ട്രോളിങ് നിരോധനം തീരുന്നു; ഫിഷിങ് ഹാർബറിൽ മുന്നൊരുക്കം

ബേ​പ്പൂ​ർ: സം​സ്ഥാ​ന സ​ർ​ക്കാ​ർ പ്ര​ഖ്യാ​പി​ച്ച ട്രോ​ളി​ങ് നി​രോ​ധ​നം ജൂ​ലൈ 31ന് ​അ​വ​സാ​നി​ക്കാ​നി​രി​ക്കെ ബോ​ട്ടു​ക​ൾ ചാ​ക​ര​തേ​ടി ക​ട​ലി​ലേ​ക്ക് കു​തി​ക്കു​ന്ന​തി​നാ​യി മു​ന്നൊ​രു​ക്ക​ങ്ങ​ൾ തു​ട​ങ്ങി. ഭൂ​രി​ഭാ​ഗം ബോ​ട്ടു​ക​ളും അ​റ്റ​കു​റ്റ​പ​ണി​ക​ൾ തീ​ർ​ത്ത് പെ​യി​ന്റി​ങ് ചെ​യ്തു പു​ത്ത​ൻ രൂ​പ​ത്തി​ലാ​ക്കി. പു​തി​യ വ​ല​ക​ൾ സെ​റ്റ് ചെ​യ്യു​ന്ന​തി​നും പ​ഴ​യ​തി​ന്റെ കേ​ടു​പാ​ടു​ക​ൾ തീ​ർ​ക്കു​ന്ന​തി​നു​മാ​യി ബോ​ട്ടു​ട​മ​ക​ൾ​ക്ക് ല​ക്ഷ​ങ്ങ​ളാ​ണ് ചെ​ല​വാ​യ​ത്. ആ​വ​ശ്യ​മാ​യ ഇ​ന്ധ​നം ശേ​ഖ​രി​ക്കാ​നാ​യി ഹാ​ർ​ബ​റി​ലെ ഡീ​സ​ൽ ബ​ങ്കു​ക​ൾ വ്യാ​ഴാ​ഴ്ച മു​ത​ൽ തു​റ​ന്നു​പ്ര​വ​ർ​ത്തി​ക്കാ​ൻ ഫി​ഷ​റീ​സ് വ​കു​പ്പ് പ്ര​ത്യേ​ക അ​നു​വാ​ദം ന​ൽ​കി. ഐ​സും ശു​ദ്ധ​ജ​ല​വും തൊ​ഴി​ലാ​ളി​ക​ൾ​ക്കു​ള്ള ഭ​ക്ഷ​ണ​സാ​ധ​ന​ങ്ങ​ളും ബോ​ട്ടു​ക​ളി​ൽ ക​യ​റ്റു​ന്ന ജോ​ലി​ക​ളും ന​ട​ന്നു​വ​രി​ക​യാ​ണ്.

ട്രോ​ളി​ങ് കാ​ല​ത്ത് സു​ര​ക്ഷി​ത കേ​ന്ദ്ര​ങ്ങ​ളി​ലേ​ക്ക് മാ​റ്റി​യ മീ​ൻ​പി​ടി​ത്ത ഉ​പ​ക​ര​ണ​ങ്ങ​ളാ​യ വ​ല, ബോ​ർ​ഡ് അ​നു​ബ​ന്ധ സാ​മ​ഗ്രി​ക​ൾ, വ​യ​ർ​ലെ​സ്, ജി.​പി.​എ​സ്, എ​ക്കോ സി​സ്റ്റം, വാ​ക്കി-​ടോ​ക്കി തു​ട​ങ്ങി​യ ഇ​ല​ക്ട്രോ​ണി​ക്സ് എ​ന്നി​വ ബോ​ട്ടു​ക​ളി​ൽ ഘ​ടി​പ്പി​ക്കു​ന്ന തി​ര​ക്കി​ലാ​ണ് തൊ​ഴി​ലാ​ളി​ക​ൾ. ആ​ഴ​ക്ക​ട​ൽ മീ​ൻ​പി​ടി​ത്തം ല​ക്ഷ്യ​മാ​ക്കി പോ​കു​ന്ന ബോ​ട്ടു​ക​ൾ മ​ത്സ്യ​ല​ഭ്യ​ത​ക്ക​നു​സ​രി​ച്ച് ഒ​രാ​ഴ്ച​യെ​ങ്കി​ലും ക​ഴി​ഞ്ഞ​തി​നു​ശേ​ഷ​മാ​ണ് തി​രി​ച്ചു​വ​രി​ക. നീ​ണ്ട 52 ദി​വ​സ​ത്തെ ഇ​ട​വേ​ള​ക്കു​ശേ​ഷം മീ​ൻ​പി​ടി​ത്ത​ത്തി​നി​റ​ങ്ങു​മ്പോ​ൾ ഇ​ത്ത​വ​ണ​യും കാ​ലാ​വ​സ്ഥ പ്ര​തി​കൂ​ല​മാ​കു​മോ എ​ന്ന ആ​ശ​ങ്ക​യി​ലാ​ണ് തൊ​ഴി​ലാ​ളി​ക​ൾ.

ജി​ല്ല​യി​ൽ ബേ​പ്പൂ​ർ, പു​തി​യാ​പ്പ, കൊ​യി​ലാ​ണ്ടി, ചോ​മ്പാ​ല എ​ന്നി​വി​ട​ങ്ങ​ളി​ലാ​യി ചെ​റു​തും വ​ലു​തു​മാ​യ ര​ജി​സ്റ്റ​ർ ചെ​യ്ത 1250- ഓ​ളം യ​ന്ത്ര​വ​ൽ​കൃ​ത ബോ​ട്ടു​ക​ളാ​ണു​ള്ള​ത്. ഇ​വ​യി​ൽ 650 എ​ണ്ണ​വും ബേ​പ്പൂ​രി​ലാ​ണ്. മു​ന്നൂ​റി​ലേ​റെ പു​തി​യാ​പ്പ​യി​ലു​മു​ണ്ട്.