റോഡുകളുടെ തകർച്ച: ബസ് തൊഴിലാളികൾ സമരത്തിൽ; ദുരിതം പേറി യാത്രക്കാർ

കോ​ഴി​ക്കോ​ട്: മ​ഴ​യി​ൽ റോ​ഡ് ത​ക​ർ​ന്ന് സ​ർ​വി​സ് ന​ട​ത്താ​നാ​വാ​ത്ത​തി​ൽ പ്ര​തി​ഷേ​ധി​ച്ച് തൊ​ഴി​ലാ​ളി​ക​ൾ സ്വ​കാ​ര്യ ബ​സ് നി​ർ​ത്തി​യി​ട്ട​തോ​ടെ കോ​ഴി​ക്കോ​ട്ടു​നി​ന്ന് ഉ​ള്ള്യേ​രി, അ​ത്തോ​ളി റൂ​ട്ടി​ലും ബാ​ലു​ശ്ശേ​രി റൂ​ട്ടി​ലും യാ​ത്ര​ക്കാ​ർ ബു​ദ്ധി​മു​ട്ടി​ലാ​യി. ഈ ​റൂ​ട്ടു​ക​ളി​ൽ റോ​ഡ് ത​ക​ർ​ന്ന് യാ​ത്ര അ​സാ​ധ്യ​മാ​യ​തി​ൽ പ്ര​തി​ഷേ​ധി​ച്ചും മ​റ്റ് ആ​വ​ശ്യ​ങ്ങ​ളു​ന്ന​യി​ച്ചു​മാ​ണ് പ​ണി​മു​ട​ക്ക്. കു​റ്റ്യാ​ടി വ​ഴി​യു​ള്ള ദീ​ർ​ഘ​ദൂ​ര ബ​സു​ക​ളാ​ണ് യാ​ത്ര​ക്കാ​ർ​ക്ക് ആ​ശ്വാ​സ​മാ​യ​ത്. മ​റ്റു​ള്ള അ​ത്യാ​വ​ശ്യ യാ​ത്ര​ക്കാ​ർ പാ​വ​ങ്ങാ​ട് വ​രെ ഓ​ട്ടോ​യി​ലും മ​റ്റു​മെ​ത്തി​യാ​ണ് ന​ഗ​ര​ത്തി​ലേ​ക്ക് വ​ന്ന​ത്. നോ​ട്ടീ​സ് പോ​ലും ന​ൽ​കാ​തെ​യാ​ണ് ബ​സ് സ​മ​ര​മെ​ന്നും തൊ​ഴി​ലാ​ളി യൂ​നി​യ​നു​ക​ളും ബ​സു​ട​മ​ക​ളും സ​മ​ര​ത്തി​ന് പി​ന്തു​ണ ന​ൽ​കി​യി​ട്ടി​ല്ലെ​ന്നും സം​ഘ​ട​ന ഭാ​ര​വാ​ഹി​ക​ൾ അ​റി​യി​ച്ചു.

കു​റ്റ്യാ​ടി -കോ​ഴി​ക്കോ​ട് റൂ​ട്ടി​ൽ റോ​ഡി​ന്റെ ശോ​ച്യാ​വ​സ്ഥ പ​രി​ഹ​രി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ബി.​എം.​എ​സ് യൂ​നി​യ​ൻ പ​ണി​മു​ട​ക്കി​ന് നേ​ര​ത്തേ ആ​ഹ്വാ​നം ന​ൽ​കി​യി​രു​ന്നു. പ​ണി​മു​ട​ക്കി​ന്റെ ഭാ​ഗ​മാ​യി ഉ​ള്ള്യേ​രി -അ​ത്തോ​ളി ബ​സ് തൊ​ഴി​ലാ​ളി കോ​ഓ​ഡി​നേ​ഷ​ൻ ക​മ്മി​റ്റി​യു​ടെ​യും പി​ന്തു​ണ തേ​ടി. ഇ​വ​ർ സ​മ​ര​ത്തി​ന് അ​നു​കൂ​ല നി​ല​പാ​ടെ​ടു​ത്തു. ക​ല​ക്ട​റു​ടെ ചേം​ബ​റി​ൽ ബി.​എം.​എ​സ് തൊ​ഴി​ലാ​ളി പ്ര​തി​നി​ധി​ക​ളും ബ​സ് ഉ​ട​മ പ്ര​തി​നി​ധി​ക​ളും ത​മ്മി​ൽ ന​ട​ത്തി​യ ച​ർ​ച്ച​യി​ൽ ബ​സ് സ​മ​രം പി​ൻ​വ​ലി​ച്ചു. എ​ന്നാ​ൽ, ക​ല​ക്ട​ർ വി​ളി​ച്ച ച​ർ​ച്ച​യി​ലേ​ക്ക് ഉ​ള്ള്യേ​രി -അ​ത്തോ​ളി ബ​സ് തൊ​ഴി​ലാ​ളി കോ​ഓ​ഡി​നേ​ഷ​ൻ ക​മ്മി​റ്റി​യെ വി​ളി​ക്കാ​ത്ത​തി​ൽ പ്ര​തി​ഷേ​ധി​ച്ച് അ​വ​ർ സ​മ​രം ന​ട​ത്തി വി​ജ​യി​ച്ച​പ്പോ​ൾ ദു​രി​തം യാ​ത്ര​ക്കാ​ർ​ക്ക് മാ​ത്ര​മാ​യി.

