ബീ​ച്ച് ആ​ശു​പ​ത്രി​യി​ൽ മ​തി​യാ​യ ചി​കി​ത്സ കി​ട്ടാ​തെ മ​ര​ണം; ന​ൽ​കി​യ​ത് ​​ഫോ​ൺ ഇ​ൻ ചി​കി​ത്സ​യെ​ന്ന്

കോ​ഴി​ക്കോ​ട്: ഗ​വ. ജ​ന​റ​ൽ (ബീ​ച്ച്) ആ​ശു​പ​ത്രി​യി​ൽ ചി​കി​ത്സ​ക്കി​ടെ മ​രി​ച്ച രോ​ഗി​ക്കു ന​ൽ​കി​യ​ത് ഫോ​ൺ ഇ​ൻ ചി​കി​ത്സ​യെ​ന്ന് വി​വ​രം. വി​ഷ​യ​ത്തി​ൽ ആ​ശു​പ​ത്രി സൂ​പ്ര​ണ്ട് ജി​ല്ല മെ​ഡി​ക്ക​ൽ ഓ​ഫി​സ​ർ​ക്ക് റി​പ്പോ​ർ​ട്ട് ന​ൽ​കി. ഡി.​എം.​ഒ വി​ശ​ദ റി​പ്പോ​ർ​ട്ട് ആ​വ​ശ്യ​പ്പെ​ട്ട​തി​നാ​ൽ ഡോ. ​ജ​മീ​ലി​ന്റെ നേ​തൃ​ത്വ​ത്തി​ലു​ള്ള സ​മി​തി​യെ അ​ന്വേ​ഷ​ണ​ത്തി​ന് ചു​മ​ത​ല​പ്പെ​ടു​ത്തി.

സ​മി​തി സം​ഭ​വ​സ​മ​യം ഡ്യൂ​ട്ടി​യി​ലു​ണ്ടാ​യി​രു​ന്ന ഡോ​ക്ട​ർ​മാ​രി​ൽ​നി​ന്നും മ​റ്റു ജീ​വ​ന​ക്കാ​രി​ൽ​നി​ന്നും മൊ​ഴി​യെ​ടു​ക്കും.

ഇ​ട​തു കാ​ൽ​വി​ര​ലു​ക​ൾ​ക്കി​ട​യി​ലെ പ​ഴു​പ്പ് മൂ​ർ​ച്ഛി​ച്ച​തി​നെ തു​ട​ർ​ന്ന് ഗ​വ. ജ​ന​റ​ൽ (ബീ​ച്ച്) ആ​ശു​പ​ത്രി​യി​ൽ ചി​കി​ത്സ തേ​ടി​യ അ​ത്തോ​ളി മേ​ലേ എ​ളേ​ച്ചി​ക​ണ്ടി പി.​എം. രാ​ജ​നാ​ണ് (80) ക​ഴി​ഞ്ഞ ദി​വ​സം മ​രി​ച്ച​ത്. വി​ഷ​യ​ത്തി​ൽ ആ​ഭ്യ​ന്ത​ര അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടു. അ​ത്തോ​ളി​യി​ലെ സ​ഹ​ക​ര​ണ ആ​ശു​പ​ത്രി​യി​ൽ​നി​ന്ന് അ​ടി​യ​ന്ത​ര ശ​സ്ത്ര​ക്രി​യ​ക്ക് ബീ​ച്ച് ആ​ശു​പ​ത്രി​യി​ലേ​ക്ക് റ​ഫ​ർ ചെ​യ്യു​ക​യാ​യി​രു​ന്നു. എ​ന്നാ​ൽ, ബീ​ച്ച് അ​ത്യാ​ഹി​ത വി​ഭാ​ഗ​ത്തി​ൽ രാ​ജ​നെ പ​രി​ശോ​ധി​ച്ച ഹൗ​സ് സ​ർ​ജ​ൻ പ​ഴു​പ്പ് ഫോ​ട്ടോ എ​ടു​ത്ത് ഡ്ര​സ് ചെ​യ്യു​ക​യും ഡോ​ക്‌​ട​ർ റൗ​ണ്ട്സി​നു വ​രു​മ്പോ​ൾ നോ​ക്കു​മെ​ന്നും രാ​ജ​നൊ​പ്പ​മു​ള്ള മ​ക​ൻ രാം​ലേ​ശി​നോ​ട് പ​റ​ഞ്ഞു.

ഇ​തി​നി​ടെ രാ​ജ​നു കു​ത്തി​വെ​പ്പ് ന​ൽ​കി. ആ​രോ​ഗ്യ​സ്‌​ഥി​തി കൂ​ടു​ത​ൽ വ​ഷ​ളാ​യ​തി​നെ തു​ട​ർ​ന്ന് പ​ല​ത​വ​ണ ന​ഴ്‌​സി​ന്റെ മു​റി​യി​ൽ പോ​യി പ​റ​ഞ്ഞി​ട്ടും ഡോ​ക്‌​ട​ർ​മാ​ർ ഉ​ൾ​പ്പെ​ടെ ആ​രും വ​ന്നി​ല്ല. ഡോ​ക്‌​ട​ർ ഫോ​ണി​ൽ നി​ർ​ദേ​ശി​ച്ച​പ്ര​കാ​രം ചി​കി​ത്സ ന​ൽ​കു​ന്നു​ണ്ടെ​ന്നാ​ണ് ന​ഴ്‌​സ് മ​ക​നോ​ട് പ​റ​ഞ്ഞ​ത്.

ശ്വാ​സ​ത​ട​സ്സം ക​ണ്ടു​നി​ൽ​ക്കാ​ൻ പോ​ലും പ​റ്റാ​ത്ത അ​വ​സ്‌​ഥ​യാ​യി​രു​ന്നു. പു​ല​ർ​ച്ച​യോ​ടെ ഡോ​ക്‌​ട​റെ​ത്തി ഇ.​സി.​ജി എ​ടു​ക്കാ​ൻ നി​ർ​ദേ​ശി​ച്ചു. അ​പ്പോ​ഴേ​ക്കും രാ​ജ​ൻ മ​രി​ച്ചി​രു​ന്നു. ഇ​ത്ത​രം ഒ​രു അ​വ​സ്‌​ഥ ഇ​നി ഒ​രു രോ​ഗി​ക്കും ഉ​ണ്ടാ​ക​രു​തെ​ന്ന് രാം​ലേ​ശ് പ​റ​ഞ്ഞു.