ബീ​ച്ച് ജ​ന​റ​ൽ ആ​ശു​പ​ത്രി വ​ള​പ്പി​ലെ കാ​ല​ഹ​ര​ണ​പ്പെ​ട്ട ​കെ​ട്ടി​ടം ഭീ​ഷ​ണി​യാ​കു​ന്നു

കോ​ഴി​ക്കോ​ട്: ബീ​ച്ച് ജ​ന​റ​ൽ ആ​ശു​പ​ത്രി വ​ള​പ്പി​ലെ കാ​ല​ഹ​ര​ണ​പ്പെ​ട്ട ​കെ​ട്ടി​ടം ഭീ​ഷ​ണി​യാ​കു​ന്നു. ആ​ശു​പ​ത്രി​യു​ടെ മു​ൻ​ഭാ​ഗ​ത്തു​ള്ള, നേ​ര​ത്തെ നേ​ത്ര വി​ഭാ​ഗം ഉ​ൾ​പ്പെ​ടെ പ്ര​വ​ർ​ത്തി​ച്ച ​കെ​ട്ടി​ട​മാ​ണ് ആ​ളു​ക​ൾ​ക്കും പാ​ർ​ക്ക്ചെ​യ്യു​ന്ന വാ​ഹ​ന​ങ്ങ​ൾ​ക്കും ഭീ​ഷ​ണി​യാ​കു​ന്ന​ത്. ഇ​രു​നി​ല​ക​ളു​ള്ള കെ​ട്ടി​ടം ശോ​ച്യ​വ​സ്ഥ​യി​ലാ​യ​തോ​ടെ ഇ​വി​ട​ത്ത യൂ​നി​റ്റു​ക​ൾ നേ​ര​ത്തെ മ​റ്റു കെ​ട്ടി​ട​ങ്ങ​ളി​ലേ​ക്ക് മാ​റ്റി​യി​രു​ന്നു. മാ​ത്ര​മ​ല്ല പൊ​തു​മ​രാ​മ​ത്ത് കെ​ട്ടി​ട വി​ഭാ​ഗം പ​രി​ശോ​ധ​ന ന​ട​ത്തി കെ​ട്ടി​ടം സു​ര​ക്ഷി​ത​മ​ല്ലെ​ന്ന് കാ​ട്ടി ആ​ശു​പ​ത്രി അ​ധി​കൃ​ത​ർ​ക്ക് റി​പ്പോ​ർ​ട്ടും ന​ൽ​കി.

തു​ട​ർ​ന്ന് ​കെ​ട്ടി​ടം പൊ​ളി​ച്ചു​നീ​ക്കാ​ൻ ആ​ശു​പ​ത്രി അ​ധി​കൃ​ത​ർ തീ​രു​മാ​നി​ച്ച് ജി​ല്ല മെ​ഡി​ക്ക​ൽ ഓ​ഫി​സ​ർ​ക്ക് ന​ൽ​കി​യ അ​നു​മ​തി അ​പേ​ക്ഷ ആ​രോ​ഗ്യ​വ​കു​പ്പ് ഡ​യ​റ​ക്ട​റേ​റ്റി​ന്റെ (ഡി.​എ​ച്ച്.​എ​സ്) പ​രി​ഗ​ണ​ന​യി​ലാ​ണ്.

അ​നു​മ​തി ല​ഭ്യ​മാ​യാ​ലു​ട​ൻ ഭീ​ഷ​ണി​യി​ലു​ള്ള കെ​ട്ടി​ടം പൊ​ളി​ക്കാ​ൻ ന​ട​പ​ടി സ്വീ​ക​രി​ക്കു​​മെ​ന്ന് ആ​ശു​പ​ത്രി സൂ​​പ്ര​ണ്ട് ഡോ. ​ആ​ശാ​ദേ​വി പ​റ​ഞ്ഞു. ഇ​രു​നി​ല​ക​ളു​ള്ള കെ​ട്ടി​ട​ത്തി​ന്റെ പ​ല​​ഭാ​ഗ​ത്തെ​യും കോ​ൺ​ക്രീ​റ്റ് ഭി​ത്തി​ക​ൾ അ​ട​ർ​ന്ന് ഉ​ള്ളി​ലെ ഇ​രു​മ്പ് ക​മ്പി​ക​ൾ പു​റ​ത്തു​കാ​ണു​ന്ന നി​ല​യി​ലാ​ണ്. ചു​മ​രി​ന് പ​ല ഭാ​ഗ​ത്തും വി​ള്ള​ലു​മു​ണ്ട്. ജ​ന​റ​ൽ ഉ​ൾ​പ്പെ​ടെ​യു​ള്ള​വ പ​ല​ഭാ​ഗ​ത്തും പൊ​ളി​ഞ്ഞു വീ​ണി​ട്ടു​ണ്ട്. ആ​ശു​പ​ത്രി​യി​ലെ ഒ.​പി​യി​ലെ​ത്തു​ന്ന രോ​ഗി​ക​ൾ​ക്കൊ​പ്പ​മു​ള്ള​വ​ർ പ​ല​പ്പോ​ഴും സ​മ​യം ചെ​ല​വ​ഴി​ക്കു​ന്ന​ത് കെ​ട്ടി​ട​ത്തി​നോ​ട് ചേ​ർ​ന്നു​ള്ള ഭാ​ഗ​ങ്ങ​ളി​ലാ​ണ്. ഇ​തി​നോ​ട് ചേ​ർ​ന്നാ​ണ് ഇ​രു​ച​ക്ര​വാ​ഹ​ന​ങ്ങ​ളും കാ​റു​ക​ളും പാ​ർ​ക്ക് ​ചെ​യ്യു​ന്ന​തും.

ശോ​ച്യാ​വ​സ്ഥ​യി​ലു​ള്ള കെ​ട്ടി​ടം പൊ​ളി​ച്ചു നീ​ക്കാ​ത്ത​പ​ക്ഷം ത​ക​ർ​ന്നു​വീ​ണ് അ​പ​ക​ട​ത്തി​ന് ഇ​ട​വ​രു​ത്തു​മെ​ന്നാ​ണ് പ​രാ​തി. കെ​ട്ടി​ട​ത്തി​ന് മു​ക​ൾ ഭാ​ഗ​ത്താ​യി വ​ലി​യ ആ​ലും വ​ള​ർ​ന്നി​ട്ടു​ണ്ട്. സു​ര​ക്ഷ ഭീ​ഷ​ണി മു​ൻ​നി​ർ​ത്തി പൊ​ളി​ക്കാ​നു​ള്ള കെ​ട്ടി​ട​മാ​​ണെ​ന്ന് ചൂ​ണ്ടി​ക്കാ​ട്ടി ആ​ശു​പ​ത്രി അ​ധി​കൃ​ത​ർ കെ​ട്ടി​ട​ത്തി​ൽ മു​ന്ന​റി​യി​പ്പ് പോ​സ്റ്റ​ർ സ്ഥാ​പി​ച്ചി​ട്ടു​ണ്ട്.