മെഡിക്കല്‍ കോളജില്‍ കോക്ലിയര്‍ ഇംപ്ലാന്റ് ശസ്ത്രക്രിയ തുടരും

കോ​ഴി​ക്കോ​ട്: മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ കോ​ക്ലി​യ​ര്‍ ഇം​പ്ലാ​ന്റ് ശ​സ്ത്ര​ക്രി​യ​ക​ള്‍ തു​ട​രാ​ന്‍ ന​ട​പ​ടി​യാ​യി. ശ​മ്പ​ളം കു​ടി​ശ്ശി​ക​യാ​യ​തി​നെ​ത്തു​ട​ർ​ന്ന് കോ​ള​ജി​ലെ ര​ണ്ടു സ്പീ​ച്ച് തെ​റ​പ്പി​സ്റ്റു​ക​ൾ ക​ഴി​ഞ്ഞ​ദി​വ​സം രാ​ജി സ​മ​ർ​പ്പി​ച്ചി​രു​ന്നു. തു​ട​ർ​ന്ന് കോ​ക്ലി​യ​ര്‍ ഇം​പ്ലാ​ന്റ് ശ​സ്ത്ര​ക്രി​യ​ക​ള്‍ താ​ൽ​ക്കാ​ലി​ക​മാ​യി നി​ർ​ത്തി​വെ​ച്ചു.

എ​ന്നാ​ൽ, ഈ ​വാ​ർ​ത്ത പു​റ​ത്തു​വ​ന്ന​തോ​ടെ ആ​രോ​ഗ്യ​വ​കു​പ്പ് ഇ​ട​പെ​ടു​ക​യും ആ​ശു​പ​ത്രി വി​ക​സ​ന സ​മി​തി ഫ​ണ്ടി​ൽ​നി​ന്ന് ഇ​വ​ർ​ക്ക് ശ​മ്പ​ളം ന​ൽ​കാ​ൻ തീ​രു​മാ​നി​ക്കു​ക​യും ര​ണ്ടു മാ​സ​ത്തെ കു​ടി​ശ്ശി​ക അ​നു​വ​ദി​ക്കു​ക​യും ചെ​യ്തു. ഇ​തോ​ടെ, തെ​റ​പ്പി​സ്റ്റു​ക​ൾ രാ​ജി പി​ന്‍വ​ലി​ച്ച് ഡ്യൂ​ട്ടി​യി​ല്‍ ക​യ​റാ​മെ​ന്ന് അ​റി​യി​ച്ചി​ട്ടു​ണ്ട്.

അ​ഞ്ചു സ്പീ​ച്ച് തെ​റ​പ്പി​സ്റ്റു​ക​ളാ​ണ് മെ​ഡി​ക്ക​ൽ കോ​ള​ജി​ലു​ള്ള​ത്. ര​ണ്ടു​പേ​ർ രാ​ജി​വെ​ക്കു​ന്ന​തോ​ടെ പ്ര​വ​ർ​ത്ത​നം പ്ര​തി​സ​ന്ധി​യി​ലാ​വു​മെ​ന്ന​തി​നാ​ലാ​ണ് ശ​സ്ത്ര​ക്രി​യ​ക​ൾ നി​ർ​ത്തി​വെ​ക്കാ​ൻ തീ​രു​മാ​നി​ച്ചി​രു​ന്ന​ത്. ഇ​ത് കേ​ള്‍വി​പ​രി​മി​തി കാ​ര​ണം ശ​സ്ത്ര​ക്രി​യ കാ​ത്തി​രി​ക്കു​ന്ന കു​ട്ടി​ക​ളെ പ്ര​തി​സ​ന്ധി​യി​ലാ​ക്കി​യി​രു​ന്നു. തെ​റ​പ്പി​സ്റ്റു​ക​ളെ നി​യ​മി​ക്ക​ണ​മെ​ന്നാ​വ​ശ്യ​പ്പെ​ട്ട് ര​ണ്ടു വ​ര്‍ഷ​ത്തി​നി​ടെ സാ​മൂ​ഹി​ക സു​ര​ക്ഷ മി​ഷ​ന് മെ​ഡി​ക്ക​ല്‍ കോ​ള​ജി​ല്‍നി​ന്ന് നി​ര​വ​ധി ത​വ​ണ ക​ത്ത് ന​ല്‍കി​യി​രു​ന്നു. എ​ന്നാ​ല്‍, കെ.​എ​സ്.​എ​സ്.​എം ഇ​ട​പെ​ട്ടി​ല്ല.

ഏ​ഴു​മാ​സം ശ​മ്പ​ളം കു​ടി​ശ്ശി​ക​യാ​യ​തോ​ടെ​യാ​ണ് സ്പീ​ച്ച് തെ​റ​പ്പി​സ്റ്റു​ക​ള്‍ രാ​ജി ന​ൽ​കി​യ​ത്. മെ​ഡി​ക്ക​ല്‍ കോ​ള​ജി​ല്‍ ക​ഴി​ഞ്ഞ​മാ​സം ശ​സ്ത്ര​ക്രി​യ ചെ​യ്ത മൂ​ന്നു കു​ട്ടി​ക​ളു​ടെ ഇം​പ്ലാ​ന്റു​ക​ള്‍ തെ​റ​പ്പി​സ്റ്റു​ക​ള്‍ ഇ​ല്ലാ​ത്ത​തി​നാ​ല്‍ ഇ​തു​വ​രെ സ്വി​ച്ച്ഓ​ൺ പോ​ലും ചെ​യ്തി​രു​ന്നി​ല്ല. ശ്രു​തി ത​രം​ഗം പ​ദ്ധ​തി സ്റ്റേ​റ്റ് ഹെ​ല്‍ത്ത് മി​ഷ​നി​ലേ​ക്ക് മാ​റ്റി​യി​ട്ടും തെ​റ​പ്പി​സ്റ്റു​ക​ളു​ടെ ശ​മ്പ​ള കു​ടി​ശ്ശി​ക ന​ല്‍കാ​നോ ഉ​പ​ക​ര​ണ​ങ്ങ​ള്‍ അ​പ്‌​ഗ്രേ​ഡ് ചെ​യ്യാ​നോ ന​ട​പ​ടി സ്വീ​ക​രി​ച്ചി​രു​ന്നി​ല്ല.