ആശുപത്രിയിൽ കുഞ്ഞ് മരിച്ച സംഭവം; രാ​പ്പ​ക​ൽ വ്യ​ത്യാ​സ​മി​ല്ലാ​തെ പൊ​ലീ​സ് വേ​ട്ട​യാ​ടു​ന്നു -ഹാ​ജ​റ ന​ജ​യു​ടെ കു​ടും​ബം

കോ​ഴി​ക്കോ​ട്: ഫാത്തിമ ആശുപത്രിയിൽ കു​ഞ്ഞ് മ​രി​ച്ച സം​ഭ​വ​ത്തി​ൽ ന​ൽ​കി​യ പ​രാ​തി​ക​ളി​ലൊ​ന്നി​ൽ പോ​ലും കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം ന​ട​ത്താ​തെ പൊ​ലീ​സ് ത​ങ്ങ​ളെ നി​ര​ന്ത​രം വേ​ട്ട​യാ​ടു​ക​യാ​ണെ​ന്ന് ഹാ​ജ​റ ന​ജ​യു​ടെ കു​ടും​ബം. ഡോ​ക്ട​റെ ആ​ക്ര​മി​ച്ചു​വെ​ന്ന പ​രാ​തി​യി​ൽ ന​ജ​യു​ടെ ഭ​ർ​തൃ​സ​ഹോ​ദ​ര​ൻ ഷ​ഹീ​ർ ഫാ​സി​ൽ, ഷ​ഹീ​റി​ന്റെ അ​മ്മാ​വ​ൻ മു​ഹ​മ്മ​ദ​ലി, ന​ജ​യു​ടെ ഭ​ർ​തൃ​പി​താ​വി​ന്റെ സ​ഹോ​ദ​രീ ഭ​ർ​ത്താ​വ് അ​ഷ്റ​ഫ് എ​ന്നി​വ​ർ അ​റ​സ്റ്റി​ലാ​യി റി​മാ​ൻ​ഡി​ലാ​ണ്.

ഭ​ർ​ത്താ​വ് സ​ൽ​മാ​നെ കി​ട്ട​ണം എ​ന്നു​പ​റ​ഞ്ഞ് ന​ട​ക്കാ​വ് പൊ​ലീ​സ് ദി​വ​സ​വും രാ​പ്പ​ക​ൽ വ്യ​ത്യാ​സ​മി​ല്ലാ​തെ വീ​ട്ടി​ൽ ക​യ​റി​യി​റ​ങ്ങു​ക​യും ഭീ​ഷ​ണി​പ്പെ​ടു​ത്തു​ക​യു​മാ​ണെ​ന്ന് ഹാ​ജ​റ ന​ജ​യു​ടെ ഭ​ർ​തൃ​പി​താ​വ് ടി.​വി. ഹ​മീ​ദ് പ​റ​ഞ്ഞു. മ​ക​ൻ സ​ൽ​മാ​നെ കി​ട്ടി​യി​ല്ലെ​ങ്കി​ൽ ത​ന്നെ​യും ഭാ​ര്യ ഫാ​ത്തി​മ ബീ​വി​യെ​യും അ​റ​സ്റ്റ്ചെ​യ്യു​മെ​ന്നാ​ണ് ഇ​പ്പോ​ഴ​ത്തെ ഭീ​ഷ​ണി. മി​ക്ക​സ​മ​യ​വും പൊ​ലീ​സ് വാ​ഹ​നം വീ​ടി​നു മു​ന്നി​ൽ നി​ർ​ത്തി​യി​ടു​ക​യാ​ണ്.

