ബേപ്പൂർ ജലമേളക്ക്​ സമാപനം

ബേ​പ്പൂ​ർ: ക​ര​യി​ലും ക​ട​ലി​ലും ആ​കാ​ശ​ത്തും വി​സ്മ​യം തീ​ർ​ത്ത ജ​ല സാ​ഹ​സി​ക മേ​ള​യ്ക്ക് സ​മാ​പ്തി. നാ​ലു​ദി​വ​സം നീ​ണ്ടു​നി​ന്ന മേ​ള​യു​ടെ സ​മാ​പ​ന സ​മ്മേ​ള​നം പൊ​തു​മ​രാ​മ​ത്ത്, ടൂ​റി​സം മ​ന്ത്രി പി.​എ. മു​ഹ​മ്മ​ദ് റി​യാ​സ് ഉ​ദ്ഘാ​ട​നം ചെ​യ്തു. ബേ​പ്പൂ​രി​ൽ സ​ർ​ഫി​ങ്​ സ്കൂ​ൾ ആ​രം​ഭി​ക്കു​മെ​ന്നും പ്രാ​ദേ​ശി​ക​രാ​യ മ​ത്സ്യ​ത്തൊ​ഴി​ലാ​ളി​ക​ളി​ൽ​നി​ന്നും തെ​ര​ഞ്ഞെ​ടു​ക്ക​പ്പെ​ട്ട​വ​രെ ഭാ​വി​യി​ൽ സ​ർ​ഫി​ങ്​ സ്കൂ​ളി​ൽ അ​ധ്യാ​പ​ക​രാ​യി നി​യ​മി​ക്കാ​ൻ ടൂ​റി​സം വ​കു​പ്പ് ആ​ലോ​ചി​ക്കു​ന്ന​താ​യും മ​ന്ത്രി പ​റ​ഞ്ഞു.

സെ​യ്‌​ലി​ങ്​ ഉ​ൾ​പ്പെ​ടെ​യു​ള്ള അ​ഡ്വ​ഞ്ച​ർ ടൂ​റി​സ​ത്തി​ൽ രാ​ജ്യ​ത്തെ പ്ര​ധാ​ന കേ​ന്ദ്ര​മാ​ക്കി ബേ​പ്പൂ​രി​നെ മാ​റ്റു​ന്ന​തി​നു​ള്ള ശ്ര​മ​ങ്ങ​ൾ​ക്ക് ടൂ​റി​സം വ​കു​പ്പ് നേ​തൃ​ത്വം കൊ​ടു​ക്കും. വി​നോ​ദ​സ​ഞ്ചാ​ര മേ​ഖ​ല​യു​ടെ സ​മ​ഗ്ര വി​ക​സ​ന​ത്തി​നാ​ണ് സ​ർ​ക്കാ​ർ ഊ​ന്ന​ൽ ന​ൽ​കു​ന്ന​തെ​ന്നും മ​ന്ത്രി പ​റ​ഞ്ഞു. ആ​സൂ​ത്ര​ണ​ ബോ​ർ​ഡ് അം​ഗം സ​ന്തോ​ഷ് ജോ​ർ​ജ് കു​ള​ങ്ങ​ര മു​ഖ്യ​പ്ര​ഭാ​ഷ​ണം ന​ട​ത്തി. മ​ഞ്ജു വാ​ര്യ​ർ ഓ​ൺ​ലൈ​നി​ലൂ​ടെ വി​ശി​ഷ്ടാ​തി​ഥി​യാ​യി. ജി​ല്ല ക​ല​ക്ട​ർ ഡോ. ​എ​ൻ. തേ​ജ് ലോ​ഹി​ത് റെ​ഡ്ഡി അ​ധ്യ​ക്ഷ​ത വ​ഹി​ച്ചു. മേ​യ​ർ ഡോ. ​ബീ​ന ഫി​ലി​പ്, കോ​ർ​പ​റേ​ഷ​ൻ ന​ഗ​രാ​സൂ​ത്ര​ണ​കാ​ര്യ സ്ഥി​രം സ​മി​തി ചെ​യ​ര്‍പേ​ഴ്സ​ൻ കൃ​ഷ്ണ കു​മാ​രി, വി​നോ​ദ സ​ഞ്ചാ​ര വ​കു​പ്പ് ഡ​യ​റ​ക്ട​ർ വി.​ആ​ർ. കൃ​ഷ്ണ​തേ​ജ, ജി​ല്ല പൊ​ലീ​സ് മേ​ധാ​വി എ.​വി. ജോ​ർ​ജ്, സ​ബ് ക​ല​ക്ട​ർ വി. ​ചെ​ൽ​സ സി​നി, ഡി.​സി.​പി സ്വ​പ്‌​നി​ൽ മ​ധു​ക​ർ മ​ഹാ​ജ​ൻ, എ.​ഡി.​എം. സി ​മു​ഹ​മ്മ​ദ്‌ റ​ഫീ​ഖ്, വി​നോ​ദ​സ​ഞ്ചാ​ര​വ​കു​പ്പ് ജോ. ​ഡ​യ​റ​ക്ട​ർ സി.​എ​ൻ. അ​നി​ത​കു​മാ​രി തു​ട​ങ്ങി​യ​വ​ർ സം​സാ​രി​ച്ചു.

