സർക്കാർ ബസുകളിലേതിന് സമാനമായി ഭിന്നശേഷിക്കാർക്ക് സ്വകാര്യ ബസുകളിലും ഇളവ്
text_fieldsകോഴിക്കോട്: ഭിന്നശേഷിക്കാർക്ക് സ്വകാര്യ ബസുകളിലെ യാത്ര ഇളവിന്റെ മാനദണ്ഡം കുറച്ച് സർക്കാർ ഉത്തരവ്. 40 ശതമാനമോ അതിൽ കൂടുതലോ ഭിന്നശേഷിയുള്ളവർക്ക് ഇളവ് ആനുകൂല്യം ലഭിക്കും. നിലവിൽ 45 ശതമാനമായിരുന്നു മാനദണ്ഡം. സംസ്ഥാനത്തെ സർക്കാർ ബസുകളിൽ 40 ശതമാനമായി നിശ്ചയിച്ചിരുന്നു. ആയിരക്കണക്കിന് ഭിന്നശേഷിക്കാർക്ക് ഈ ആനുകൂല്യം സർക്കാർ ബസുകളിൽ ലഭിച്ചിരുന്നെങ്കിലും സ്വകാര്യ ബസുകളിലേത് വിവേചനപരമാണെന്ന ആക്ഷേപം ഉയർന്നിരുന്നു. പല സംഘടനകളും ആവശ്യപ്പെട്ടിരുന്നെങ്കിലും സ്വകാര്യ ബസുകളിൽ ഈ ഇളവ് നൽകിയിരുന്നില്ല. സർക്കാർ ബസുകളിൽ ഭിന്നശേഷിക്കാർക്ക് ലഭിക്കുന്ന യാത്രാ ഇളവിന് സമാനമായി സ്വകാര്യ സ്റ്റേജ് കാരേജ് ബസുകളിൽ അനുവദിക്കണമെന്ന് സംസ്ഥാന ഭിന്നശേഷി കമീഷണർ ആവശ്യപ്പെട്ടിരുന്നു. ഇതേ തുടർന്ന് ഗതാഗത വകുപ്പ് സെക്രട്ടറി ബിജു പ്രഭാകർ ആണ് പുതിയ ഉത്തരവിറക്കിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.