പ്ര​തി​സ​ന്ധി രൂ​ക്ഷം; എ​ക്സി​ബി​ഷ​ൻ മേ​ഖ​ല ത​ക​ർ​ച്ച​യു​ടെ വ​ക്കി​ൽ

കോ​ഴി​ക്കോ​ട്: സ​ർ​ക്കാ​ർ മാ​ന​ദ​ണ്ഡ​ങ്ങ​ൾ ​പ്ര​തി​സ​ന്ധി രൂ​ക്ഷ​മാ​ക്കി​യ​തോ​ടെ എ​ക്സി​ബി​ഷ​ൻ മേ​ഖ​ല ത​ക​ർ​ച്ച​യു​ടെ വ​ക്കി​ൽ. വേ​ന​ല​വ​ധി​ക്കാ​ല​ത്ത് ചെ​റു​തും വ​ലു​തു​മാ​യി നാ​ൽ​പ​തോ​ളം എ​ക്സി​ബി​ഷ​നു​ക​ൾ സം​സ്ഥാ​ന​ത്ത് ന​ട​ന്നി​രു​ന്നു​വെ​ങ്കി​ൽ ഇ​ത്ത​വ​ണ​യി​ത് വി​ര​ലി​ലെ​ണ്ണാ​വു​ന്ന​വ​യാ​യി ചു​രു​ങ്ങി.

സ​ർ​ക്കാ​ർ ഗ്രൗ​ണ്ടു​ക​ളു​ടെ വ​ൻ വാ​ട​ക​യും താ​ൽ​ക്കാ​ലി​ക ബി​ൽ​ഡി​ങ് പെ​ർ​മി​റ്റ് ഫീ​സ് കൂ​ടി​യ​തു​മാ​ണ് പ്ര​തി​സ​ന്ധി​യു​ടെ പ്ര​ധാ​ന കാ​ര​ണ​മാ​യി ചൂ​ണ്ടി​ക്കാ​ണി​ക്കു​ന്ന​ത്. 18 ശ​ത​മാ​നം ജി.​എ​സ്.​ടി​ക്ക് പു​റ​മെ പ​ത്തു​ശ​ത​മാ​നം വി​നോ​ദ നി​കു​തി​കൂ​ടി സ​ർ​ക്കാ​ർ ഈ​ടാ​ക്കി​ത്തു​ട​ങ്ങി​യ​തോ​ടെ പ്ര​തി​സ​ന്ധി കൂ​ടു​ത​ൽ രൂ​ക്ഷ​മാ​യി. കോ​വി​ഡ് പ്ര​തി​സ​ന്ധി​ക്കു​ശേ​ഷം ക​ര​ക​യ​റി​വ​ന്ന മേ​ഖ​ല​യാ​ണ് താ​ങ്ങാ​വു​ന്ന​തി​ല​ധി​ക​മു​ള്ള ചെ​ല​വു​ക​ൾ കാ​ര​ണം ത​ക​ർ​ച്ച​യി​ലേ​ക്ക് പോ​കു​ന്ന​ത്.

സ്ഥി​ര​മാ​യി ​എ​ക്സി​ബി​ഷ​നു​ക​ൾ സം​ഘ​ടി​പ്പി​ച്ച പ​ല ടീ​മു​ക​ളും ല​ക്ഷ​ങ്ങ​ളു​ടെ ബാ​ധ്യ​ത വ​ന്ന​തോ​ടെ അ​യ​ൽ സം​സ്ഥാ​ന​ങ്ങ​ളാ​യ ക​ർ​ണാ​ട​ക, ത​മി​ഴ്‌​നാ​ട്, ഗോ​വ എ​ന്നി​വി​ട​ങ്ങ​ളി​ലേ​ക്ക് ചേ​ക്കേ​റി​യി​ട്ടു​ണ്ട്. നി​ര​വ​ധി പേ​ർ​ക്ക് തൊ​ഴി​ൽ ല​ഭി​ക്കു​ന്ന മേ​ഖ​ല എ​ന്ന​തി​ന​പ്പു​റം സം​സ്ഥാ​ന സ​ർ​ക്കാ​റി​ന് നി​കു​തി​യി​ന​ത്തി​ൽ വ​ലി​യ വ​രു​മാ​നം ല​ഭി​ക്കു​ന്ന മേ​ഖ​ല​കൂ​ടി​യാ​ണ് നാ​മാ​വ​ശേ​ഷ​മാ​കു​ന്ന​ത്.

എ​ക്സി​ബി​ഷ​നു​ക​ളും സ​ർ​ക്ക​സു​ക​ളു​മെ​ല്ലാം ന​ട​ന്നി​രു​ന്ന ഗ്രൗ​ണ്ടു​ക​ളി​ലെ​ല്ലാം കെ​ട്ടി​ട​ങ്ങ​ൾ ഉ​യ​ർ​ന്ന​തി​നാ​ൽ സ്ഥ​ല​മി​​ല്ലെ​ന്ന പ്ര​തി​സ​ന്ധി​യു​മു​ണ്ട്. സ​ർ​ക്കാ​ർ ഗ്രൗ​ണ്ടു​ക​ൾ​ക്കു​പോ​ലും ഭീ​മ​മാ​യ വാ​ട​ക​യാ​ണ് പ​ല ത​ദ്ദേ​ശ സ്ഥാ​പ​ന​ങ്ങ​ളും ഈ​ടാ​ക്കു​ന്ന​ത്. മ​റ്റു പ്രോ​ഗ്രാ​മു​ക​ൾ​ക്ക് ദി​വ​സം 5,000 രൂ​പ​ക്ക് ന​ൽ​കു​ന്ന സ​ർ​ക്കാ​ർ സ്ഥ​ലം എ​ക്സി​ബി​ഷ​നു​ക​ൾ​ക്ക് ന​ൽ​കു​മ്പോ​ൾ കൂ​ടു​ത​ൽ തു​ക വാ​ങ്ങു​ന്ന​താ​യും പ​രാ​തി​യു​ണ്ട്.

