സമാന്തര ടെലിഫോൺ എക്​സ്​ചേഞ്ച് നടത്തിപ്പുകാരെ പിടികൂടാനാവാതെ 'സി ബ്രാഞ്ച്​'

കോഴിക്കോട്​: സമാന്തര ടെലിഫോൺ എക്​സ​്​ചേഞ്ച്​ കേസിൽ ​അന്വേഷണം പലവഴിക്ക്​ പുരോഗമിക്കു​േമ്പാഴും ഒളിവിലുള്ള പ്രതികളെ ഒരു മാസമായിട്ടും പിടികൂടാനായില്ല. എക്​സ്​ചേഞ്ച്​ നടത്തിപ്പുകാരും മൂരിയാട്​ സ്വദേശികള​ുമായ ഷബീറും പ്രസാദുമാണ്​ ഇനിയും അറസ്​റ്റിലാവാത്തത്​.

ജൂലൈ ഒന്നിനാണ്​ നഗരത്തിൽ പൊലീസ്​ ആസ്ഥാനത്തി​‍െൻറ അരക്കിലോമീറ്റർ ചുറ്റളവിലുൾപ്പെടെ ഏഴിടത്ത്​ എക്​സ്​ചേഞ്ച്​ കണ്ടെത്തിയത്​. പ്രതികൾ ഇതര സംസ്ഥാനത്തേക്ക്​ കടക്കാനുള്ള സൂചന ലഭിച്ചതോടെ​ അന്വേഷണം ബംഗളൂരുവിലേക്കടക്കം ആദ്യമേ വ്യാപിപ്പിച്ചിരുന്നു. ​ആഭ്യന്തര സുരക്ഷക്കു​പോലും വെല്ലുവിളിയായ പ്രവർത്തനം നടത്തിയവരെ പിടികൂടാനാവാത്തത്​ കേസി​‍െൻറ മുന്നോട്ടുള്ള പോക്കിനെയും ബാധിച്ചിട്ടുണ്ട്​​. അതേസമയം, പ്രതികൾ​ മുൻകൂർ ജാമ്യത്തിന്​ ശ്രമിക്കുന്നതായി സൂചനയുണ്ട്​. വിദേശത്തേക്ക്​ കടക്കാനുള്ള സാധ്യതയുമുണ്ട്​.

എക്​സ്​ചേഞ്ചിന്​ ഒത്താശ നൽകി ചൈനീസ്​ ഉപകരണങ്ങളടക്കം എത്തിച്ചുനൽകിയ മലപ്പുറം കാടാമ്പുഴ സ്വദേശി ഇബ്രാഹീം പുല്ലാട്ടിനെ കസ്​റ്റഡിയിൽ വാങ്ങി ചോദ്യം ​െചയ്​തിട്ടും ഒളിവിലുള്ളവരെക്കുറിച്ചുള്ള സൂചനയൊന്നും സി ബ്രാഞ്ചിന്​ കിട്ടിയിട്ടില്ല. സമാന കേസിൽ ബംഗളൂരുവിലെ കേസിലാണ്​ ഇയാൾ ആദ്യം അറസ്​റ്റിലായത്​. നിയമവിരുദ്ധ എക്​​സ്​ചേഞ്ച്​ പ്രവർത്തിപ്പിച്ച കാര്യം ഇയാൾ സമ്മതിച്ചിട്ടുണ്ട്​. ഇടപാടുകാരിൽ സ്വർണ കള്ളക്കടത്ത് സംഘമടക്കമുണ്ടെന്ന കാര്യവും സ്ഥിരീകരിച്ചെങ്കിലും മൊഴിക്കനുസരിച്ചുള്ള തെളിവുകൾ ലഭ്യമാവാത്തത്​ ​െവല്ലുവിളിയാണ്​.

സർക്കാറിന്​ നഷ്​ടമുണ്ടാക്കിയ കുറ്റം ഏറ്റെടുത്ത്​ വൻതുക പിഴയടച്ച്​​ കേസിൽനിന്നൊഴിവാകാനുള്ള ആസൂത്രിത നീക്കമാണോ 'കുറ്റസമ്മത' മൊഴികൾക്ക്​ പിന്നിലെന്നും പൊലീസ്​ സംശയിക്കുന്നുണ്ട്​.

പിടിച്ചെടുത്ത ഉപകരണങ്ങളുടെയും സിം കാർഡുകളുടെയും വിദഗ്​ധ പരിശോധന പൂർത്തിയായാൽ ഏതൊക്കെ കാളുകൾ എവിടെ നിന്നെല്ലാം വന്നു, എവിടേക്കെല്ലാം കാൾ പോയി എന്നെല്ലാം കണ്ടെത്താം. ഇതിന്​ ഒരുപാട്​ സമയം വേണമെന്നണ്​ ​ൈസബർ വിദഗ്​ധർ അറിയിച്ചത്​.