ഉ​ള്ള്യേ​രി, എം.​എം.​സി, കൂ​മു​ള്ളി, കൊ​ട​ശ്ശേ​രി, കോ​ഴി​ക്കോ​ട് വ​രെ​യു​ള്ള റോ​ഡി​ന്റെ ശോ​ച്യാ​വ​സ്ഥ പ​രി​ഹ​രി​ക്കു​ക, അ​ത്തോ​ളി, അ​ണ്ടി​ക്കോ​ട്, പ​റ​മ്പ​ത്ത് എ​ന്നി​വി​ട​ങ്ങ​ളി​ൽ റോ​ഡി​ന് ഇ​രു​വ​ശ​വു​മു​ള്ള അ​ന​ധി​കൃ​ത പാ​ർ​ക്കി​ങ് നി​രോ​ധി​ക്കു​ക, തി​ര​ക്കു​ള്ള സ​മ​യ​ങ്ങ​ളി​ൽ ഗ​താ​ഗ​തം ത​ട​സ്സ​പ്പെ​ടു​ത്തി​യു​ള്ള ച​ര​ക്ക് ഇ​റ​ക്ക​ൽ നി​യ​ന്ത്രി​ക്കു​ക, കൂ​മു​ള്ളി, അ​ത്തോ​ളി, അ​മ്പ​ല​പ്പ​ടി എ​ന്നീ സ്റ്റോ​പ്പി​ൽ സ്കൂ​ൾ വി​ടു​ന്ന സ​മ​യ​ങ്ങ​ളി​ൽ സ്ഥി​ര​മാ​യി പൊ​ലീ​സി​നെ വി​ന്യ​സി​പ്പി​ക്കു​ക എ​ന്നീ ആ​വ​ശ്യ​ങ്ങ​ൾ ഉ​ന്ന​യി​ച്ചാ​യി​രു​ന്നു വ്യാ​ഴാ​ഴ്ച​ത്തെ സൂ​ച​നാ പ​ണി​മു​ട​ക്ക്.

ഈ​ങ്ങാ​പ്പു​ഴ ബ​സ് സ്റ്റാ​ൻ​ഡി​ലെ ഓ​ട്ടോ പാ​ർ​ക്കി​ങ്, സ​മാ​ന്ത​ര സ​ർ​വി​സ് എ​ന്നി​വ​ക്കെ​തി​രെ വ്യാ​ഴാ​ഴ്ച ന​ട​ത്താ​ൻ നി​ശ്ച​യി​ച്ച ബ​സ് പ​ണി​മു​ട​ക്ക് ച​ർ​ച്ച​യു​ടെ അ​ടി​സ്ഥാ​ന​ത്തി​ൽ താ​ൽ​ക്കാ​ലി​ക​മാ​യി മാ​റ്റി​വെ​ച്ച​താ​യി കൊ​ടു​വ​ള്ളി -താ​മ​ര​ശ്ശേ​രി മേ​ഖ​ല ബ​സ് കോ​ഓ​ഡി​നേ​ഷ​ൻ ക​മ്മി​റ്റി ഭാ​ര​വാ​ഹി​ക​ൾ ബു​ധ​നാ​ഴ്ച അ​റി​യി​ച്ചി​രു​ന്നു. കോ​ഴി​ക്കോ​ട് -ക​ണ്ണൂ​ർ റൂ​ട്ടി​ൽ സ്വ​കാ​ര്യ ബ​സ് പ​ണി​മു​ട​ക്കും ച​ർ​ച്ച​യെ തു​ട​ർ​ന്ന് പി​ൻ​വ​ലി​ച്ചു. ഇ​തി​നി​െ​ട​യാ​ണ് ര​ണ്ട് റൂ​ട്ടു​ക​ളി​ൽ ബ​സു​കാ​ർ പ​ണി​മു​ട​ക്കി​യ​ത്.

