ഞെളിയൻപറമ്പിൽ അടിയന്തര നടപടിക്ക് തീരുമാനം

കോ​ഴി​ക്കോ​ട്: ഞെ​ളി​യ​ൻ​പ​റ​മ്പ് മാ​ലി​ന്യ സം​സ്ക​ര​ണ കേ​ന്ദ്ര​ത്തി​ൽ തീ​പി​ടി​ത്തം ഉ​ണ്ടാ​കാ​തി​രി​ക്കാ​ൻ അ​ടി​യ​ന്ത​ര മു​ൻ​ക​രു​ത​ലു​ക​ൾ കൈ​ക്കൊ​ള്ളാ​ൻ മേ​യ​ർ ഡോ. ​ബീ​ന ഫി​ലി​പ്പി​ന്റെ അ​ധ്യ​ക്ഷ​ത​യി​ൽ ചേ​ർ​ന്ന ജ​ന​പ്ര​തി​നി​ധി​ക​ളും ഉ​ന്ന​ത ഉ​ദ്യോ​ഗ​സ്ഥ​രും പ​​ങ്കെ​ടു​ത്ത യോ​ഗം തീ​രു​മാ​നി​ച്ചു. അ​ടി​യ​ന്ത​ര ന​ട​പ​ടി​ക​ൾ സ്വീ​ക​രി​ക്കാ​നാ​വ​ശ്യ​പ്പെ​ട്ടു​ള്ള ക​ല​ക്ട​റു​ടെ ഉ​ത്ത​ര​വി​​ന്റെ അ​ടി​സ്ഥാ​ന​ത്തി​ലാ​യി​രു​ന്നു യോ​ഗം.

കോ​ർ​പ​റേ​ഷ​ൻ സ്ഥി​രം സ​മി​തി അ​ധ്യ​ക്ഷ​ർ, പൊ​ലീ​സ്, ഫ​യ​ർ​ഫോ​ഴ്സ്, ദു​ര​ന്ത​നി​വാ​ര​ണ അ​ധി​കൃ​ത​ർ, എ​ൻ​ജി​നീ​യ​ർ​മാ​ർ എ​ന്നി​വ​ർ പ​​ങ്കെ​ടു​ത്തു. ഞെ​ളി​യ​ൻ​പ​റ​മ്പി​ൽ കൂ​ടു​ത​ൽ സു​ര​ക്ഷാ ജീ​വ​ന​ക്കാ​രെ വെ​ക്കു​ന്ന​ത​ട​ക്ക​മു​ള്ള കാ​ര്യ​ങ്ങ​ളി​ൽ പെ​ട്ടെ​ന്ന് ന​ട​പ​ടി​യെ​ടു​ക്കും. മാ​ലി​ന്യ സം​സ്ക​ര​ണ കേ​ന്ദ്ര​ത്തി​നു ചു​റ്റും അ​ഗ്നി​ശ​മ​ന വാ​ഹ​ന​ങ്ങ​ൾ വി​ന്യ​സി​ക്കും.

വാ​ഹ​ന​ങ്ങ​ൾ​ക്ക് സ​ഞ്ച​രി​ക്കാ​ൻ അ​ഞ്ചു മീ​റ്റ​ർ വീ​തി​യി​ൽ സൗ​ക​ര്യ​മൊ​രു​ക്ക​ണ​മെ​ന്ന് കോ​ർ​പ​റേ​ഷ​ൻ സെ​ക്ര​ട്ട​റി​ക്ക് ക​ല​ക്ട​ർ ന​ൽ​കി​യ നി​ർ​ദേ​ശ​വും ന​ട​പ്പാ​ക്കും. മാ​ലി​ന്യ​ക്കൂ​മ്പാ​ര​ത്തി​ന്റെ ഉ​യ​രം പ​ര​മാ​വ​ധി ആ​റു മീ​റ്റ​റി​ൽ​ത​ന്നെ നി​ജ​പ്പെ​ടു​ത്തും. മാ​ലി​ന്യ​ക്കൂ​മ്പാ​ര​ങ്ങ​ൾ ത​മ്മി​ൽ കു​റ​ഞ്ഞ​ത് മൂ​ന്ന​ര മീ​റ്റ​ർ വീ​തി​യി​ൽ അ​ക​ല​വും ന​ൽ​കും.

