കനാൽ സിറ്റി പദ്ധതി; ആദ്യഘട്ടം സരോവരത്ത്

കോ​ഴി​ക്കോ​ട്: ക​നോ​ലി ക​നാ​ലി​ന്റെ​യും അ​തു​വ​ഴി ന​ഗ​ര​ത്തി​ന്റെ​യും മു​ഖ​ച്ഛാ​യ മാ​റ്റു​ന്ന വ​ക​സ​ന​മാ​യി പ്ര​ഖ്യാ​പി​ച്ച ‘കോ​ഴി​ക്കോ​ട് ക​നാ​ല്‍ സി​റ്റി പ​ദ്ധ​തി’​ക്കാ​യു​ള്ള വി​ശ​ദ പ​ദ്ധ​തി രേ​ഖ ഈ​മാ​സം ത​യാ​റാ​റാ​വു​മെ​ന്നാ​ണ് പ്ര​തീ​ക്ഷ. ഇ​തു​ക​ഴി​ഞ്ഞ് പ​ദ്ധ​തി​യു​ടെ ആ​ദ്യ​ഘ​ട്ടം പ്ര​വൃ​ത്തി സ​രോ​വ​ര​ത്ത് തു​ട​ങ്ങാ​നും ആ​ലോ​ച​ന​യു​ണ്ട്.

ഒ​ന്നാം​ഘ​ട്ട​മെ​ന്ന നി​ല​യി​ൽ സ​രോ​വ​ര​ത്ത് ടെ​ൻ​ഡ​ർ വി​ളി​ച്ച് പ​ണി തു​ട​ങ്ങാ​നാ​വു​മോ​യെ​ന്ന കാ​ര്യ​മാ​ണ് ആ​ലോ​ച​ന​യി​ലു​ള്ള​ത്. സ​രോ​വ​ര​ത്ത് ക​നോ​ലി ക​നാ​ലി​ന്റെ ഇ​രു വ​ശ​ത്തും ര​ണ്ടു കി.​മീ​റ്റ​ർ പ​രി​ധി​യി​ൽ ആ​ദ്യ​ഘ​ട്ടം തു​ട​ങ്ങാ​നാ​ണ് ശ്ര​മം.

സ​രോ​വ​രം ഭാ​ഗ​ത്ത് ഇ​പ്പോ​ൾ ത​ന്നെ ആ​വ​ശ്യ​ത്തി​ന് വീ​തി​യി​ൽ സ്ഥ​ലം ല​ഭ്യ​മാ​ണെ​ന്ന​തും സ്ഥ​ല​മെ​ടു​പ്പ് ന​ട​പ​ടി​ക​ളും മ​റ്റും ആ​വ​ശ്യ​മി​ല്ലെ​ന്ന​തു​മാ​ണ് ഈ ​മേ​ഖ​ല​യി​ൽ പ​ദ്ധ​തി​ക്ക് ത​ടു​ക്ക​മി​ടാ​ൻ കാ​ര​ണം. ബോ​ട്ട് സ​ർ​വി​സ് അ​ട​ക്കം സ​​രോ​വ​രം ബ​യോ​പാ​ർ​ക്കി​ന് സ​മീ​പ​ത്തെ ക​നാ​ലി​ൽ തു​ട​ങ്ങാ​നാ​വും.

മൊ​ത്തം പ​ദ്ധ​തി രേ​ഖ ല​ഭി​ച്ച​യു​ട​ൻ ഒ​ന്നാം​ഘ​ട്ടം സ​രോ​വ​ര​ത്തു​നി​ന്ന് തു​ട​ങ്ങാ​നാ​ണ് ശ്ര​മം. ഡി.​പി.​ആ​റി​ന് സ​ർ​ക്കാ​ർ അം​ഗീ​കാ​ര​വും മ​റ്റും തേ​ടേ​ണ്ട​തു​ണ്ടെ​ങ്കി​ലും അ​തി​നൊ​പ്പം ത​ന്നെ സ​രോ​വ​ര​ത്തെ പ​ണി തീ​ർ​ക്ക​നാ​വു​മോ​യെ​ന്നാ​ണ് നോ​ക്കു​ന്ന​ത്.

