ബീ​ച്ച് ആ​ശു​പ​ത്രി​യി​ലെ കാ​ത്ത് ലാ​ബ് പ്ര​വ​ർ​ത്ത​നം ഇ​ന്ന് പു​ന​രാ​രം​ഭി​ക്കും

കോ​ഴി​ക്കോ​ട്: ഗ​വ. ജ​ന​റ​ൽ (ബീ​ച്ച്) ആ​ശു​പ​ത്രി​യി​ലെ കാ​ത്ത് ലാ​ബ് പ്ര​വ​ർ​ത്ത​ന​സ​ജ്ജം. ഏ​ഴു​മാ​സ​ത്തോ​ളം അ​ട​ച്ചി​ട്ട കാ​ത്ത് ലാ​ബി​ന്‍റെ അ​ണു​ന​ശീ​ക​ര​ണ​വും പ​ഴ​യ സ്റ്റോ​ക്ക് ഒ​ഴി​വാ​ക്കു​ന്ന​ത് അ​ട​ക്ക​മു​ള്ള പ്ര​വ​ർ​ത്ത​ന​ങ്ങ​ളും പൂ​ർ​ത്തി​യാ​ക്കി.

ബു​ധ​നാ​ഴ്ച പു​ന​രാ​രം​ഭി​ക്കു​മെ​ന്നാ​ണ് നേ​ര​ത്തെ അ​റി​യി​ച്ചി​രു​ന്ന​തെ​ങ്കി​ലും ന​ട​ന്നി​ല്ല. വ്യാ​ഴാ​ഴ്ച മു​ത​ൽ ശ​സ്ത്ര​ക്രി​യ ന​ട​ത്തു​മെ​ന്ന് ആ​ശു​പ​ത്രി അ​ധി​കൃ​ത​ർ അ​റി​യി​ച്ചു. ആ​ശു​പ​ത്രി​യി​ൽ കാ​ർ​ഡി​യോ​ള​ജി വി​ഭാ​ഗ​ത്തി​ൽ ജോ​ലി ക്ര​മീ​ക​ര​ണ വ്യ​വ​സ്ഥ​യി​ൽ ഒ​രു ഡോ​ക്‌​ട​റെ കൂ​ടി നി​യ​മി​ച്ചു. ഇ​തോ​ടെ ര​ണ്ടു കാ​ർ​ഡി​യോ​ള​ജി​സ്റ്റു​ക​ളു​ടെ സേ​വ​നം ല​ഭ്യ​മാ​വും. ചൊ​വ്വ, വ്യാ​ഴം ദി​വ​സ​ങ്ങ​ളി​ലാ​ണ് ഒ.​പി പ്ര​വ​ർ​ത്തി​ക്കു​ന്ന​ത്. ര​ണ്ട് കാ​ർ​ഡി​യോ​ള​ജി​സ്‌​റ്റി​ന്റെ സേ​വ​നം ല​ഭ്യ​മാ​യ​തി​നാ​ൽ ഒ.​പി വി​ഭാ​ഗ​ത്തി​ൽ കൂ​ടു​ത​ൽ രോ​ഗി​ക​ളെ പ​രി​ശോ​ധി​ക്ക​ണ​മെ​ന്ന ആ​വ​ശ്യം ഉ​യ​ർ​ന്നി​ട്ടു​ണ്ട്.

ഈ ​ആ​വ​ശ്യം പ​രി​ഗ​ണ​യി​ലു​ണ്ടെ​ന്നും ഇ​ത് ക്ര​മാ​നു​ഗ​ത​മാ​യി വ​ർ​ധി​പ്പി​ക്കു​മെ​ന്നും ആ​ശു​പ​ത്രി അ​ധി​കൃ​ത​ർ അ​റി​യി​ച്ചു. അ​തേ​സ​മ​യം ഉ​പ​ക​ര​ണ​ങ്ങ​ൾ വി​ത​ര​ണം ചെ​യ്‌​ത​വ​ർ​ക്കു​ള്ള കു​ടി​ശ്ശി​ക അ​ക്കൗ​ണ്ടി​ൽ എ​ത്തി​ത്തു​ട​ങ്ങി. കു​ടി​ശ്ശി​ക ല​ഭി​ക്കാ​തെ സ്റ്റെ​ന്‍റ് വി​ത​ര​ണം നി​ല​ച്ച് എ​ട്ട് മാ​സ​ത്തോ​ള​മാ​യി അ​ട​ച്ചി​ട്ട കാ​ത്ത് ലാ​ബ് മ​ന്ത്രി നി​യോ​ഗി​ച്ച പ്ര​ത്യേ​ക അ​ന്വേ​ഷ​ണ സ​മി​തി​യു​ടെ ഇ​ട​പെ​ട​ലി​ലാ​ണ് പ്ര​വ​ർ​ത്ത​നം പു​ന​രാ​രം​ഭി​ച്ച​ത്.