ഒ​രു മൈ​താ​നി​യി​ൽ കേ​വ​ലം ഒ​രാ​ഴ്ച മാ​ത്രം സം​ഘ​ടി​പ്പി​ക്കു​ന്ന കാ​ർ​ണി​വ​ലി​ന് മീ​റ്റ​ർ സ്ക്വ​യ​റി​ന് 300 രൂ​പ ബി​ൽ​ഡി​ങ് പെ​ർ​മി​ഷ​ൻ ഫീ​സാ​യി ഈ​ടാ​ക്കു​ന്നു. ഇ​തി​നു​പു​റ​മെ ക​ട​ക​ൾ​ക്ക് 500 രൂ​പ ലൈ​സ​ൻ​സ് ഫീ​സും പ​ല​യി​ട​ത്തും ഈ​ടാ​ക്കു​ന്നു​ണ്ട്. കെ​ട്ടി​ട നി​ർ​മാ​ണ​വു​മാ​യി ബ​ന്ധ​പ്പെ​ട്ട് വ​ർ​ധി​പ്പി​ച്ച അ​പേ​ക്ഷ ഫീ​സ്, പെ​ർ​മി​റ്റ് ഫീ​സ് എ​ന്നി​വ​യെ​ല്ലാം ഈ ​മേ​ഖ​ല​ക്ക് പ്ര​തി​സ​ന്ധി​യാ​ണ്.

പി.​പി.​ആ​ർ ലൈ​സ​ൻ​സ് ഫീ, ​ഹ​രി​ത ക​ർ​മ​സേ​ന ഫീ, ​പൊ​ലീ​സ്, ഫ​യ​ർ, ഇ​ല​ക്ട്രി​സി​റ്റി, ഇ​ൻ​ഷു​റ​ൻ​സ് ചെ​ല​വ് എ​ന്നി​വ കൂ​ടാ​തെ​യാ​ണ് ജി.​എ​സ്.​ടി​യും വി​നോ​ദ നി​കു​തി​യും. ഇ​തെ​ല്ലാം കൂ​ടി ടി​ക്ക​റ്റി​ലൂ​ടെ ക​ണ്ടെ​ത്താ​നാ​വു​ന്നി​ല്ലെ​ന്നും കേ​ര​ള​ത്തി​ൽ​നി​ന്ന് സ​ർ​ക്ക​സ് മേ​ഖ​ല ഇ​ല്ലാ​താ​യ​തു​പോ​ലെ എ​ക്സി​ബി​ഷ​ൻ മേ​ഖ​ല​യും ഇ​ല്ലാ​താ​വു​ക​യാ​ണെ​ന്നു​മാ​ണ് ന​ട​ത്തി​പ്പു​കാ​ർ പ​റ​യു​ന്ന​ത്.

അ​മ്യൂ​സ്മെ​ന്റ് പാ​ർ​ക്ക് ന​ട​ത്തി​പ്പി​നാ​യി പി.​ഡ​ബ്ല്യു.​ഡി വി​ഭാ​ഗ​ത്തി​ന്റെ ഫി​റ്റ്ന​സ് സ​ർ​ട്ടി​ഫി​ക്ക​റ്റ് വേ​ണ​മെ​ന്നാ​ണ് ത​ദ്ദേ​ശ സ്ഥാ​പ​ന സെ​ക്ര​ട്ട​റി​മാ​ർ ആ​വ​ശ്യ​പ്പെ​ടു​ന്ന​ത്. എ​ന്നാ​ൽ, ഇ​ങ്ങ​നെ​യൊ​രു സ​ർ​ട്ടി​ഫി​ക്ക​റ്റ് കൊ​ടു​ക്കാ​ൻ ത​ങ്ങ​ൾ​ക്ക് അ​ധി​കാ​ര​മി​ല്ലെ​ന്നാ​ണ് പി.​ഡ​ബ്ല്യു.​ഡി അ​ധി​കൃ​ത​രു​ടെ പ​ക്ഷം.

ഇ​ത്ത​രം വി​ഷ​യ​ങ്ങ​ളി​ൽ സ​ർ​ക്കാ​ർ വ്യ​ക്ത​മാ​യ മാ​ർ​ഗ​നി​ർ​ദേ​ശം പു​റ​ത്തി​റ​ക്കാ​ത്ത​തും തി​രി​ച്ച​ടി​യാ​ണ്. ഇ​ക്കാ​ര്യ​ങ്ങ​ളെ​ല്ലാം ചൂ​ണ്ടി​ക്കാ​ട്ടി പ​ല​ത​വ​ണ സ​ർ​ക്കാ​റി​നെ സ​മീ​പി​ച്ചെ​ങ്കി​ലും അ​നു​കൂ​ല ന​ട​പ​ടി ഉ​ണ്ടാ​യി​ല്ലെ​ന്ന് കേ​ര​ള സ്റ്റേ​റ്റ് എ​ക്സി​ബി​ഷ​ൻ വ​ർ​ക്കേ​ഴ്സ് യൂ​നി​യ​ൻ സം​സ്ഥാ​ന പ്ര​സി​ഡ​ൻ​റ് ജ്യോ​തി കു​മാ​ർ അ​റി​യി​ച്ചു.