ബാലുശ്ശേരി ഭാഗത്തേക്കുള്ള ബസ് റൂട്ടിൽ മാറ്റം

കോ​ഴി​ക്കോ​ട്: വെ​ള്ളം ക​യ​റി റോ​ഡ് ത​ക​ർ​ന്ന​തി​നെ തു​ട​ർ​ന്ന് ബാ​ലു​ശ്ശേ​രി റോ​ഡി​ൽ സ്വ​കാ​ര്യ ബ​സ് റൂ​ട്ടി​ൽ മാ​റ്റം വേ​ണ​മെ​ന്ന് ആ​വ​ശ്യ​പ്പെ​ട്ട് ബ​സ് ഓ​പ​റേ​റ്റേ​ഴ്സ് അ​സോ​സി​യേ​ഷ​ൻ ജി​ല്ല ക​ല​ക്ട​റെ​യും ആ​ർ.​ടി.​ഒ​യെ​യും സ​മീ​പി​ച്ചു. തൊ​ഴി​ലാ​ളി, ബ​സ് ഉ​ട​മ പ്ര​തി​നി​ധി​ക​ൾ ആ​ർ.​ടി.​ഒ മു​മ്പാ​കെ ന​ട​ത്തി​യ ച​ർ​ച്ച​യി​ലാ​ണ് തീ​രു​മാ​നം. കോ​ഴി​ക്കോ​ട്ടേ​ക്കു​ള്ള ബാ​ലു​ശ്ശേ​രി, ന​രി​ക്കു​നി ​ബ​സു​ക​ൾ മൂ​ട്ടോ​ളി, പൊ​ട്ടം​മു​റി, പ​റ​മ്പി​ൽ ബ​സാ​ർ, ത​ട​മ്പാ​ട്ട് താ​ഴം വ​ഴി​യും കോ​ഴി​ക്കോ​ട്ടു​നി​ന്ന് ബാ​ലു​ശ്ശേ​രി ഭാ​ഗ​ത്തേ​ക്കു​ള്ള​വ ക​രു​വി​ശ്ശേ​രി, ബൈ​പാ​സ്, ചെ​റു​കു​ളം, ചോ​യി ബ​സാ​ർ, ചെ​ല​പ്രം, ഗു​ഡ്‍ല​ക്, കു​മാ​ര​സ്വാ​മി വ​ഴി​യു​മാ​ണ് പോ​വു​ക. ചെ​റു​കു​ളം, ചെ​ല​പ്രം ബ​സു​ക​ൾ പാ​ർ​ഥ​സാ​ര​ഥി, മാ​ളി​ക്ക​ട​വ് വ​ഴി​യും ഓ​ടു​മെ​ന്ന് ജ​ന​റ​ൽ സെ​ക്ര​ട്ട​റി ടി.​കെ. ബീ​രാ​ൻ കോ​യ അ​റി​യി​ച്ചു. സ്ഥ​ലം പ​രി​ശോ​ധി​ച്ച​ശേ​ഷം അ​ധി​കൃ​ത​ർ ഇ​ക്കാ​ര്യം പ​രി​ഗ​ണി​ക്കും.

