ട്രെയിനിൽ വാഹനങ്ങൾ അയക്കൽ; പോർട്ടർമാർ അമിത ചാർജ് ഈടാക്കുന്നതായി പരാതി

കോ​ഴി​ക്കോ​ട്: ട്രെ​യി​നി​ൽ പാ​ർ​സ​ലാ​യി വാ​ഹ​ന​ങ്ങ​ൾ അ​യ​ക്കു​മ്പോ​ൾ പോ​ർ​ട്ട​ർ​മാ​ർ അ​മി​ത ചാ​ർ​ജ് ഈ​ടാ​ക്കു​ന്ന​താ​യി പ​രാ​തി. കോ​ഴി​ക്കോ​ട് സ്റ്റേ​ഷ​ന്റെ നാ​ലാം ന​മ്പ​ർ പ്ലാ​റ്റ്ഫോ​മി​ലെ പാ​ർ​സ​ൽ ഓ​ഫി​സി​ലെ​ത്തി വാ​ഹ​നം കൈ​മാ​റി കൗ​ണ്ട​റി​ൽ പ​ണ​മ​ട​ച്ചാ​ൽ ‘വാ​ഹ​നം പൊ​തി​യ​ൽ’ എ​ന്ന​പേ​രി​ലാ​ണ് അ​ഞ്ഞൂ​റ് രൂ​പ​വ​രെ ഈ​ടാ​ക്കു​ന്ന​ത്. പെ​ട്രോ​ൾ പൂ​ർ​ണ​മാ​യും ഊ​റ്റി​യെ​ടു​ത്ത​ശേ​ഷം വാ​ഹ​നം വി​ട്ടു​ന​ൽ​കു​ന്ന​തോ​ടെ ര​ണ്ട് പ്ലാ​സ്റ്റി​ക് ചാ​ക്കു​ക​ൾ സീ​റ്റി​ലും ഹെ​ഡ് ലൈ​റ്റി​ലു​മാ​യി പ​ത്തു​മി​നി​റ്റി​നു​ള്ളി​ൽ കെ​ട്ടി വാ​ഹ​നം സൈ​ഡാ​ക്കി വെ​ക്കു​ന്ന​തി​നാ​ണ് 500 രൂ​പ വ​രെ വാ​ങ്ങു​ന്ന​ത് എ​ന്നാ​ണ് പ​രാ​തി.

400 രൂ​പ​യാ​ണ് പൊ​തു​വേ ഈ​ടാ​ക്കു​ന്ന​ത്. എ​ന്നാ​ൽ, ആ​ളു​ക​ളെ നോ​ക്കി​യാ​ണ് 500 രൂ​പ​വ​രെ വാ​ങ്ങു​ന്ന​ത്. വാ​ഹ​നം അ​യ​ക്കു​ന്ന​ത് സം​ബ​ന്ധി​ച്ച് അ​ന്വേ​ഷി​ക്കാ​ൻ എ​ത്തു​ന്ന​വ​രോ​ടു​ത​ന്നെ, 500 രൂ​പ​യാ​ണ് ത​ങ്ങ​ൾ ഈ​ടാ​ക്കു​ന്ന​ത് എ​ന്നാ​ണ് പോ​ർ​ട്ട​ർ​മാ​ർ പ​റ​യു​ന്ന​ത്. സി.​സി.​ടി.​വി കാ​മ​റ​യു​ടെ താ​ഴെ ഭാ​ഗ​ത്തു​നി​ന്നാ​ണ് തു​ക വാ​ങ്ങു​ന്ന​ത്. അ​മി​ത തു​ക​യാ​ണ​ല്ലോ ഈ​ടാ​ക്കു​​ന്ന​ത് എ​ന്ന് പ​രാ​തി പ​റ​ഞ്ഞാ​ൽ എ​ല്ലാ​വ​രോ​ടും ഇ​ങ്ങ​നെ​യാ​ണ് വാ​ങ്ങു​ന്ന​തെ​ന്നും ഒ​രാ​ൾ​ക്ക് മാ​ത്ര​മാ​യി കു​റ​ച്ചു​ന​ൽ​കാ​നാ​വി​ല്ലെ​ന്നു​മാ​ണ് മ​റു​പ​ടി.

