കേന്ദ്ര ബജറ്റിൽ എയിംസ് പ്രഖ്യാപനമില്ല; നിരാശയിൽ കിനാലൂരുകാർ

ബാ​ലു​ശ്ശേ​രി: കേ​ന്ദ്ര ബ​ജ​റ്റി​ൽ എ​യിം​സ് പ്ര​ഖ്യാ​പ​ന​മി​ല്ലാ​ത്ത​ത്​ കി​നാ​ലൂ​ർ പ്ര​ദേ​ശ​ത്തെ നി​രാ​ശ​യി​ലാ​ക്കി. കേ​ര​ള​ത്തി​ൽ ഓ​ൾ ഇ​ന്ത്യ ഇ​ൻ​സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സ് (എ​യിം​സ്) സ്ഥാ​പി​ക്കാ​നു​ള്ള മു​റ​വി​ളി തു​ട​ങ്ങി​യി​ട്ട് വ​ർ​ഷ​ങ്ങ​ളാ​യെ​ങ്കി​ലും ഇ​ത്ത​വ​ണ​യെ​ങ്കി​ലും ബ​ജ​റ്റി​ൽ പ്ര​ഖ്യാ​പ​ന​മു​ണ്ടാ​കു​മെ​ന്ന പ്ര​തീ​ക്ഷ​യി​ലാ​യി​രു​ന്നു കേ​ര​ള​ത്തി​ലെ ആ​രോ​ഗ്യ​രം​ഗം.

എ​ന്നാ​ൽ, ക​ഴി​ഞ്ഞ​ദി​വ​സം പ്ര​ഖ്യാ​പി​ച്ച കേ​ന്ദ്ര ബ​ജ​റ്റി​ൽ എ​യിം​സി​നെ കു​റി​ച്ച് ഒ​രു സൂ​ച​ന​പോ​ലും ന​ൽ​കാ​ത്ത​ത് മൊ​ത്ത​ത്തി​ൽ നി​രാ​ശ​പ്പെ​ടു​ത്തി. കേ​ര​ള​ത്തി​ൽ എ​യിം​സ് സ്ഥാ​പി​ക്കു​ന്ന​തി​നാ​യു​ള്ള പ്രാ​രം​ഭ പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്കം കു​റി​ച്ച​പ്പോ​ൾ ജി​ല്ല​യി​ലെ കി​നാ​ലൂ​ർ പ്ര​ദേ​ശ​മാ​ണ് സം​സ്ഥാ​ന സ​ർ​ക്കാ​റി​ന്റെ പ​രി​ഗ​ണ​ന​യി​ൽ വ​ന്നി​ട്ടു​ള്ള​ത്.

എ​യിം​സ് സ്ഥാ​പി​ക്കു​ന്ന​തി​ന് അ​നു​യോ​ജ്യ​മാ​യ 200 ഏ​ക്ക​ർ സ്ഥ​ലം കി​നാ​ലൂ​രി​ൽ ക​ണ്ടെ​ത്തി റ​വ​ന്യു വ​കു​പ്പി​ന് കൈ​മാ​റു​ക​യും ചെ​യ്തു. മാ​ത്ര​മ​ല്ല കി​നാ​ലൂ​രി​ലെ നി​ർ​ദി​ഷ്ട സ്ഥ​ലം സം​സ്ഥാ​ന ആ​രോ​ഗ്യ​മ​ന്ത്രി​യും ആ​രോ​ഗ്യ​വ​കു​പ്പ് ഉ​ന്ന​ത ഉ​ദ്യോ​ഗ​സ്ഥ​രും സ​ന്ദ​ർ​ശി​ച്ച് ഏ​റെ സം​തൃ​പ്തി രേ​ഖ​പ്പെ​ടു​ത്തു​ക​യും ചെ​യ്തു. ത​ദ്ദേ​ശീ​യ​രാ​യ നാ​ട്ടു​കാ​രും എ​യിം​സ് സ്ഥാ​പി​ക്കു​ന്ന​തി​ന് അ​നു​കൂ​ല​മാ​യ നി​ല​പാ​ട് എ​ടു​ക്കു​ക മാ​ത്ര​മ​ല്ല, കൂ​ടു​ത​ൽ സ്ഥ​ലം ആ​വ​ശ്യ​മാ​യാ​ൽ ത​ങ്ങ​ളു​ടെ കി​ട​പ്പാ​ടം പോ​ലും ന​ൽ​കാ​ൻ സ​ന്ന​ദ്ധ​രാ​ണെ​ന്ന് അ​റി​യി​ക്കു​ക​യും ചെ​യ്തു. സം​സ്ഥാ​ന സ​ർ​ക്കാ​ർ സ്ഥ​ലം ഏ​റ്റെ​ടു​ത്തു ന​ൽ​കി. 1500 കോ​ടി​യോ​ളം രൂ​പ കേ​ന്ദ്രം ചെ​ല​വാ​ക്കി​യാ​ൽ മാ​ത്ര​മേ എ​യിം​സ് എ​ന്ന കേ​ര​ള​ത്തി​ന്റെ സ്വ​പ്നം സാ​ക്ഷാ​ത്ക​രി​ക്കൂ.

എ​ന്നാ​ൽ, ഇ​ത്ത​വ​ണ​ത്തെ കേ​ന്ദ്ര ബ​ജ​റ്റി​ലും തു​ക നീ​ക്കി​വെ​ക്കാ​ത്ത​തി​നാ​ൽ എ​യിം​സ് എ​ന്ന സ്വ​പ്നം വീ​ണ്ടും നീ​ണ്ടു​പോ​കു​ക​യാ​ണ്. ജി​ല്ല​യോ​ടൊ​പ്പം പ്ര​ത്യേ​കി​ച്ചു ബാ​ലു​ശ്ശേ​രി കി​നാ​ലൂ​ർ പ്ര​ദേ​ശ​ത്തു​കാ​രും നി​രാ​ശ​യോ​ടെ​യാ​ണ് ബ​ജ​റ്റി​നെ ഉ​ൾ​ക്കൊ​ണ്ട​ത്. എ​യിം​സി​നു​വേ​ണ്ടി​യു​ള്ള പ്ര​തീ​ക്ഷ കൈ​വി​ടാ​തെ​യാ​ണ് ആ​രോ​ഗ്യ​മ​ന്ത്രി​യും ജ​ന​പ്ര​തി​നി​ധി​ക​ളും ഇ​പ്പോ​ഴും നി​ല​കൊ​ള്ളു​ന്ന​ത്.

എ​യിം​സ് വ​രു​ക​യാ​ണെ​ങ്കി​ൽ അ​ത് കി​നാ​ലൂ​രി​ൽ ത​ന്നെ​യാ​യി​രി​ക്കു​മെ​ന്ന് മു​ഖ്യ​മ​ന്ത്രി നി​യ​മ​സ​ഭ​യി​ൽ പ്ര​സ്താ​വി​ച്ച വാ​ക്കും കി​നാ​ലൂ​ർ നി​വാ​സി​ക​ൾ ഏ​റെ പ്ര​തീ​ക്ഷ​യോ​ടെ ത​ന്നെ​യാ​ണ് കാ​ണു​ന്ന​ത്.