എല്ലാവരും പൂസാവുന്നവരല്ല; പക്ഷാഘാത ലക്ഷണങ്ങളുമായി രോഗി റോഡിൽ വീണു

ബേ​പ്പൂ​ർ: ബേ​പ്പൂ​ർ പൊ​ലീ​സ് സ്റ്റേ​ഷ​നി​ലെ വ​നി​ത സീ​നി​യ​ർ സി​വി​ൽ പൊ​ലീ​സ് ഓ​ഫി​സ​ർ ഹാ​ജി​റ​യു​ടെ അ​വ​സ​രോ​ചി​ത ഇ​ട​പെ​ട​ലി​ൽ ഒ​രു ജീ​വ​ൻ തി​രി​ച്ചു​കി​ട്ടി. ക​ഴി​ഞ്ഞ ഞാ​യ​റാ​ഴ്ച ജോ​ലി ക​ഴി​ഞ്ഞ് ഫ​റോ​ക്കി​ന​ടു​ത്ത് ക​ല്ല​മ്പാ​റ​യി​ലെ മാ​താ​വി​ന്റെ വീ​ട്ടി​ൽ​നി​ന്ന് ഉ​ച്ച​ഭ​ക്ഷ​ണം ക​ഴി​ച്ച് സ്കൂ​ട്ട​റി​ൽ രാ​മ​നാ​ട്ടു​ക​ര​യി​ലേ​ക്ക് പോ​കു​മ്പോ​ഴാ​ണ് റോ​ഡ​രി​കി​ൽ ആ​ൾ​ക്കൂ​ട്ടം ക​ണ്ട​ത്. മോ​ട്ടോ​ർ​സൈ​ക്കി​ളി​ൽ ഇ​രു​ന്ന് ഒ​രാ​ൾ ആ​ടി​യാ​ടി ഉ​റ​ക്കം തൂ​ങ്ങു​ന്ന​പോ​ലെ വീ​ഴു​ന്ന​താ​ണ് കാ​ണു​ന്ന​ത്.

കൂ​ടി​നി​ന്ന​വ​ർ ഉ​റ​പ്പി​ച്ചു പ​റ​ഞ്ഞു: ‘മ​ദ്യ​പി​ച്ച​താ​ണ്; അ​ല്ലെ​ങ്കി​ൽ എം.​ഡി.​എം.​എ’’. ഒ​രാ​ൾ ഫ​റോ​ക്ക് സ്റ്റേ​ഷ​നി​ലേ​ക്ക് വി​ളി​ച്ചു​പ​റ​യു​ന്നു​ണ്ട്. ‘‘ന​ല്ല പൂ​സാ​യ ആ​ൾ ഇ​രു​ച​ക്ര​വാ​ഹ​നം ഓ​ടി​ക്കാ​ൻ വ​യ്യാ​തെ ഇ​വി​ടെ കി​ട​ക്കു​ക​യാ​ണ്’’. ഹാ​ജി​റ അ​ടു​ത്തു​ചെ​ന്ന് രോ​ഗി​യെ തൊ​ട്ടു​വി​ളി​ച്ച​പ്പോ​ൾ പ്ര​തി​ക​ര​ണ​മി​ല്ല. കൂ​ടി​നി​ന്ന​വ​രോ​ട് ഇ​യാ​ളെ തൊ​ട്ട​ടു​ത്ത ക​ല്ല​മ്പാ​റ​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ക്കാ​ൻ സ​ഹാ​യി​ക്ക​ണ​മെ​ന്ന് അ​ൽപം ഉ​ച്ച​ത്തി​ൽ പ​റ​ഞ്ഞ​പ്പോ​ൾ ചി​ല​ർ മു​ന്നോ​ട്ടു​വ​ന്നു.

ഒ​രു ഓ​ട്ടോ​യി​ൽ അ​യാ​ളെ താ​ങ്ങി​പ്പി​ടി​ച്ച് ക​യ​റ്റി. കൂ​ടെ വ​രാ​ൻ ആ​രും ത​യാ​റാ​യി​ല്ല. പി​ന്നാ​ലെ സ്കൂ​ട്ട​റി​ൽ ഹാ​ജി​റ​യും ആ​ശു​പ​ത്രി​യി​ലേ​ക്ക് വി​ട്ടു. അ​ത്യാ​ഹി​ത വി​ഭാ​ഗ​ത്തി​ൽ പ്ര​ഥ​മ​ശു​ശ്രൂ​ഷ ന​ൽ​കി. മ​ദ്യ​പി​ച്ച​ത​ല്ല, സ്ട്രോ​ക്കി​ന്റെ ല​ക്ഷ​ണ​ങ്ങ​ളാ​യി​രു​ന്നു.

താ​മ​സി​യാ​തെ, ഫ​റോ​ക്ക് സ്റ്റേ​ഷ​നി​ലെ സ​ഹ​പ്ര​വ​ർ​ത്ത​ക​രാ​യ മൂ​ന്ന് പൊ​ലീ​സ് ഉ​ദ്യോ​ഗ​സ്ഥ​ർ എ​ത്തി. രോ​ഗി​യു​ടെ പ​ഴ്സി​ൽ​നി​ന്ന് ആ​രോ​ഗ്യ ഇ​ൻ​ഷു​റ​ൻ​സ് കാ​ർ​ഡും ഏ​താ​നും ഫോ​ൺ ന​മ്പ​റു​ക​ളും ല​ഭി​ച്ചു. വൈ​കാ​തെ ബ​ന്ധു​വും പ​രി​ച​യ​ക്കാ​ര​നും എ​ത്തി. ഉ​ട​ൻ മെ​ഡി​ക്ക​ൽ കോ​ള​ജി​ലേ​ക്ക് ആം​ബു​ല​ൻ​സി​ൽ കൊ​ണ്ടു​പോ​യി. നെ​ഞ്ചു​വേ​ദ​ന വ​ന്ന​പ്പോ​ൾ വ​ണ്ടി നി​ർ​ത്തി​യ​താ​ണെ​ന്ന് ഓ​ർ​മ​വ​ന്ന​പ്പോ​ൾ രോ​ഗി പ​റ​ഞ്ഞു.

വ​ഴി​യ​രി​കി​ൽ വീ​ണു​കി​ട​ന്നാ​ൽ, മ​ദ്യ​ത്തി​ന്റെ പു​റ​ത്താ​ണെ​ന്നു പ​റ​ഞ്ഞ് മാ​റി​നി​ന്ന​വ​രു​ടെ ഇ​ട​യി​ൽ​നി​ന്ന് ത​ക്ക​സ​മ​യ​ത്ത് പൊ​ലീ​സു​കാ​രി​യു​ടെ ഇ​ട​പെ​ട​ലാ​ണ് അ​നു​ഗ്ര​ഹ​മാ​യ​ത്. ത​ക്ക​സ​മ​യ​ത്ത് ഇ​ട​പെ​ട്ട് ആ​ശു​പ​ത്രി​യി​ൽ എ​ത്തി​ച്ച് ഒ​രു ജീ​വ​ൻ ര​ക്ഷി​ക്കാ​ൻ ക​ഴി​ഞ്ഞ​തി​ന്റെ ചാ​രി​താ​ർ​ഥ്യ​ത്തി​ലാ​ണ് ഹാ​ജി​റ.