കോർപറേഷൻ വാർഷിക പദ്ധതി ഭേദഗതി; ബേപ്പൂരിൽ നിർധനർക്കുള്ള ഫ്ലാറ്റ് സമുച്ചയത്തിന് 7.21 കോടി

കോ​ഴി​ക്കോ​ട്: ബേ​പ്പൂ​രി​ൽ തീ​രു​മാ​നി​ച്ച നി​ർ​ധ​ന​ർ​ക്കു​ള്ള ഫ്ലാ​റ്റ് സ​മു​ച്ച​യ​ത്തി​ന് 7.21 കോ​ടി രൂ​പ ഉ​ൾ​പ്പെ​ടു​ത്തി കോ​ർ​പ​റേ​ഷ​ൻ വാ​ർ​ഷി​ക പ​ദ്ധ​തി ഭേ​ദ​ഗ​തി. ഇ​ത​ട​ക്കം മൊ​ത്തം 177.9 കോ​ടി രൂ​പ​യു​ടെ വാ​ർ​ഷി​ക പ​ദ്ധ​തി ഭേ​ദ​ഗ​തി മേ​യ​ർ ഡോ. ​ബീ​നാ​ഫി​ലി​പ്പി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന കോ​ർ​പ​റേ​ഷ​ന്റെ പ്ര​ത്യേ​ക കൗ​ൺ​സി​ൽ യോ​ഗം അം​ഗീ​ക​രി​ച്ചു. ഭൂ​മി​യും വീ​ടു​മി​ല്ലാ​ത്ത​വ​രു​ടെ ഭ​വ​ന നി​ർ​മാ​ണ​ത്തി​ന് നാലു കോ​ടി രൂ​പ​യ​ട​ക്കം മൊ​ത്തം 465 പ​ദ്ധ​തി​ക​ൾ അം​ഗീ​ക​രി​ച്ചു.

കു​ടും​ബ​ശ്രീ പ്രീ​മി​യം ഹോ​ട്ട​ൽ തു​ട​ങ്ങാ​ൻ തീ​രു​മാ​നി​ച്ചു. ഈ ​പ​ദ്ധ​തി​ക്ക് 60 ല​ക്ഷം രൂ​പ വ​ക​യി​രു​ത്തി. കോ​ഴി​ക്കോ​ട് സാ​ഹി​ത്യ​ന​ഗ​രം പ​ദ്ധ​തി​ക്ക് മൊ​ത്തം 72.37 ല​ക്ഷം രൂ​പ​യും ഭേ​ദ​ഗ​തി​യി​ൽ വ​ക​യി​രു​ത്തി. ര​ണ്ട് ഇ​ന​ങ്ങ​ളി​ലാ​യി 25 ല​ക്ഷം, 47.37 ല​ക്ഷം എ​ന്നി​ങ്ങ​നെ​യാ​ണ് മാ​റ്റി​വെ​ച്ച​ത്. തെ​രു​വു​നാ​യ് നി​യ​ന്ത്ര​ണ​ത്തി​നു​ള്ള എ.​ബി.​സി പ​ദ്ധ​തി​ക്കും മു​ത​ല​ക്കു​ളം സം​ര​ക്ഷ​ണ​ത്തി​നും ബീ​ച്ചി​ൽ ക​ച്ച​വ​ട​ത്തി​ന് അ​ടി​സ്ഥാ​ന സൗ​ക​ര്യ​മൊ​രു​ക്കാ​നു​മെ​ല്ലാം പ​ണം നീ​ക്കി​വ​ച്ചി​ട്ടു​ണ്ട്. ട്രാ​ൻ​സ്‌​ജെ​ൻ​ഡ​ർ ഷെ​ൽ​ട്ട​ർ ഹോ​മി​നാ​യി 15 ല​ക്ഷം രൂ​പ നീ​ക്കി​വെ​ച്ചി​ട്ടു​ണ്ട്. പു​തി​യ ഭേ​ദ​ഗ​തി ജി​ല്ല ആ​സൂ​ത്ര​ണ​സ​മി​തി​ക്ക് മു​ന്നി​ൽ അം​ഗീ​കാ​ര​ത്തി​നാ​യി സ​മ​ർ​പ്പി​ക്കും.

കോ​ർ​പ​റേ​ഷ​ന്റെ വാ​ർ​ഷി​ക ധ​ന​കാ​ര്യ​പ​ത്രി​ക​യും യോ​ഗം അം​ഗീ​ക​രി​ച്ചു. 125 കോ​ടി രൂ​പ നീ​ക്കി​യി​രി​പ്പു​ള്ള​താ​ണ് ധ​ന​കാ​ര്യ​പ​ത്രി​ക. ഉ​പ​യോ​ഗി​ക്കാ​തെ കി​ട​ക്കു​ന്ന കോ​ർ​പ​റേ​ഷ​ന്റെ അ​ക്കൗ​ണ്ടു​ക​ളെ​പ്പ​റ്റി കെ.​സി. ശോ​ഭി​ത, കെ. ​മൊ​യ്തീ​ൻ കോ​യ എ​ന്നി​വ​രു​ടെ നേ​തൃ​ത്വ​ത്തി​ൽ ആ​ശ​ങ്ക​യു​ന്ന​യി​ച്ചു. ഇ​ത്ത​രം അ​ക്കൗ​ണ്ടി​ലെ പ​ണം തി​രി​മ​റി​ക്ക് ഇ​ട ന​ൽ​കു​ന്നു​വെ​ന്നാ​ണ് പ​രാ​തി. എ​ന്നാ​ൽ അ​ത്ത​രം അ​ക്കൗ​ണ്ടു​ക​ൾ ഒ​ഴി​വാ​ക്കി​യെ​ന്ന് ഡെ​പ്യൂ​ട്ടി മേ​യ​ർ സി.​പി. മു​സാ​ഫ​ർ അ​ഹ​മ്മ​ദ് പ​റ​ഞ്ഞു. പ​ഞ്ചാ​ബ് നാ​ഷ​ന​ൽ ബാ​ങ്കി​ന്റെ അ​ക്കൗ​ണ്ട് മാ​ത്ര​മേ ഇ​നി ബാ​ക്കി​യു​ള്ളു​വെ​ന്ന് ഡെ​പ്യൂ​ട്ടി മേ​യ​ർ പ​റ​ഞ്ഞു.