ഓ​രോ മാ​ലി​ന്യ​ക്കൂ​മ്പാ​ര​വും വേ​ർ​തി​രി​ച്ചു​നി​ർ​ത്തും. വേ​ർ​തി​രി​ച്ച പ്ലാ​സ്റ്റി​ക് കൂ​മ്പാ​ര​ങ്ങ​ളു​ടെ ന​ടു​വി​ലാ​യി അ​ഞ്ചു​മീ​റ്റ​ർ വീ​തി​യി​ൽ അ​ഗ്നി​ശ​മ​ന വാ​ഹ​ന​ങ്ങ​ൾ​ക്ക് ഗ​താ​ഗ​ത സൗ​ക​ര്യ​ങ്ങ​ൾ ഒ​രു​ക്കും.വെ​ള്ളം പ​മ്പു​ചെ​യ്യു​ന്ന​തി​ന് ഫി​ക്സ​ഡ് ഫ​യ​ർ ഫൈ​റ്റി​ങ് ഇ​ൻ​സ്റ്റ​ലേ​ഷ​ൻ, അ​ണ്ട​ർ ഗ്രൗ​ണ്ട് ടാ​ങ്ക്, ഇ​ല​ക്ട്രി​ക് പ​മ്പ്, ഡീ​സ​ൽ പ​മ്പ് എ​ന്നി​വ സ്ഥാ​പി​ക്കും.

ചു​റ്റി​ലും ഹൈ​ഡ​ർ ലൈ​ൻ സ്ഥാ​പി​ക്കും. തീ​പി​ടി​ത്തം ക​ണ്ടെ​ത്താ​നും അ​ന​ധി​കൃ​ത​മാ​യി ആ​ളു​ക​ൾ പ്ലാ​ന്റു​ക​ളി​ലേ​ക്ക് ക​ട​ക്കു​ന്ന​ത് ത​ട​യാ​നും ആ​വ​ശ്യ​മാ​യ സെ​ക്യൂ​രി​റ്റി ജീ​വ​ന​ക്കാ​രെ നി​യ​മി​ക്ക​ണ​മെ​ന്നും കോ​ർ​പ​റേ​ഷ​ൻ സെ​ക്ര​ട്ട​റി​ക്ക് ക​ല​ക്ട​ർ നി​ർ​ദേ​ശം ന​ൽ​കി​യി​രു​ന്നു.

മുൻകരുതൽ നടപടികൾ അറിയിക്കണമെന്ന് മനുഷ്യാവകാശ കമീഷൻ

കോ​ഴി​ക്കോ​ട്: ഞെ​ളി​യ​ൻ​പ​റ​മ്പ് മാ​ലി​ന്യ​സം​സ്ക​ര​ണ കേ​ന്ദ്ര​ത്തി​ൽ ബ്ര​ഹ്മ​പു​ര​ത്ത് സം​ഭ​വി​ച്ച​തു​പോ​ലു​ള്ള ദു​ര​ന്തം സം​ഭ​വി​ക്കാ​തി​രി​ക്കാ​ൻ കോ​ർ​പ​റേ​ഷ​ൻ സ്വീ​ക​രി​ക്കു​ന്ന മു​ൻ​ക​രു​ത​ൽ ന​ട​പ​ടി​ക​ൾ അ​റി​യി​ക്ക​ണ​മെ​ന്ന് മ​നു​ഷ്യാ​വ​കാ​ശ ക​മീ​ഷ​ൻ. കോ​ർ​പ​റേ​ഷ​ൻ സെ​ക്ര​ട്ട​റി​ക്കാ​ണ് ജു​ഡീ​ഷ്യ​ൽ അം​ഗം കെ. ​ബൈ​ജു​നാ​ഥ് നി​ർ​ദേ​ശം ന​ൽ​കി​യ​ത്. ഞെ​ളി​യ​ൻ​പ​റ​മ്പ് സ​ന്ദ​ർ​ശി​ച്ച ശേ​ഷം ക​മീ​ഷ​ൻ 2022 ആ​ഗ​സ്റ്റ് 30ന് ​ന​ൽ​കി​യ ഉ​ത്ത​ര​വി​ന്റെ അ​ടി​സ്ഥാ​ന​ത്തി​ൽ സ്വീ​ക​രി​ച്ച ന​ട​പ​ടി​ക​ൾ അ​റി​യി​ക്ക​ണ​മെ​ന്നും സെ​ക്ര​ട്ട​റി​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.

