ട്രോളിങ് നിരോധനം: പഠനം നടത്തണമെന്ന ആവശ്യം ശക്തമാകുന്നു

ബേ​പ്പൂ​ർ: യ​ന്ത്ര​വ​ത്കൃ​ത ബോ​ട്ടു​ക​ളു​ടെ മ​ൺ​സൂ​ൺ​കാ​ല ട്രോ​ളി​ങ് നി​രോ​ധ​ന​ത്തി​ൽ പു​തി​യ പ​ഠ​നം ന​ട​ത്ത​ണ​മെ​ന്ന ആ​വ​ശ്യം ശ​ക്ത​മാ​കു​ന്നു. ജൂ​ൺ, ജൂ​ലൈ മാ​സ​ങ്ങ​ൾ മ​ത്സ്യ​ങ്ങ​ളു​ടെ പ്ര​ജ​ന​ന കാ​ല​ഘ​ട്ട​മാ​ക​യാ​ൽ, ഈ ​സ​മ​യ​ത്തു​ള്ള മ​ത്സ്യ​ബ​ന്ധ​നം ക​ട​ൽ സ​മ്പ​ത്തി​ന്റെ വം​ശ​നാ​ശ​ത്തി​ന് കാ​ര​ണ​മാ​കു​മെ​ന്ന മു​ൻ​കാ​ല പ​ഠ​ന​ത്തി​ന്റെ അ​ടി​സ്ഥാ​ന​ത്തി​ലാ​ണ് സം​സ്ഥാ​ന ഫി​ഷ​റീ​സ് വ​കു​പ്പ് ട്രോ​ളി​ങ് നി​രോ​ധ​നം വ​ർ​ഷ​ങ്ങ​ളാ​യി ഏ​ർ​പ്പെ​ടു​ത്തി വ​രു​ന്ന​ത്.

‘മ​ൺ​സൂ​ൺ കാ​ല മ​ത്സ്യ​ബ​ന്ധ​ന നി​രോ​ധ​നം ഏ​ർ​പ്പെ​ടു​ത്ത​ൽ’ ശി​പാ​ർ​ശ ചെ​യ്യു​ന്ന സ​മു​ദ്ര പ​ഠ​ന​ത്തി​ന്, പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്. സ​മീ​പ​കാ​ല​ങ്ങ​ളി​ൽ പ്ര​കൃ​തി​യി​ലു​ണ്ടാ​യ വ​ലി​യ മാ​റ്റ​ങ്ങ​ളും കാ​ലാ​വ​സ്ഥ വ്യ​തി​യാ​ന​ങ്ങ​ളും, സ​മു​ദ്ര​ത്തി​ന്റെ അ​ടി​ത്ത​ട്ടി​ലും ഉ​പ​രി​ത​ല​ത്തി​ലും വ​ലി​യ മാ​റ്റ​ങ്ങ​ൾ സൃ​ഷ്ടി​ച്ചു. മു​മ്പ് ധാ​രാ​ള​മാ​യി ല​ഭി​ച്ച പ​ല മ​ത്സ്യ​ങ്ങ​ളും അ​പ്ര​ത്യ​ക്ഷ​മാ​വു​ക​യും പു​തി​യ ഇ​നം മീ​നു​ക​ൾ പ്ര​ത്യ​ക്ഷ​പ്പെ​ടു​ക​യും ചെ​യ്യു​ന്നു. ട്രോ​ളി​ങ് നി​രോ​ധ​നം കൊ​ണ്ട് ക​ട​ൽ​സ​മ്പ​ത്തി​ന് ഗു​ണ​ക​ര​മാ​കു​ന്നു​ണ്ടോ എ​ന്ന​തി​ന് പു​റ​മെ, മ​ത്സ്യ​ങ്ങ​ളു​ടെ പ്ര​ജ​ന​ന​ത്തി​ന്റെ സ്വ​ഭാ​വി​ക മാ​റ്റ​ങ്ങ​ളെ​കു​റി​ച്ചും സ​മു​ദ്ര ഗ​വേ​ഷ​ണ വി​ഭാ​ഗം പു​തി​യ പ​ഠ​ന​ത്തി​ന് വി​ധേ​യ​മാ​ക്ക​ണ​മെ​ന്നാ​ണ് യ​ന്ത്ര​വ​ൽ​കൃ​ത ബോ​ട്ടു​ട​മ സം​ഘ​ട​ന​ക​ൾ ആ​വ​ശ്യ​പ്പെ​ടു​ന്ന​ത്. എ​ന്നാ​ൽ, നി​രോ​ധ​ന കാ​ല​ത്ത് ട്രോ​ളി​ങ് ബോ​ട്ടു​ക​ളെ​ക്കാ​ള്‍ വ​ലി​യ ഇ​രു​മ്പു വ​ഞ്ചി​ക​ളാ​ണ് ക​ട​ല്‍ അ​രി​ച്ച് മ​ത്സ്യ​സ​മ്പ​ത്ത് കോ​രി​യെ​ടു​ക്കു​ന്ന​ത്. ഇ​ന്‍ബോ​ര്‍ഡ് എ​ഞ്ചി​ൻ ഘ​ടി​പ്പി​ച്ച കോ​ടി​ക​ൾ വി​ല​മ​തി​ക്കു​ന്ന ഭീ​മ​ന്‍ വ​ഞ്ചി​ക​ള്‍ ട്രോ​ളി​ങ് നി​രോ​ധ​ന സ​മ​യ​ത്ത് ‘പ​ര​മ്പ​രാ​ഗ​തം’ എ​ന്ന പേ​രി​ല്‍ 12 നോ​ട്ടി​ക്ക​ൽ മൈ​ലി​ന് പ​ക​രം 22 നോ​ട്ടി​ക്ക​ൽ മൈ​ൽ വ​രെ ക​ട​ലി​ൽ മീ​ൻ​പി​ടി​ത്തം ന​ട​ത്തു​ന്ന​ത് അം​ഗീ​ക​രി​ക്കാ​നാ​വി​ല്ല.

