കരിപ്പൂർ രക്ഷാദൗത്യത്തിനുപോയ അഗ്​നിശമന സേന ജീവനക്കാർക്ക്​​ കോവിഡ്​

കോഴിക്കോട്​: ജില്ലയിലാദ്യമായി അഗ്​നിശമന സേനയിലെ രണ്ടു ജീവനക്കാർക്ക്​ കോവിഡ്​ സ്​ഥിരീകരിച്ചു.

മീഞ്ചന്ത യൂനിറ്റിലെ ഫയർ ആൻഡ്​ റസ്​ക്യൂ ഒാഫിസ്​ ഡ്രൈവർമാരായ വടകര, ​സൗത്ത്​കൊടുവള്ളി സ്വദേശികൾക്കാണ്​ രോഗം സ്​ഥിരീകരിച്ചത്​.

കരിപ്പൂർ വിമാനദുരന്ത വേളയിൽ രക്ഷാപ്രവർത്തനത്തിന്​ പോയ സംഘത്തിലുൾപ്പെട്ടവരാണിവർ. സംഘത്തിൽ മീഞ്ചന്ത യൂനിറ്റിലെ ഒമ്പതുപേരാണുണ്ടായിരുന്നത്​.

ഇവർക്ക്​ വ്യാഴാഴ്​ച മീഞ്ചന്ത ആർട്​സ്​ കോളജിലായിരുന്നു കോവിഡ്​ പരിശോധന. രോഗം സ്​ഥിരീകരിച്ച രണ്ടുപേരെയും ഉടൻ എൻ.​െഎ.ടി കോവിഡ്​ ഫസ്​റ്റ്​ലൈൻ ട്രീറ്റ്​​െമൻറ്​ സെൻററി​േലക്ക്​ മാറ്റി.

ഹൈഡ്രോളിക്​ കട്ടർ ഉപയോഗിച്ച്​ വിമാനത്തി​െൻറ ഭാഗങ്ങൾ മുറിച്ചുമാറ്റി കുടുങ്ങിക്കിടന്നവ​െ​ര പുറത്തെത്തിക്കുന്നതിന്​ നേതൃത്വം നൽകിയവരാണിവർ.

അതിനാലാണ്​ പ്രൈമറി കോണ്ടാക്​ടുണ്ടായത്​. രക്ഷാദൗത്യത്തിന് ​പോയ മുഴുവനാളുകളും വന്നയുടൻ ക്വാർ​േട്ടഴ്​സിൽ പ്രത്യേക സൗകര്യമൊരുക്കി ക്വാറൻറീനിൽ കഴിഞ്ഞതിനാൽ ഇവർക്ക്​ മറ്റ്​ ഉദ്യോഗസ്​ഥരുമായി ഒരുവിധ സമ്പർക്കവുമുണ്ടായിട്ടില്ല.

ജീവനക്കാരെ രണ്ടായി തിരിച്ചുള്ള ക്രമീകരണങ്ങൾ നേരത്തെ ഏർപ്പെടുത്തിയതിനാൽ മീഞ്ചന്ത ഫയർ യൂനിറ്റി​െൻറ പ്രവർത്തന​ത്തിന്​ പ്രതിസന്ധിയും ഉണ്ടായിട്ടില്ല.