കോവിഡ്: കോഴിക്കോട്ട്​ നിയ​ന്ത്രണം കടുപ്പിച്ചു

കോഴിക്കോട്​: ആയിരത്തിനടുത്ത്​ കോവിഡ്​ കേസുകൾ പുതുതായി റിപ്പോർട്ട്​ ചെയ്​തതോടെ കോഴിക്കോട്​​ കോർപറേഷൻ പരിധിയിൽ നിയന്ത്രണം കർശനമാക്കി. മാർക്കറ്റുകൾ, ഷോപ്പിങ്​ മാളുകൾ, തുറമുഖങ്ങൾ എന്നിവ നിയന്ത്രിത മേഖലകളാക്കി കലക്​ടർ ഉത്തരവിട്ടു. 14 ദിവസത്തേക്കാണ്​ കർശന നിയന്ത്രണം.

ആറടി സാമൂഹിക അകലം കർശനമാക്കി. ആളുകൾ കൂടുതൽ എത്തുന്നയിടങ്ങളിൽ മുതിർന്ന പൊലീസ്​ ഒാഫിസർമാരും ക്യുക്ക്​ ​െറസ്​പോൺസ്​​ ടീമും ഉണ്ടാവും. കോവിഡ്​ പ്രോ​േട്ടാ​േകാൾ കർശനമായി പാലിക്കുന്നുവെന്ന്​ ഉറപ്പുവരുത്തും. വിവാഹത്തിന്​ പരമാവധി 50 പേർക്കും മരണാനന്തര ചടങ്ങുകളിൽ 20 പേർക്കുമേ പ​െങ്കടുക്കാൻ അനുവാദമുണ്ടാവൂ. പ​െങ്കടുക്കുന്നവരു​െട വിവരങ്ങൾ രജിസ്​റ്ററിൽ രേഖപ്പെടുത്തണം. ആരാധനാകേന്ദ്രങ്ങളിൽ പരമാവധി 50 ​േപർക്കേ അനുമതിയുണ്ടാവൂ.

മൈതാനം, ജിംനേഷ്യം, ടർഫ്​, സിമ്മിങ്​ പൂൾ, സിനിമ ഹാൾ, ഒാഡിറ്റോറിയം എന്നിവ ഇനിയൊരറിയിപ്പുണ്ടാവുന്നതുവരെ തുറക്കാൻ പാടില്ല. കണ്ടെയ്​ൻമെൻറ്​ സോൺ പരിധിയിൽനിന്ന്​ പുറത്തുപോവുന്നത്​ കർശനമായി തടയും. പൊതുപരിപാടികളിൽ പരമാവധി അഞ്ചുപേർക്കേ അനുമതിയുണ്ടാവൂ.