ഏ​പ്രി​ലി​ൽ ക​ല​ക്ട​റേ​റ്റ് കോ​ൺ​ഫ​റ​ൻ​സ് ഹാ​ളി​ൽ ന​ട​ക്കു​ന്ന സി​റ്റി​ങ്ങി​ൽ കേ​സ് പ​രി​ഗ​ണി​ക്കും. ഞെ​ളി​യ​ൻ​പ​റ​മ്പി​ൽ അ​ഗ്നി​ബാ​ധ​യു​ണ്ടാ​യാ​ൽ ബ്ര​ഹ്മ​പു​രം ആ​വ​ർ​ത്തി​ക്കാ​ൻ സാ​ധ്യ​ത​യു​ണ്ടെ​ന്ന് കോ​ർ​പ​റേ​ഷ​ൻ പ്ര​തി​പ​ക്ഷ നേ​താ​വ് കെ.​സി. ശോ​ഭി​ത മ​നു​ഷ്യാ​വ​കാ​ശ ക​മീ​ഷ​ന് സ​മ​ർ​പ്പി​ച്ച പ​രാ​തി​യി​ൽ ചൂ​ണ്ടി​ക്കാ​ട്ടി​യി​രു​ന്നു.

പി​ന്നാ​ക്ക ജ​ന​വി​ഭാ​ഗ​ങ്ങ​ൾ തി​ങ്ങി​പ്പാ​ർ​ക്കു​ന്ന സ്ഥ​ല​ത്തി​ന് സ​മീ​പ​മാ​ണ് ഞെ​ളി​യ​ൻ​പ​റ​മ്പി​ലെ മാ​ലി​ന്യ​സം​സ്ക​ര​ണ കേ​ന്ദ്രം പ്ര​വ​ർ​ത്തി​ക്കു​ന്ന​ത്. 2019ൽ ​മാ​ലി​ന്യ​ത്തി​ൽ​നി​ന്ന് വൈ​ദ്യു​തി ഉ​ൽ​പാ​ദി​പ്പി​ക്കാ​ൻ സോ​ണ്ട ഇ​ൻ​ഫ്രോ​ടെ​ക് എ​ന്ന ക​മ്പ​നി​ക്ക് 7.75 കോ​ടി​ക്ക് ക​രാ​ർ ന​ൽ​കി​യെ​ങ്കി​ലും സ​മ​യ​ബ​ന്ധി​ത​മാ​യി പ​ണി പൂ​ർ​ത്തി​യാ​ക്കി​യി​ട്ടി​ല്ലെ​ന്നും പ​രാ​തി​യി​ൽ പ​റ​യു​ന്നു. ഏ​തു​സ​മ​യ​ത്തും തീ​പി​ടി​ക്കാ​ൻ സാ​ധ്യ​ത​യു​ള്ള മാ​ലി​ന്യ​ക്കൂ​മ്പാ​രം​ക​ണ്ട് നി​സ്സ​ഹാ​യ​രാ​ണ് പ്ര​ദേ​ശ​വാ​സി​ക​ളെ​ന്നും ശോ​ഭി​ത പ​രാ​തി​യി​ൽ വി​ശ​ദീ​ക​രി​ച്ചി​രു​ന്നു.

സോ​ണ്ട ഇ​ൻ​ഫോ​ടെ​ക്കു​മാ​യു​ള്ള ക​രാ​ർ പു​തു​ക്ക​ണോ​യെ​ന്ന് പ​രി​ശോ​ധി​ക്കും

കോ​ഴി​​ക്കോ​ട്: ഞെ​ളി​യ​ൻ​പ​റ​മ്പി​ൽ വ​ർ​ഷ​ങ്ങ​ളാ​യി കൊ​ണ്ടി​ട്ട മാ​ലി​ന്യ​ങ്ങ​ൾ മു​ഴു​വ​ൻ നീ​ക്കം ചെ​യ്യാ​നു​ള്ള ക​രാ​ർ ഇ​നി​യും പു​തു​ക്കാ​ൻ ബു​ദ്ധി​മു​ട്ടാ​ണെ​ന്ന് ക​രാ​റു​കാ​രാ​യ സോ​ണ്ട ഇ​ൻ​ഫോ​ടെ​ക്കി​നെ അ​റി​യി​ച്ചി​ട്ടു​ണ്ടെ​ന്ന് മേ​യ​ർ ഡോ. ​ബീ​ന ഫി​ലി​പ്പും ഡെ​പ്യൂ​ട്ടി മേ​യ​ർ സി.​പി. മു​സാ​ഫ​ർ അ​ഹ​മ്മ​ദും പ​റ​ഞ്ഞു.

