വളയത്ത് സി.പി.എം പ്രവർത്തകന്‍റെ വീടിനു​ സമീപം ബോംബേറ്

നാ​ദാ​പു​രം: വ​ള​യം ഒ.​പി മു​ക്കി​ൽ ബോം​ബേ​റ്. വെ​ള്ളി​യാ​ഴ്ച രാ​ത്രി​യാ​ണ് റോ​ഡി​നോ​ട് ചേ​ർ​ന്ന ഇ​ട​വ​ഴി​യി​ൽ സ്റ്റീ​ൽ ബോം​ബെ​റി​ഞ്ഞ​ത്. സി.​പി.​എം പ്ര​വ​ർ​ത്ത​ക​ൻ കു​രു​ടീ​ന്റ​വി​ട രാ​ജ​ന്റെ വീ​ടി​നു സ​മീ​പ​ത്തെ ഇ​ട​വ​ഴി​യി​ൽ വീ​ണ ബോം​ബ് ഉ​ഗ്ര​സ്ഫോ​ട​ന​ത്തോ​ടെ പൊ​ട്ടി​ത്തെ​റി​ച്ചെ​ങ്കി​ലും ആ​ർ​ക്കും പ​രി​ക്കി​ല്ല. സം​ഭ​വ​സ്ഥ​ല​ത്ത് റെ​യ്ന എ​ന്ന പൊ​ലീ​സ് നാ​യു​ടെ സ​ഹാ​യ​ത്തോ​ടെ ഡോ​ഗ് സ്ക്വാ​ഡും ബോം​ബ് സ്ക്വാ​ഡും വ്യാ​പ​ക പ​രി​ശോ​ധ​ന ന​ട​ത്തി​യെ​ങ്കി​ലും ഒ​ന്നും ക​ണ്ടെ​ത്താ​നാ​യി​ല്ല.

മേ​ഖ​ല​യി​ൽ ഒ​രു​മാ​സ​ത്തി​നി​ടെ മൂ​ന്നാം ത​വ​ണ​യാ​ണ് സ്ഫോ​ട​നം ന​ട​ക്കു​ന്ന​ത്. മൂ​ന്നാ​ഴ്ച മു​മ്പ് വി​വാ​ഹ പാ​ർ​ട്ടി​യു​ടെ കാ​റി​ന് പി​ൻ​ഭാ​ഗ​ത്ത് ബോം​ബെ​റി​ഞ്ഞി​രു​ന്നു. ഈ ​സം​ഭ​വ​ത്തി​ൽ പ്ര​തി​ക​ളെ ക​ണ്ടെ​ത്താ​ൻ പൊ​ലീ​സി​ന് ക​ഴി​ഞ്ഞി​ട്ടി​ല്ല. രാ​ത്രി​കാ​ല സ്ഫോ​ട​ന​ങ്ങ​ൾ മേ​ഖ​ല​യി​ൽ പ​തി​വാ​യി​ട്ടു​ണ്ട്. വ​ള​യം പൊ​ലീ​സ് സം​ഭ​വ​ത്തി​ൽ അ​ന്വേ​ഷ​ണം തു​ട​ങ്ങി. പ്ര​ദേ​ശം സി.​പി.​എ​മ്മി​ന്റെ​യും ലീ​ഗി​ന്റെ​യും കേ​ന്ദ്ര​മാ​ണ്. പ്ര​ദേ​ശ​ത്ത് കു​ഴ​പ്പ​മു​ണ്ടാ​ക്കാ​നു​ള്ള ബോ​ധ​പൂ​ർ​വ​മാ​യ ശ്ര​മ​മാ​ണോ സ്ഫോ​ട​ന​ത്തി​നു പി​ന്നി​ലെ​ന്ന് സം​ശ​യ​മു​ണ്ട്.