തുഴച്ചിൽ മത്സരത്തിനിടെ തോണി മറിഞ്ഞു; മുങ്ങിയ ആളെ രക്ഷപ്പെടുത്തി

ബേ​പ്പൂ​ർ: ജ​ല​മേ​ള​യി​ൽ തു​ഴ​ച്ചി​ൽ മ​ത്സ​ര​ത്തി​നി​ടെ തോ​ണി​ക​ൾ മ​റി​ഞ്ഞ് പു​ഴ​യി​ൽ മു​ങ്ങി​യ ആ​ളെ ര​ക്ഷ​പ്പെ​ടു​ത്തി. ബു​ധ​നാ​ഴ്ച വൈ​കീ​ട്ട് അ​ഞ്ചി​ന്​ മ​റീ​ന ജെ​ട്ടി​യു​ടെ ഭാ​ഗ​ത്ത് മ​ത്സ​ര​ത്തി​ൽ പ​ങ്കെ​ടു​ത്ത തോ​ണി​ക​ൾ കൂ​ട്ടി​യി​ടി​ച്ചാ​ണ് അ​പ​ക​ട​മു​ണ്ടാ​യ​ത്.

അ​ഗ്നി​ശ​മ​ന സേ​നാം​ഗ​ങ്ങ​ളാ​ണ് തോ​ണി​യും മു​ങ്ങി​യ ആ​ളെ​യും ര​ക്ഷ​പ്പെ​ടു​ത്തി​യ​ത്. ക​ൺ​ട്രി ബോ​ട്ട് റൈ​സി​ൽ ടീം ​ക്യാ​പ്റ്റ​ൻ സു​കു​വി‍െൻറ നേ​തൃ​ത്വ​ത്തി​ൽ തു​ഴ​ച്ചി​ൽ മ​ത്സ​ര​ത്തി​ൽ പ​ങ്കെ​ടു​ത്ത ക​ളേ​ർ​സ് കീ​ഴു​പ​റ​മ്പി‍െൻറ തോ​ണി​യാ​ണ് മ​റി​ഞ്ഞ​ത്.

ആ​ദ്യ റൗ​ണ്ട് തു​ഴ​ച്ചി​ൽ മ​ത്സ​ര​ത്തി​നി​ട​യി​ൽ റോ​വേ​ഴ്സ് ക​ല്ലി​ങ്ങ​ൽ ടീ​മി‍െൻറ തോ​ണി​യു​മാ​യാ​ണ് കൂ​ട്ടി​യി​ടി​ച്ച​ത്. ഒ​മ്പ​തു​പേ​രാ​ണ് തോ​ണി​യി​ൽ ഉ​ണ്ടാ​യി​രു​ന്ന​ത്. ഈ ​സ​മ​യം എ​ൻ​ജി​ൻ ഘ​ടി​പ്പി​ച്ച ഡി​ങ്കി​യു​മാ​യി സു​ര​ക്ഷ ജോ​ലി​യി​ലു​ണ്ടാ​യി​രു​ന്ന ഗ്രേ​ഡ് അ​സി. സ്റ്റേ​ഷ​ൻ ഓ​ഫി​സ​ർ ഇ. ​ശി​ഹാ​ബു​ദീ​നി‍െൻറ നേ​തൃ​ത്വ​ത്തി​ൽ അ​ഗ്നി​ശ​മ​ന സേ​നാം​ഗ​ങ്ങ​ൾ ഉ​ട​ൻ സം​ഭ​വ സ്ഥ​ല​ത്തേ​ക്ക് കു​തി​ച്ച്​ അ​പ​ക​ട​ത്തി​ൽ​പെ​ട്ട​വ​രെ ര​ക്ഷ​പ്പെ​ടു​ത്തി ക​ര​യി​ലെ​ത്തി​ക്കു​ക​യാ​യി​രു​ന്നു.