സ​ർ​ക്കാ​റു​മാ​യും ക​രാ​റു​കാ​രു​മാ​യും ആ​ലോ​ചി​ച്ച് ഉ​ന്ന​ത ത​ല​യോ​ഗം വി​ളി​ച്ച​ശേ​ഷ​മാ​വും തു​ട​ർ​ന്നു​ള്ള കാ​ര്യ​ങ്ങ​ളി​ൽ തീ​രു​മാ​ന​മു​ണ്ടാ​വു​ക. ബ​യോ​മൈ​നി​ങ് പൂ​ർ​ത്തി​യാ​ക്കി​യാ​ലേ പ്ലാ​ന്റ് നി​ർ​മാ​ണം തു​ട​ങ്ങാ​നാ​വൂ. ജൈ​വ മാ​ലി​ന്യ​ങ്ങ​ൾ കൂ​ട്ടി അ​തി​ന് മു​ക​ളി​ൽ പൂ​ന്തോ​ട്ട​വും മ​റ്റും ഒ​രു​ക്കു​ന്ന കാ​പ്പി​ങ് ജോ​ലി​യും ക​രാ​റി​ലു​ണ്ട്. കാ​രാ​ർ കാ​ലാ​വ​ധി ക​ഴി​ഞ്ഞ​താ​ണ്.

ഏ​റ്റ​വു​മ​വ​സാ​നം പ്ര​വൃ​ത്തി തീ​ർ​ക്കാ​ൻ കോ​ർ​പ​റേ​ഷ​ൻ 60 ദി​വ​സ​മാ​ണ് നീ​ട്ടി​ന​ൽ​കി​യ​ത്. ഇ​നി​യും നീ​ട്ടി​ക്കൊ​ടു​ക്കാ​നാ​വി​ല്ലെ​ന്നാ​ണ് ക​രാ​റു​കാ​രെ അ​റി​യി​ച്ച​ത്. മ​ഴ​യും മ​റ്റു​കാ​ര​ണ​ങ്ങ​ളു​മാ​ണ് ക​മ്പ​നി മാ​ലി​ന്യ​നീ​ക്കം നീ​ളാ​ൻ കാ​ര​ണ​മാ​യി പ​റ​യു​ന്ന​ത്. ക​ഴി​ഞ്ഞ ത​വ​ണ ഞെ​ളി​യ​ൻ​പ​റ​മ്പി​ൽ തീ​പി​ടി​ത്ത​മു​ണ്ടാ​യ​പ്പോ​ഴും ഇ​ക്കാ​ര്യം ക​രാ​റു​കാ​രു​ടെ ശ്ര​ദ്ധ​യി​ൽ​പെ​ടു​ത്തി​യി​ട്ടു​ണ്ട്.

ബ​യോ​മൈ​നി​ങ്, കാ​പ്പി​ങ് എ​ന്നി​വ ചെ​യ്യാ​ൻ കോ​ർ​പ​റേ​ഷ​ന് ഒ​മ്പ​തു കോ​ടി​യു​ടെ നേ​രി​ട്ടു​ള്ള ക​രാ​റാ​ണ് ക​മ്പ​നി​യു​മാ​യു​ള്ള​ത്. ഇ​തി​ൽ ര​ണ്ടു കോ​ടി​യോ​ളം മാ​ത്ര​മേ ക​മ്പ​നി​ക്ക് ന​ൽ​കി​യി​ട്ടു​ള്ളൂ. മൈ​നി​ങ് പൂ​ർ​ത്തി​യാ​വാ​ത്ത​തി​നാ​ലാ​ണ് കോ​ർ​പ​റേ​ഷ​ൻ പ​ണം കൈ​മാ​റാ​ത്ത​ത്. ബ​യോ​മൈ​നി​ങ് ന​ട​ത്തി​യ​പ്പോ​ൾ അ​രി​ച്ചെ​ടു​ത്ത പ്ലാ​സ്റ്റി​ക് കൂ​ട്ടി​യി​ട്ട​തി​നാ​ണ് ക​ഴി​ഞ്ഞ ദി​വ​സം തീ​പി​ടി​ച്ച​ത്. അ​ത് കെ​ട്ടി​വെ​ക്കാ​ൻ നി​ർ​ദേ​ശം ന​ൽ​കി​യി​ട്ടു​ണ്ടെ​ന്നും മേ​യ​ർ പ​റ​ഞ്ഞു.