിമാനമായി രണ്ടു വിദ്യാർഥിനികൾ

ഫ​റോ​ക്ക്: നേ​പ്പാ​ളി​ൽ ന​ട​ന്ന ഏ​ഷ്യ​ൻ സോ​ഫ്റ്റ്ബാ​ൾ ഗെ​യിം​സ് സീ​നി​യ​ർ, ജൂ​നി​യ​ർ പെ​ൺ​കു​ട്ടി​ക​ളു​ടെ വി​ഭാ​ഗം ടൂ​ർ​ണ​മെ​ന്റു​ക​ളി​ൽ ജേ​താ​ക്ക​ളാ​യ ഇ​ന്ത്യ​ൻ ടീ​മു​ക​ളി​ൽ അ​ഭി​മാ​ന​താ​ര​ക​ങ്ങ​ളാ​യി ക​ട​ലു​ണ്ടി സ്വ​ദേ​ശി​നി​ക​ളാ​യ തൃ​ഷ​യും ഹ​സീ​ന​ത്ത് ഫി​ദ​യും. നേ​പ്പാ​ളി​നെ ര​ണ്ടാം സ്ഥാ​ന​ത്തേ​ക്ക് പി​ന്ത​ള്ളി​യാ​ണ് ഇ​വ​ര​ട​ങ്ങി​യ ടീം ​ഇ​ന്ത്യ​ക്ക് കി​രീ​ടം ഉ​റ​പ്പി​ച്ച​ത്.

നേ​പ്പാ​ൾ പൊ​ക്കാ​റ ഇ​ന്റ​നാ​ഷ​ന​ൽ സ്റ്റേ​ഡി​യ​ത്തി​ൽ ന​ട​ന്ന ഫൈ​ന​ൽ മ​ത്സ​ര​ത്തി​ൽ നേ​പ്പാ​ളി​നെ (51-55)പ​രാ​ജ​യ​പ്പെ​ടു​ത്തി​യാ​ണ് പെ​ൺ​കു​ട്ടി​ക​ളു​ടെ സീ​നി​യ​ർ വി​ഭാ​ഗം കി​രീ​ടം ചൂ​ടി​യ​ത്. ജൂ​നി​യ​ർ വി​ഭാ​ഗ​ത്തി​ലും നേ​പ്പാ​ളി​നെ (61-75) പ​രാ​ജ​യ​പ്പെ​ടു​ത്തി​യാ​ണ് ഇ​ന്ത്യ കി​രീ​ടം നേ​ടി​യ​ത്. 15 വ​യ​സ്സു മു​ത​ൽ ക​ളി​ക്കു​ന്ന ഹ​സീ​ന​ത്ത് സം​സ്ഥാ​ന, ദേ​ശീ​യ ത​ല​ങ്ങ​ളി​ൽ ടൂ​ർ​ണ​മെ​ന്റു​ക​ളി​ൽ പ​ങ്കെ​ടു​ത്തി​ട്ടു​ണ്ട്. അ​ന്ത​ർ ദേ​ശീ​യ ത​ല​ത്തി​ൽ ജൂ​നി​യ​ർ വി​ഭാ​ഗ​ത്തി​ലെ ആ​ദ്യ മ​ത്സ​ര​മാ​ണി​ത്. മീ​ഞ്ച​ന്ത ഗ​വ. ആ​ർ​ട്സ് കോ​ള​ജ് ര​ണ്ടാം വ​ർ​ഷ ബി​രു​ദ വി​ദ്യാ​ർ​ഥി​നി​യാ​ണ്. വ​ട്ട​പ്പ​റ​മ്പ് തെ​ക്കേ മ​ര​ക്കാ​ട്ടി​ൽ ഹ​നീ​ഫ, സീ​ന​ത്ത് ദ​മ്പ​തി​ക​ളു​ടെ മ​ക​ൾ.

അ​ഞ്ചാം ക്ലാ​സ് മു​ത​ൽ കാ​യി​ക രം​ഗ​ത്ത് സ​ജീ​വ​മാ​യ തൃ​ഷ ജി​ല്ല,സം​സ്ഥാ​ന, ദേ​ശീ​യ മ​ത്സ​ര​ങ്ങ​ളി​ൽ പ​ങ്കെ​ടു​ത്തി​ട്ടു​ണ്ട്. അ​ന്ത​ർ​ദേ​ശീ​യ സീ​നി​യ​ർ വി​ഭാ​ഗ​ത്തി​ലെ ആ​ദ്യ മ​ത്സ​ര​മാ​ണി​ത്. ഫാ​റൂ​ഖ് കോ​ള​ജ് മ​ല​യാ​ളം അ​വ​സാ​ന വ​ർ​ഷ ബി​രു​ദ വി​ദ്യാ​ർ​ഥി​നി​യാ​ണ്. പ​ന​ക്ക​ത്തൊ​ടി​യി​ൽ താ​മ​സി​ക്കു​ന്ന പാ​ല​ക്ക​ത്താ​ഴ​ത്ത് മാ​ധ​വ​ൻ, സു​ജാ​ത ദ​മ്പ​തി​ക​ളു​ടെ മ​ക​ളാ​ണ്. ക​ട​ലു​ണ്ടി​യി​ൽ നി​ന്നും ഇ​ന്ത്യ​ക്കു​വേ​ണ്ടി ബ​ഹു​മ​തി നേ​ടു​ന്ന​വ​രി​ൽ ശ്ര​ദ്ധ നേ​ടി​യി​രി​ക്കു​ക​യാ​ണ് നാ​ട്ടി​ലെ താ​ര​ങ്ങ​ളാ​യ ര​ണ്ടു​പേ​രും.