പാ​ർ​സ​ൽ ബു​ക്ക് ​ചെ​യ്യു​ന്ന കൗ​ണ്ട​റി​ലു​ള്ള​വ​രു​ടെ സ​ഹാ​യി​ക​ളാ​യി നി​ൽ​ക്കു​ന്ന​തി​നാ​ൽ ബ​ന്ധ​പ്പെ​ട്ട​വ​രും വ​ൻ തു​ക ഈ​ടാ​ക്കു​ന്ന​തി​​ൽ ക​ണ്ണ​ട​ക്കു​ക​യാ​ണ്. കോ​ഴി​ക്കോ​ട്ടു​നി​ന്ന് ബം​ഗ​ളൂ​രു​വി​ലേ​ക്ക് ഇ​രു​ച​ക്ര​വാ​ഹ​നം അ​യ​ക്കു​ന്ന​തി​ന് ആ​യി​രം രൂ​പ​യോ​ളം മാ​ത്ര​മാ​ണ് റെ​യി​ൽ​വേ​യി​ൽ ഈ​ടാ​ക്കു​ന്ന​ത് എ​ന്നി​രി​ക്കെ വാ​ഹ​ന​ത്തി​ന് മു​ക​ളി​ൽ ചാ​ക്ക്കെ​ട്ടു​ന്ന​തി​നാ​യി പോ​ർ​ട്ട​ർ​മാ​ർ അ​ഞ്ഞൂ​റ് രൂ​പ​യോ​ളം നേ​രി​ട്ട് കൈ​പ്പ​റ്റു​ന്നു എ​ന്ന​താ​ണ് വി​മ​ർ​ശ​നം.

പാ​ർ​സ​ൽ കൗ​ണ്ട​റി​ൽ ഓ​ൺ​ലൈ​നാ​യി മാ​ത്ര​മേ പ​ണം അ​ട​ക്കാ​നാ​വൂ. പ​ല​രും കാ​ർ​ഡ് ന​ൽ​കി​യാ​ൽ ര​ണ്ടും മൂ​ന്നും ത​വ​ണ അ​ക്കൗ​ണ്ടി​ൽ​നി​ന്ന് പ​ണം ന​ഷ്ട​മാ​വു​ക​യും റെ​യി​ൽ​വേ​യു​ടെ അ​ക്കൗ​ണ്ടി​ൽ ഇ​ത് ക​യ​റു​ക​യു​മി​ല്ല. ഇ​തു​സം​ബ​ന്ധി​ച്ച് വി​വ​ര​ങ്ങ​ൾ ആ​രാ​യു​ന്ന​വ​രോ​ട് മ​യ​മി​ല്ലാ​തെ​യാ​ണ് കൗ​ണ്ട​റി​ലു​ള്ള​വ​ർ പെ​രു​മാ​റു​ന്ന​തെ​ന്നും പ​രാ​തി​യു​ണ്ട്.

ക​ഴി​ഞ്ഞ ദി​വ​സം ബം​ഗ​ളൂ​രു​വി​ലേ​ക്ക് വാ​ഹ​നം അ​യ​ക്കാ​നെ​ത്തി​യ ആ​ളു​​ടെ അ​ക്കൗ​ണ്ടി​ൽ നി​ന്ന് ര​ണ്ടു​ത​വ​ണ പ​ണം ന​ഷ്ട​മാ​യെ​ങ്കി​ലും തു​ക റെ​യി​ൽ​വേ​യു​ടെ അ​ക്കൗ​ണ്ടി​ൽ ക​യ​റി​യി​ല്ല. ഇ​തോ​ടെ തു​ക ഗൂ​ഗ്ൾ പേ ​ചെ​യ്തു​ന​ൽ​കു​ക​യാ​യി​രു​ന്നു. അ​ക്കൗ​ണ്ടി​ലെ പ​ണം ന​ഷ്ട​മാ​യ​ത് ചൂ​ണ്ടി​ക്കാ​ട്ടി​യ​പ്പോ​ൾ ‘അ​ങ്ങ​നെ​യൊ​ക്കെ​യു​ണ്ടാ​വും’ എ​ന്നാ​യി​രു​ന്നു അ​ധി​ക്ഷേ​പ സ്വ​ര​ത്തി​ൽ കൗ​ണ്ട​റി​ലെ ജീ​വ​ന​ക്കാ​ർ പ​റ​ഞ്ഞ​ത്.