തൊഴിൽ തർക്കം; ബസുകൾ തടഞ്ഞുവെച്ചതായി ഉടമസ്ഥൻ

ബേ​പ്പൂ​ർ: തൊ​ഴി​ൽ ത​ർ​ക്ക​ത്തെ തു​ട​ർ​ന്ന് ബ​സു​ക​ൾ അ​ന്യാ​യ​മാ​യി ത​ട​ഞ്ഞു​വെ​ച്ച​താ​യി ബേ​പ്പൂ​ർ പൊ​ലീ​സി​ൽ ഉ​ട​മ​യു​ടെ പ​രാ​തി. മീ​ഞ്ച​ന്ത ല​ങ്ക​പ​റ​മ്പി​ൽ പു​ള്ളാ​ട്ട് ഷം​സു​ദ്ദീ​ന്റെ ഉ​ട​മ​സ്ഥ​ത​യി​ലു​ള്ള ബേ​പ്പൂ​ർ-​പു​തി​യാ​പ്പ റൂ​ട്ടി​ലോ​ടു​ന്ന ‘പു​ള്ളാ​ട്ട്’ ബ​സും ബേ​പ്പൂ​ർ-​ഭ​ട്ട് റോ​ഡ് റൂ​ട്ടി​ലോ​ടു​ന്ന ‘മ​ർ​വ’ ബ​സു​മാ​ണ് തൊ​ഴി​ൽ ത​ർ​ക്ക​ത്തെ തു​ട​ർ​ന്ന് ത​ട​ഞ്ഞു​വെ​ച്ചി​ട്ടു​ള്ള​ത്. ബ​സി​ലെ തൊ​ഴി​ലാ​ളി​ക​ളു​മാ​യി കൂ​ലി​സം​ബ​ന്ധ​മാ​യ അ​ഭി​പ്രാ​യ​വ്യ​ത്യാ​സ​മു​ണ്ടാ​യ​തി​നെ തു​ട​ർ​ന്ന് തൊ​ഴി​ലാ​ളി സം​ഘ​ട​ന​യു​ടെ ജി​ല്ല നേ​താ​ക്ക​ളു​മാ​യി കൂ​ടി​യാ​ലോ​ചി​ച്ച് പ​രി​ഹ​രി​ക്കു​ന്ന​തി​ന് തീ​രു​മാ​നി​ച്ചി​രു​ന്നു.

എ​ന്നാ​ൽ, ചൊ​വ്വാ​ഴ്ച വൈ​കീ​ട്ട് അ​ഞ്ചു​മ​ണി​യോ​ടെ ജീ​വ​ന​ക്കാ​ർ മു​ൻ​കൂ​ട്ടി അ​റി​യി​ക്കു​ക​യോ നോ​ട്ടീ​സ് ന​ൽ​കു​ക​യോ ചെ​യ്യാ​തെ ബ​സു​ക​ളു​ടെ ഓ​ട്ടം ത​ട​സ്സ​പ്പെ​ടു​ത്തി. ചൊ​വ്വാ​ഴ്ച ല​ഭി​ച്ച ക​ല​ക്ഷ​ൻ തു​ക ഉ​ട​മ​സ്ഥ​നെ ഏ​ൽ​പി​ച്ചി​ട്ടി​ല്ലെ​ന്നും ദി​വ​സ​ങ്ങ​ളാ​യി ട്രി​പ് ന​ട​ത്താ​ൻ അ​നു​വ​ദി​ക്കാ​തെ ത​ട​ഞ്ഞു​വെ​ച്ച​തി​നാ​ൽ ത​നി​ക്കു​ണ്ടാ​യ സാ​മ്പ​ത്തി​ക ന​ഷ്ട​ങ്ങ​ൾ​ക്ക് തൊ​ഴി​ലാ​ളി​ക​ൾ​ക്കെ​തി​രെ ന​ട​പ​ടി​യെ​ടു​ക്ക​ണ​മെ​ന്നും ബ​സി​ന് നേ​രെ​യു​ള്ള ആ​ക്ര​മ​ണ​ങ്ങ​ളി​ൽ​നി​ന്ന് സം​ര​ക്ഷ​ണം ന​ൽ​ക​ണ​മെ​ന്നു​മാ​ണ് ഉ​ട​മ​യു​ടെ പ​രാ​തി.