കടലിൽ അകപ്പെട്ട മത്സ്യത്തൊഴിലാളികളെ രക്ഷപ്പെടുത്തി

ബേ​പ്പൂ​ർ: ചാ​ലി​യ​ത്തു​നി​ന്ന് ഫൈ​ബ​ർ വ​ഞ്ചി​യി​ൽ മ​ത്സ്യ​ബ​ന്ധ​ന​ത്തി​ന് പോ​യി ക​ട​ലി​ൽ അ​ക​പ്പെ​ട്ട അ​ഞ്ച് തൊ​ഴി​ലാ​ളി​ക​ളെ തീ​ര സം​ര​ക്ഷ​ണ സേ​ന ര​ക്ഷ​പ്പെ​ടു​ത്തി ക​ര​യി​ലെ​ത്തി​ച്ചു. കൊ​ച്ചി​യി​ൽ നി​ന്നെ​ത്തി​യ കോ​സ്റ്റ് ഗാ​ർ​ഡി​ന്റെ ‘അ​ഭീ​ക്’ ക​പ്പ​ലാ​ണ് രാ​ത്രി​യോ​ടെ തൊ​ഴി​ലാ​ളി​ക​ളെ ര​ക്ഷ​പ്പെ​ടു​ത്തി മം​ഗ​ലാപുരത്തെത്തിച്ചത്. ‘യു.​കെ സ​ൺ​സ്’ വ​ഞ്ചി​യി​ലെ തൊ​ഴി​ലാ​ളി​ക​ളാ​ണ് ശ​ക്ത​മാ​യ ക​ട​ൽ​ക്ഷോ​ഭ​ത്തെ തു​ട​ർ​ന്ന് തി​രി​ച്ചു​പോ​രാ​നാ​കാ​തെ ക​ട​ലി​ൽ അ​ക​പ്പെ​ട്ട​ത്. 30ന് ​ഉ​ച്ച​ക്കാ​ണ് ചാ​ലി​യ​ത്ത് നി​ന്നും ഇ​വ​ർ മ​ത്സ്യ​ബ​ന്ധ​ന​ത്തി​ന് പു​റ​പ്പെ​ട്ട​ത്. ശ​ക്ത​മാ​യ കാ​റ്റി​ലും തി​ര​മാ​ല​ക​ളി​ലും അ​ക​പ്പെ​ട്ട ഇ​വ​ർ ബേ​പ്പൂ​രി​ന് പ​ടി​ഞ്ഞാ​റ് ഒ​മ്പ​ത് നോ​ട്ടി​ക്ക​ൽ മൈ​ൽ അ​ക​ലെ​യാ​യി​രു​ന്നു ര​ക്ഷ​തേ​ടി ന​ങ്കൂ​ര​മി​ട്ട് നി​ന്ന​ത്. ഉ​ട​മ പ​ര​പ്പ​ന​ങ്ങാ​ടി സ്വ​ദേ​ശി പു​ര​ക്ക​ൽ അ​ബ്ദു​ല്ല തീ​ര​ദേ​ശ പൊ​ലീ​സി​ൽ വി​വ​ര​മ​റി​യി​ച്ച​തി​നെ തു​ട​ർ​ന്ന് വ​ഞ്ചി​യി​ലെ തൊ​ഴി​ലാ​ളി​ക​ളു​മാ​യി വ​യ​ർ​ലെ​സി​ൽ ബ​ന്ധ​പ്പെ​ട്ട് ന​ങ്കൂ​ര​മി​ട്ട സ്ഥ​ല​ത്തു​നി​ന്ന് വ​ഞ്ചി​യു​മാ​യി മു​ന്നോ​ട്ടു​പോ​കാ​തെ സു​ര​ക്ഷി​ത​മാ​യി​രി​ക്കു​വാ​ൻ നി​ർ​ദേ​ശി​ച്ചു.

തീ​ര​ക്ക​ട​ലി​ൽ ശ​ക്തി​യേ​റി​യ തി​ര​മാ​ല​ക​ൾ ഉ​യ​ര​ത്തി​ൽ അ​ടി​ക്കു​ന്ന​തി​നാ​ൽ കാ​ലാ​വ​സ്ഥ അ​നു​കൂ​ല​മാ​കു​ന്ന​ത് വ​രെ തൊ​ഴി​ലാ​ളി​ക​ൾ ന​ങ്കൂ​ര​മി​ട്ടു​ത​ന്നെ നി​ന്നു. ദി​വ​സ​ങ്ങ​ൾ ക​ഴി​ഞ്ഞി​ട്ടും എ​ത്താ​യ​തോ​ടെ തീ​ര​സം​ര​ക്ഷ​ണ​സേ​ന വ​യ​ർ​ലെ​സ് വ​ഴി വീ​ണ്ടും ബ​ന്ധ​പ്പെ​ടു​ക​യാ​യി​രു​ന്നു.

വ്യാ​ഴാ​ഴ്ച​യോ​ടെ സാ​ഹ​ച​ര്യ​ങ്ങ​ൾ ഭീ​ക​ര​മാ​യ​തോ​ടെ തൊ​ഴി​ലാ​ളി​ക​ൾ അ​ടി​യ​ന്ത​ര ജീ​വ​ൻ ര​ക്ഷ​ക്കാ​യി തീ​ര സം​ര​ക്ഷ​ണ സേ​ന​യു​ടെ സ​ഹാ​യം തേ​ടി. ക​ട​ൽ പ്ര​ക്ഷു​ബ്ധാ​വ​സ്ഥ​യി​ലാ​യ​തി​നാ​ൽ തീ​ര​സം​ര​ക്ഷ​ണ​സേ​ന​യു​ടെ ക​പ്പ​ലി​നും ഉ​ദ്ദേ​ശി​ച്ച പോ​ലെ വ​ഞ്ചി​യു​ടെ അ​ടു​ത്തെ​ത്താ​നാ​യി​ല്ല. വ്യാ​ഴാ​ഴ്ച രാ​ത്രി​യോ​ടെ​യാ​ണ് വ​ഞ്ചി​യെ​യും തൊ​ഴി​ലാ​ളി​ക​ളെ​യും ക​ണ്ടെ​ത്തി ര​ക്ഷ​പ്പെ​ടു​ത്താ​നാ​യ​ത്.

സ്രാ​ങ്കാ​യ മാ​റാ​ട് സ്വ​ദേ​ശി എം. ​പ്ര​ശാ​ന്തു​ൾ​പ്പെ​ടെ ര​ണ്ട് മ​ല​യാ​ളി​ക​ളും ര​ണ്ട് പ​ശ്ചി​മ ബം​ഗാ​ൾ സ്വ​ദേ​ശി​ക​ളും ഒ​രു ത​മി​ഴ്നാ​ട് സ്വ​ദേ​ശി​യു​മാ​ണ് വ​ഞ്ചി​യി​ലു​ണ്ടാ​യി​രു​ന്ന​ത്.