ഇ​ത് കു​ടും​ബ​ത്തി​ലെ എ​ല്ലാ​വ​ർ​ക്കും വ​ലി​യ മാ​ന​സി​ക സ​മ്മ​ർ​ദം സൃ​ഷ്ടി​ക്കു​ന്നു​ണ്ട്. സ്വ​സ്ഥ​ത​യോ​ടെ അ​ന്തി​യു​റ​ങ്ങാ​ൻ പോ​ലും ക​ഴി​യു​ന്നി​ല്ല. മ​ർ​ദ​ന​മേ​റ്റു എ​ന്നു പ​റ​യു​ന്ന ഡോ​ക്ട​റെ മ​ക​ൻ സ​ൽ​മാ​ൻ ക​ണ്ടി​ട്ടു​പോ​ലു​മി​ല്ല. കു​ഞ്ഞ് മ​രി​ച്ച​ത​റി​ഞ്ഞാ​ണ് സ​ൽ​മാ​ൻ സൗ​ദി​യി​ൽ​നി​ന്ന് നാ​ട്ടി​ലെ​ത്തി​യ​ത്. ഹാ​ജ​റ ന​ജ​ക്ക് ഇ​തു​വ​രെ പൂ​ർ​ണ ആ​രോ​ഗ്യം വീ​​ണ്ടെ​ടു​ക്കാ​നാ​യി​ട്ടി​ല്ല. അ​തി​നി​ടെ​യാ​ണ് പൊ​ലീ​സി​ൽ​നി​ന്നു​ള്ള ഭീ​ഷ​ണി. ഡോ​ക്ട​ർ​മാ​രു​ടെ സം​ഘ​ട​ന​യി​ൽ​നി​ന്നു​ള്ള സ​മ്മ​ർ​ദം കാ​ര​ണ​മാ​ണ് പൊ​ലീ​സ് കേ​സെ​ടു​ക്കാ​ത്ത​ത്.

കു​ട്ടി​യെ ന​ഷ്ട​പ്പെ​ട്ട ഒ​രു സ്ത്രീ ​ന​ട​ക്കാ​വ് പൊ​ലീ​സ്, സി​റ്റി പൊ​ലീ​സ് മേ​ധാ​വി, ഉ​ത്ത​ര​മേ​ഖ​ല ഐ.​ജി, ജി​ല്ല ക​ല​ക്ട​ർ, ആ​രോ​ഗ്യ​മ​ന്ത്രി എ​ന്നി​വ​ര​ട​ക്ക​മു​ള്ള​വ​ർ​ക്ക് പ​രാ​തി ന​ൽ​കി​യി​ട്ട് കേ​സെ​ടു​ക്കാ​ൻ പോ​ലും ത​യാ​റാ​വാ​ത്ത​ത് എ​ന്ത് സ​ന്ദേ​ശ​മാ​ണ് ന​ൽ​കു​ന്ന​​ത്. ആ​ക്ഷ​ൻ ക​മ്മി​റ്റി നീ​തി​ക്കാ​യി തു​ട​ർ​പ്ര​ക്ഷോ​ഭം ആ​രം​ഭി​ക്കു​മെ​ന്നും അ​ദ്ദേ​ഹം പ​റ​ഞ്ഞു.

ഡോ​ക്ട​ർ പി​ടി​ച്ചു​ത​ള്ളി​യെ​ന്ന സ്ത്രീ​യു​ടെ പ​രാ​തി​യി​ലും ന​ട​പ​ടി​യി​ല്ല

കോ​ഴി​ക്കോ​ട്: ആ​ശു​പ​ത്രി​യി​ലു​ണ്ടാ​യ അ​നി​ഷ്ട​സം​ഭ​വ​ത്തി​നി​ടെ ഡോ. ​അ​ശോ​ക​ൻ പി​ടി​ച്ചു​ത​ള്ളി​യെ​ന്ന വ​നി​ത​യു​ടെ പ​രാ​തി​യി​ലും പൊ​ലീ​സ് കേ​സ് എ​ടു​ത്തി​ട്ടി​ല്ല. ഹാ​ജ​റ ന​ജ​യു​ടെ ഭ​ർ​ത്താ​വി​ന്റെ ഉ​മ്മ ഫാ​ത്തി​മ ബീ​വി​യാ​യി​രു​ന്നു പ​രാ​തി ന​ൽ​കി​യി​രു​ന്ന​ത്. ന​ട​ക്കാ​വ് പൊ​ലീ​സി​ലാ​ണ് പ​രാ​തി ന​ൽ​കി​യ​ത്.