ബാ​ലു​ശ്ശേ​രി റൂ​ട്ടി​ൽ ഓ​ടി​യ​ത് വി​ര​ലി​ലെ​ണ്ണാ​വു​ന്ന​വ

കോ​ഴി​ക്കോ​ട്: വെ​ള്ള​ക്കെ​ട്ടും റോ​ഡി​ലെ വ​ൻ​കു​ഴി​യും കാ​ര​ണം ബാ​ലു​ശ്ശേ​രി -കോ​ഴി​ക്കോ​ട്ട് റൂ​ട്ടി​ൽ സ​ർ​വി​സ് ന​ട​ത്തി​യ​ത് നാ​മ​മാ​ത്ര ബ​സു​ക​ൾ. ന​രി​ക്കു​നി-​കോ​ഴി​ക്കോ​ട് റൂ​ട്ടി​ലും അ​ന്ന​ശ്ശേ​രി-​കോ​ഴി​ക്കോ​ട് റൂ​ട്ടി​ലും ബ​സു​ക​ൾ ഭാ​ഗി​ക​മാ​യാ​ണ് ഓ​ടി​യ​ത്. സ്കൂ​ളു​ക​ൾ​ക്ക് അ​വ​ധി​യി​ല്ലാ​ത്ത​തി​നാ​ൽ വി​ദ്യാ​ർ​ഥി​ക​ളും വ​ല​ഞ്ഞു. ബ​സ് എ​ത്തു​ന്ന​തു​വ​രെ കി​ലോ​മീ​റ്റ​റു​ക​ൾ ന​ട​ന്നാ​ണ് പ​ല വി​ദ്യാ​ർ​ഥി​ക​ളും സ്കൂ​ളി​ലെ​ത്തി​യ​ത്. ത​ണ്ണീ​ർ​പ്പ​ന്ത​ൽ -മാ​വി​ളി​ക്ക​ട​വ് റോ​ഡ് അ​ട​ച്ച​തി​നാ​ൽ സ്വ​കാ​ര്യ ബ​സ് സ​ർ​വി​സ് വ്യാ​ഴാ​ഴ്ച​യും മു​ട​ങ്ങി. ബാ​ലു​ശ്ശേ​രി റൂ​ട്ടി​ലെ ബ​സു​ക​ൾ മൂ​ട്ടോ​ളി വ​ഴി തി​രി​ഞ്ഞു പോ​യ​തി​നാ​ലും ചെ​റു​കു​ളം-​സി​റ്റി ബ​സു​ക​ൾ അ​മ്പ​ല​പ്പ​ടി വ​ഴി തി​രി​ഞ്ഞു​പോ​കു​ന്ന​തി​നാ​ലും ക​ക്കോ​ടി, വേ​ങ്ങേ​രി ഭാ​ഗ​ങ്ങ​ളി​ലു​ള്ള യാ​ത്ര​ക്കാ​ർ പ്ര​യാ​സ​ത്തി​ലാ​യി.

ബാ​ലു​ശ്ശേ​രി ഭാ​ഗ​ത്തേ​ക്കു​ള്ള ബ​സു​ക​ൾ ക​ണ്ണാ​ടി​ക്ക​ൽ -മൂ​ട്ടോ​ളി, പ​റ​മ്പി​ൽ ബ​സാ​ർ വ​ഴി സ​ർ​വി​സ് ന​ട​ത്തി​യ​തു​മൂ​ലം ത​ങ്ങ​ൾ​ക്ക് യാ​ത്ര​ക്കാ​രു​ടെ കു​റ​വു​ണ്ടെ​ന്ന് ആ​രോ​പി​ച്ച് പ​റ​മ്പി​ൽ ബ​സാ​ർ-​സി​റ്റി റൂ​ട്ടി​ലെ ബ​സു​ക​ൾ ഭാ​ഗി​ക​മാ​യി ബു​ധ​നാ​ഴ്ച വൈ​കീ​ട്ടോ​ടെ സ​ർ​വി​സ് നി​ർ​ത്തി​യി​രു​ന്നു. റോ​ഡി​ന്റെ വീ​തി കു​റ​വാ​ണെ​ന്ന് ആ​രോ​പി​ച്ചാ​യി​രു​ന്നു സ​ർ​വി​സ് മു​ട​ക്കി​യ​ത്. റോ​ഡ് ഗ​താ​ഗ​തം നി​ല​ച്ച സാ​ഹ​ച​ര്യ​ത്തി​ൽ വേ​ങ്ങേ​രി എം.​എ​സ്.​എ​സ് പ​ബ്ലി​ക് സ്കൂ​ൾ പ​ഠ​നം ത​ൽ​ക്കാ​ലം ഓ​ൺ​ലൈ​നി​ലേ​ക്ക് മാ​റ്റി.