ക്വി​ല്ലി​ന്റെ (കേ​ര​ള വാ​ട്ട​ർ​വേ​യ്സ് ആ​ന്‍ഡ് ഇ​ന്‍ഫ്രാ​സ്ട്ര​ക്‌​ചേ​ഴ്‌​സ് ലി​മി​റ്റ​ഡ്) നേ​തൃ​ത്വ​ത്തി​ല്‍ ന​ട​പ്പാ​ക്കാ​നു​ദ്ദേ​ശി​ക്കു​ന്ന പ​ദ്ധ​തി​യി​ൽ ജ​ല​പാ​ത, ക​നാ​ലി​ലേ​ക്ക് മ​ലി​ന​ജ​ല​മൊ​ഴു​ക്കു​ന്ന​ത് ഒ​ഴി​വാ​ക്ക​ല്‍, ക​നാ​ലി​ന്റെ ഇ​രു​വ​ശ​വു​മു​ള്ള റോ​ഡു​ക​ളും പാ​ല​ങ്ങ​ളു​ടെ​യും ന​വീ​ക​ര​ണം, ന​ഗ​ര​ത്തി​ലെ വെ​ള്ള​ക്കെ​ട്ടി​നു​ള്ള പ​രി​ഹാ​രം തു​ട​ങ്ങി​യ പ്ര​വ​ര്‍ത്ത​ന​ങ്ങ​ള്‍ ഉ​ള്‍ക്കൊ​ള്ളു​ന്ന വി​ശാ​ല​മാ​യ പ​ദ്ധ​തി​യാ​ണ് വി​ഭാ​വ​നം ചെ​യ്യു​ന്ന​ത്.

പ​ദ്ധ​തി​യു​ടെ സാ​ധ്യ​താ​പ​ഠ​നം ന​ട​ത്തി രൂ​പ​രേ​ഖ ത​യാ​റാ​ക്കു​ന്ന​ത്​ ലീ ​അ​സോ​സി​യേ​റ്റ്‌​സ് സൗ​ത്ത് ഏ​ഷ്യ പ്രൈ​വ​റ്റ് ലി​മി​റ്റ​ഡാ​ണ്. ആ​ദ്യ​ഘ​ട്ട​ സ​ർ​വേ ന​ട​ന്നു. ക​നാ​ലി​ന്‍റെ ഇ​പ്പോ​ഴു​ള്ള അ​തി​ർ​ത്തി അ​ള​ന്ന്​ തി​ട്ട​പ്പെ​ടു​ത്തു​ക, ​മ​ണ്ണു​പ​രി​ശോ​ധ​ന എ​ന്നി​വ പൂ​ർ​ത്തി​യാ​യി. അ​തി​ർ​ത്തി രേ​ഖ​പ്പെ​ടു​ത്തു​ന്ന​തി​നൊ​പ്പം ടോ​പോ​ഗ്രാ​ഫി​ക്ക​ൽ സ​ർ​വേ, വാ​ട്ട​ർ ബാ​ല​ൻ​സ് എ​ന്നി​വ​യും ന​ട​ന്നു.

ക​നാ​ലി​ന്‍റെ ആ​ഴ​വും വീ​തി​യും വി​വി​ധ സ്​​ഥ​ല​ങ്ങ​ളു​മെ​ല്ലാം ടോ​പോ​ഗ്ര​ഫി​ക്ക​ൽ സ​ർ​വേ വ​ഴി രേ​ഖ​പ്പെ​ടു​ത്തി​വ​രു​ന്നു. രാ​ജ്യാ​ന്ത​ര ജ​ല​പാ​ത നി​ല​വാ​ര​ത്തി​ലേ​ക്ക് ഉ​യ​ർ​ത്താ​ൻ 1118 കോ​ടി രൂ​പ​യു​ടെ പ​ദ്ധ​തി​യാ​ണ് ഒ​രു​ങ്ങു​ന്ന​ത്. കി​ഫ്ബി ധ​ന​സ​ഹാ​യ​ത്തോ​ടെ തു​ക ല​ഭ്യ​മാ​ക്കി പ​ദ്ധ​തി ന​ട​പ്പാ​ക്കാ​ൻ​ മ​ന്ത്രി​സ​ഭ തീ​രു​മാ​നി​ച്ചു ക​ഴി​ഞ്ഞു.