'ഓണം കേറാമൂല'യായി നഗരത്തിലെ നടപ്പാതകൾ

കോഴിക്കോട്​: ഓണക്കാലത്ത്​ നിന്നുതിരിയാനിടമില്ലാതെ കച്ചവടക്കാരെക്കൊണ്ട്​ നിറയുന്ന മാനാഞ്ചിറയുടെ നടപ്പാതകൾ ഇത്തവണ ഓണം വന്നതുപോലും അറിഞ്ഞിട്ടില്ല. മാനാഞ്ചിറയി​െല ബസ്​സ്​റ്റോപ്പുകൾക്കുള്ളിൽ പോലും കച്ചവടക്കാർ നിറഞ്ഞുനിന്നിരുന്ന ഇടത്ത്​ ഇത്തവണ ബസ്​ കാത്തു നിൽക്കുന്നവർ പോലും ഇല്ലാത്ത അവസ്​ഥയാണ്​.

മാനാഞ്ചിറക്കു​ ചുറ്റുമുള്ള നടപ്പാതകൾ, പാവമണി റോഡ്​, കമീഷണർ ഓഫിസിനു മുൻവശം എന്നിവിടങ്ങളിലെല്ലാം തുണിക്കച്ചവടമാണ്​ തകൃതിയായി നടക്കാറുള്ളത്​. മറ്റു ജില്ലകളിൽ നിന്നും തമിഴ്​നാട്ടിൽ നിന്നും നൂറുകണക്കിന്​ കച്ചവടക്കാർ അത്തത്തിനു മുമ്പു​തന്നെ ഇവിടെയെത്തി സ്​ഥലം പിടിക്കാറുണ്ട്​. കുട്ടികൾക്കുള്ള ഉടുപ്പുകൾ, ഷർട്ടുകൾ, സെറ്റ്​ മുണ്ട്​, കേരള സാരി എന്നിവയാണ്​ പ്രധാന വിൽപന. വിരികളും കർട്ടനുകളും കത്തി, വെട്ടുകത്തി തുടങ്ങിയ അടുക്കള ഇനങ്ങളും സ്​ഥിരമായി വിൽപനക്ക്​ ഉണ്ടാകാറുണ്ട്​. നടപ്പാതയിലുള്ള വിൽപനയായതിനാൽ ആളുകളുടെ തിരക്കും കൂടുതലായിരുന്നു. അത്തത്തിനു രണ്ടും മൂന്നും ദിവസം മുമ്പുതന്നെ നടപ്പാതയിൽ ഷീറ്റ്​ കെട്ടി കടയൊരുക്കൽ തുടങ്ങും. ഉത്രാടത്തിനാണ്​ തിരക്ക്​ വർധിക്കുക. ഓണം കഴിഞ്ഞ്​ രണ്ടു​ദിവസങ്ങൾക്കു​ശേഷം കടകൾ ഒഴിയും.

എല്ലാവർഷവും നഗരത്തിലെ നടപ്പാതകൾ ഓണവും വിഷുവും വരുന്നത്​ അറിയുക​ ഇൗ കച്ചവടക്കാരുടെ വരവോടെയാണ്​. എന്നാൽ ഇത്തവണ തെരുവു കച്ചവടം അനുവദിക്കാത്തതിനാൽ നടപ്പാതകൾ വിജനമാണ്​. അടുത്ത ഓണത്തിന്​ കച്ചവടം പൊടി​െപാടിക്കാമെന്ന പ്രതീക്ഷയിലാണ്​ വ്യാപാരികളും.