'ഉ​പ്പാ എ​ന്‍റെ ക​ല്യാ​ണ​ത്തി​ന് സ്വ​ർ​ണം ത​രേ​ണ്ട'; നാല്​ കുടുംബങ്ങൾക്ക് വീടുവെക്കാൻ സ്ഥലം നൽകി അ​​ന്ത്രു

മേ​പ്പ​യ്യൂ​ർ: 'ഉ​പ്പാ എ​ന്‍റെ ക​ല്യാ​ണ​ത്തി​ന് സ്വ​ർ​ണം ത​രേ​ണ്ട. ആ ​പ​ണം കൊ​ണ്ട് ന​മു​ക്ക് പ്ര​യാ​സ​മ​നു​ഭ​വി​ക്കു​ന്ന​വ​ർ​ക്ക് താ​ങ്ങാ​വാം'. കൊ​ഴു​ക്ക​ല്ലൂ​ർ കോ​ര​മ്മ​ൻ​ക​ണ്ടി അ​ന്ത്രു​വി​ന്‍റെ മ​ക​ൾ ഷെ​ഹ്‌​ന ഷെ​റി​ൻ ഇ​ങ്ങ​നെ ഒ​രു നി​ർ​ദേ​ശം വെ​ച്ച​ത് ജീ​വ​കാ​രു​ണ്യ പ്ര​വ​ർ​ത്ത​ക​നാ​യ അ​ദ്ദേ​ഹ​ത്തെ കു​റ​ച്ചൊ​ന്നു​മ​ല്ല സ​ന്തോ​ഷി​പ്പി​ച്ച​ത്. വി​വ​രം മ​ക​ളെ ക​ല്യാ​ണം ക​ഴി​ക്കു​ന്ന കോ​ട്ട​പ്പ​ള്ളി​യി​ലെ ച​ങ്ങ​രം​ക​ണ്ടി മു​ഹ​മ്മ​ദ് ഷാ​ഫി​യേ​യും കു​ടും​ബ​ത്തേ​യും അ​റി​യി​ച്ച​പ്പോ​ൾ അ​വ​രും തീ​രു​മാ​ന​ത്തെ പി​ന്തു​ണ​ച്ചു. അ​ങ്ങ​നെ ഷെ​ഹ്‌​ന ഷെ​റി​ന്‍റെ​യും മു​ഹ​മ്മ​ദ് ഷാ​ഫി​യു​ടേ​യും വി​വാ​ഹ ദി​ന​മാ​യ ഞാ​യ​റാ​ഴ്ച അ​ന്ത്രു​വി​ന്‍റെ 21 സെ​ന്‍റ്​ സ്ഥ​ലം ഭൂ​മി​യി​ല്ലാ​ത്ത നാ​ലു പേ​ർ​ക്ക് ന​ൽ​കി ആ​ധാ​രം കൈ​മാ​റും.

മേ​പ്പ​യ്യൂ​ർ പാ​ലി​യേ​റ്റീ​വ് സെ​ന്‍റ​ർ പ്ര​വ​ർ​ത്ത​ക​രാ​യ ഈ ​ഉ​പ്പ​യും മ​ക​ളും പാ​ലി​യേ​റ്റീ​വ് സെ​ന്‍റ​ർ നി​ർ​മി​ക്കു​ന്ന ഡ​യാ​ലി​സി​സ് കേ​ന്ദ്ര​ത്തി​ന് ധ​ന​സ​ഹാ​യ​വും ക​ല്യാ​ണ​ത്തി​ന്‍റെ ഭാ​ഗ​മാ​യി ന​ൽ​കും. അ​രി​ക്കു​ളം പ്ര​തീ​ക്ഷ പാ​ലി​യേ​റ്റീ​വ്, സു​ര​ക്ഷാ പാ​ലി​യേ​റ്റീ​വ് എ​ന്നി​വ​ക്കു​മു​ണ്ട് ധ​ന​സ​ഹാ​യം. ഒ​രാ​ൾ​ക്ക് വീ​ട് നി​ർ​മാ​ണ​ത്തി​നും മ​റ്റൊ​രാ​ൾ​ക്ക് ചി​കി​ത്സ​ക്കും സ​ഹാ​യം ന​ൽ​കി. ഒ​രു നി​ർ​ധ​ന കു​ടും​ബ​ത്തി​ന്‍റെ വീ​ടി​ന്‍റെ അ​റ്റ​കു​റ്റ പ​ണി​ക്കു​ള്ള ധ​ന​സ​ഹാ​യ​വും ഒ​രു പെ​ൺ​കു​ട്ടി​യു​ടെ ക​ല്യാ​ണ​ത്തി​നു​ള്ള സ​ഹാ​യ​വും അ​ന്ത്രു മ​ക​ളു​ടെ വി​വാ​ഹ​ത്തോ​ട​നു​ബ​ന്ധി​ച്ച് ചെ​യ്തു.

30 വ​ർ​ഷ​മാ​യി കു​വൈ​ത്തി​ൽ ബി​സി​ന​സ് ന​ട​ത്തു​ന്ന ഇ​ദ്ദേ​ഹ​ത്തി​ന്‍റെ ഈ ​കാ​രു​ണ്യ പ്ര​വ​ർ​ത്ത​ന​ത്തി​ന് ഭാ​ര്യ റം​ല​യും ഇ​ള​യ മ​ക​ൾ ഹി​ബ ഫാ​ത്തി​മ​യും എ​ല്ലാ പി​ന്തു​ണ​യും ന​ൽ​കു​ന്നു. മ​ക​ളു​ടെ ക​ല്യാ​ണ​പ്പ​ന്ത​ലും വൈ​വി​ധ്യ​മാ​യാ​ണ് അ​ന്ത്രു ഒ​രു​ക്കി​യ​ത്.

ഓ​ല കൊ​ണ്ടു​ള്ള പ​ന്ത​ൽ അ​ല​ങ്ക​രി​ച്ച​ത് ഇ​ര​ഞ്ഞി ഇ​ല കൊ​ണ്ടും ഈ​ന്തോ​ല പ​ട്ട കൊ​ണ്ടു​മാ​ണ്. പ​തി​റ്റാ​ണ്ടു​ക​ൾ​ക്ക് മു​മ്പ് ഇ​ത്ത​രം പ​ന്ത​ലു​ക​ൾ ഉ​ണ്ടാ​യി​രു​ന്നെ​ങ്കി​ലും ഇ​ക്കാ​ല​ത്ത്​ അ​പൂ​ർ​വ​മാ​ണ്.