നിർത്തിയിട്ട ഓട്ടോയിൽ ആംബുലൻസ് ഇടിച്ചു; ഒരാൾക്ക് പരിക്ക്
text_fieldsആംബുലൻസ് ഇടിച്ച് തകർന്ന ഓട്ടോ
ബാലുശ്ശേരി: നിർത്തിയിട്ട ഓട്ടോയിൽ ആംബുലൻസ് ഇടിച്ച് ഒരാൾക്ക് ഗുരുതര പരിക്ക്. റേഷൻവ്യാപാരി വേലം പിലാക്കൂൽ ഇമ്പിച്ചി മമ്മദ്ഹാജിക്കാണ് (75) പരിക്കേറ്റത്. ശനിയാഴ്ച ഉച്ചയോടെ ബാലുശ്ശേരി പറമ്പിന്റെ മുകൾ ഭാഗത്ത് വെച്ചാണ് അപകടം. ഇമ്പിച്ചി മമ്മദ്ഹാജിയെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
മറ്റൊരപകടത്തിൽ പരിക്കേറ്റയാളുമായി പൂനൂർ ഭാഗത്തേക്ക് പോവുകയായിരുന്ന ആംബുലൻസ് നിയന്ത്രണം വിട്ട് നിർത്തിയിട്ട ഓട്ടോക്ക് മുകളിലേക്ക് ഇടിച്ചു കയറുകയുമായിരുന്നു. ഓട്ടോയുടെ വശംചേർന്ന് നിൽക്കുകയായിരുന്ന ഇമ്പിച്ചി മമ്മദ് ഹാജിയുടെ നേർക്കാണ് ആംബുലൻസ് ഇടിച്ചുകയറിയത്. ഇതേ ആംബുലൻസിൽ തന്നെയാണ് ഇദ്ദേഹത്തെ മെഡിക്കൽ കോളജിലെത്തിച്ചത്. ഓട്ടോയിൽ ആരുമില്ലാത്തതിനാൽ ദുരന്തം ഒഴിവായി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.