ഇ​വ​രു​പ​യോ​ഗി​ക്കു​ന്ന റിം​ഗ്‌​സീ​ന്‍ പോ​ലു​ള്ള വ​ല​ക​ൾ മ​ത്സ്യ​സ​മ്പ​ത്തി​ന് ദോ​ഷ​ക​ര​മാ​ണ്. നി​രോ​ധ​ന​കാ​ലം ക​ട​ലി​നെ പൂ​ര്‍ണ്ണ​മാ​യി ഒ​ഴി​വു​കാ​ല​മാ​ക്കി എ​ല്ലാ ത​രം യ​ന്ത്ര​വ​ല്‍കൃ​ത മ​ല്‍സ്യ​ബ​ന്ധ​ന​വും നി​രോ​ധി​ക്ക​ണ​മെ​ന്ന ആ​വ​ശ്യ​മാ​ണ് ഉ​യ​ർ​ത്തു​ന്ന​ത്. കേ​ര​ള​ത്തി​ല്‍ മാ​ത്ര​മാ​ണ് പ​ര​മ്പ​രാ​ഗ​ത​മെ​ന്ന പേ​രി​ല്‍ മ​ണ്‍സൂ​ണ്‍ കാ​ല​ത്ത് മീ​ൻ​പി​ടി​ത്തം ന​ട​ത്തു​ന്ന​തി​ന് പ്ര​ത്യേ​ക പ​രി​ര​ക്ഷ​യും പ​രി​ഗ​ണ​ന​യും ന​ല്‍കു​ന്ന​ത്. ഈ ​ആ​നു​കൂ​ല്യ​ത്തി​ന്റെ മ​റ​വി​ലാ​ണ് ചൈ​നീ​സ് എ​ന്‍ജി​നു​ക​ൾ ഘ​ടി​പ്പി​ച്ച ഇ​രു​മ്പു വ​ഞ്ചി​ക​ള്‍ മ​ല്‍സ്യ​സ​മ്പ​ത്ത് അ​നി​യ​ന്ത്രി​ത​മാ​യി അ​രി​ച്ചെ​ടു​ക്കു​ന്ന​ത്.

ട്രോ​ളി​ങ് നി​രോ​ധ​ന കാ​ല​യ​ള​വാ​ണ് ക​രി​ക്കാ​ടി ചെ​മ്മീ​നി​ന്റെ ആ​ഗ​മ​ന​കാ​ലം. കോ​ടി​ക​ള്‍ വി​ദേ​ശ​നാ​ണ്യം നേ​ടി​ത്ത​രു​ന്ന ക​ട​ല്‍പൊ​ന്നാ​യ ക​രി​ക്കാ​ടി ചെ​മ്മീ​ൻ ജൂ​ൺ-​ജൂ​ലൈ മാ​സ​ങ്ങ​ളി​ൽ പി​ടി​ച്ചില്ലെ​ങ്കി​ൽ പി​ന്നീ​ട് ല​ഭ്യ​മാ​കി​ല്ല. മ​ണ്‍സൂ​ണി​നോ​ടൊ​പ്പം കേ​ര​ള​ത്തി​ലെ തീ​ര​ക്ക​ട​ലി​ലെ​ത്തു​ന്ന ക​രി​ക്കാ​ടി ചെ​മ്മീ​ന്‍ചാ​ക​ര ട്രോ​ളി​ങ് ബോ​ട്ടു​ക​ളു​ടെ നി​ല​നി​ല്‍പി​ന്റെ ത​ന്നെ പ്ര​ധാ​ന ഘ​ട​ക​മാ​യി​രു​ന്നു. നി​രോ​ധ​ന പ്ര​ഖ്യാ​പ​ന​ത്തി​ന്റെ ആ​ദ്യ​കാ​ല​ങ്ങ​ളി​ൽ ഇ​ക്കാ​ര്യം ചൂ​ണ്ടി​ക്കാ​ട്ടി നി​രോ​ധ​ന സാ​ധു​ത​യെ ചോ​ദ്യം ചെ​യ്തു കൊ​ണ്ട്, ക​രി​ക്കാ​ടി ചെ​മ്മീ​ൻ പി​ടി​ക്കാ​ൻ അ​നു​വാ​ദം ല​ഭി​ക്കു​ന്ന​തി​ന് സ​മ​ര​ങ്ങ​ളും നി​യ​മ​യു​ദ്ധ​ങ്ങ​ളും യ​ന്ത്ര​വ​ല്‍കൃ​ത ട്രോ​ളി​ങ് മേ​ഖ​ല ന​ട​ത്തി​യെ​ങ്കി​ലും അ​നു​കൂ​ല നി​ല​പാ​ടു​ണ്ടാ​യി​ല്ല.

നി​രോ​ധ​ന കാ​ല​ഘ​ട്ട​ത്തി​ൽ ക​ട​ലി​ൽ വ​ലി​യ വി​ദേ​ശ ക​പ്പ​ലു​ക​ൾ യ​ഥേ​ഷ്ടം ട്രോ​ളി​ങ് ന​ട​ത്തു​ന്നു. സം​സ്ഥാ​ന​ത്തെ യ​ന്ത്ര​വ​ൽ​കൃ​ത ബോ​ട്ടു​കാ​ർ​ക്ക് ല​ഭി​ക്കേ​ണ്ട മ​ത്സ്യ​ങ്ങ​ളാ​ണ് വി​ദേ​ശ ട്രോ​ള​റു​ക​ൾ കോ​രി​യെ​ടു​ത്തു മ​റ്റു രാ​ജ്യ​ങ്ങ​ളി​ലേ​ക്ക് കൊ​ണ്ടു​പോ​കു​ന്ന​ത്. ഇ​ത് ത​ട​യു​ന്ന​തി​നു​ള്ള നി​യ​മം അ​പ​ര്യാ​പ്ത​വു​മാ​ണ്. ട്രോ​ളി​ങ് നി​രോ​ധ​ന വി​ഷ​യ​ത്തി​ൽ പു​തി​യ പ​ഠ​നം ന​ട​ത്ത​ണ​മെ​ന്ന ആ​വ​ശ്യ​വു​മാ​യി കേ​ന്ദ്ര-​സം​സ്ഥാ​ന ഫി​ഷ​റീ​സ് മ​ന്ത്രാ​ല​യ​ങ്ങ​ളെ സ​മീ​പി​ക്കാ​ൻ തീ​രു​മാ​നി​ച്ച​താ​യി സ്വ​ത​ന്ത്ര മ​ത്സ്യ​ത്തൊ​ഴി​ലാ​ളി ഫെ​ഡ​റേ​ഷ​ൻ സം​സ്ഥാ​ന പ്ര​സി​ഡ​ന്റ് പി.​ സ്റ്റെ​ല്ല​സ് പ​റ​ഞ്ഞു. നി​ല​വി​ലെ ട്രോ​ളി​ങ് നി​രോ​ധ​നം തീ​ർ​ത്തും അ​ശാ​സ്ത്രീ​യ​മാ​ണെ​ന്നും നി​രോ​ധ​ന കാ​ല​യ​ള​വി​ൽ പ​ര​മ്പ​രാ​ഗ​ത മേ​ഖ​ലക്ക് അ​നു​വ​ദി​ച്ച മീ​ൻ​പി​ടി​ത്തം ഇ​ത​ര സം​സ്ഥാ​ന​ങ്ങ​ളെ​പ്പോ​ലെ 9.9 എ​ൻ​ജി​ൻ ഘ​ടി​പ്പി​ച്ച ചെ​റു​കി​ട വ​ഞ്ചി​ക​ൾ​ക്ക് മാ​ത്രം അ​നു​വ​ദി​ച്ച്, ക​ട​ൽ​സ​മ്പ​ത്തി​ന്റെ സം​ര​ക്ഷ​ണം ഉ​റ​പ്പു​വ​രു​ത്താ​ൻ സ​ർ​ക്കാ​റി​ന്റെ ഭാ​ഗ​ത്തു​നി​ന്നു ശ​ക്ത​മാ​യ ന​ട​പ​ടി ഉ​ണ്ടാ​വ​ണ​മെ​ന്നാ​ണ് ആ​വ​ശ്യം.