ജില്ല ജഡ്ജി കുതിരവട്ടം സന്ദർശിച്ചു; ഹൈകോടതിക്ക്​ റിപ്പോർട്ട്​ നൽകും

കോ​ഴി​ക്കോ​ട്​: അ​ന്തേ​വാ​സി​യു​ടെ ​കൊ​ല​പാ​ത​ക​ത്തി​നു​പി​ന്നാ​ലെ ജി​ല്ല ജ​ഡ്ജി​യും മാ​ന​സി​കാ​രോ​ഗ്യ കേ​ന്ദ്രം മോ​ണി​റ്റ​റി​ങ്​ ക​മ്മി​റ്റി ചെ​യ​ർ​പേ​ഴ്​​സ​നു​മാ​യ പി. ​രാ​ഗി​ണി​യും ജി​ല്ല ലീ​ഗ​ൽ സ​ർ​വി​സ്​ അ​തോ​റി​റ്റി (ഡി.​എ​ൽ.​എ​സ്.​എ) സെ​ക്ര​ട്ട​റി​യും സ​ബ്​ ജ​ഡ്ജു​മാ​യ എം.​പി. ഷൈ​ജ​ലും മാ​ന​സി​കാ​രോ​ഗ്യ കേ​ന്ദ്രം സ​ന്ദ​ർ​ശി​ച്ച്​ സ്ഥി​തി​ഗ​തി​ക​ൾ വി​ല​യി​രു​ത്തി. ബോ​ധ്യ​പ്പെ​ട്ട കാ​ര്യ​ങ്ങ​ൾ റി​പ്പോ​ർ​ട്ടാ​ക്കി ഉ​ട​ൻ ഹൈ​കോ​ട​തി​ക്ക്​ കൈ​മാ​റു​മെ​ന്ന്​ ബ​ന്ധ​പ്പെ​ട്ട​വ​ർ അ​റി​യി​ച്ചു.

നൂ​റി​ലേ​റെ വ​നി​ത അ​ന്തേ​വാ​സി​ക​ളു​ള്ള ആ​രോ​ഗ്യ​കേ​ന്ദ്ര​ത്തി​ൽ ആ​വ​ശ്യ​ത്തി​ന്​ സു​ര​ക്ഷ ജീ​വ​ന​ക്കാ​രി​ല്ലെ​ന്ന്​ ക​ണ്ടെ​ത്തി​യി​ട്ടു​ണ്ട്. ആ​കെ​യു​ള്ള നാ​ല്​ ത​സ്തി​ക​ക​ളി​ലും താ​ൽ​ക്കാ​ലി​ക ജീ​വ​ന​ക്കാ​രാ​ണു​ള്ള​ത്. മാ​ത്ര​മ​ല്ല, വ​നി​ത സു​ര​ക്ഷ ജീ​വ​ന​ക്കാ​രി​ല്ലാ​ത്ത​തും പ്ര​തി​സ​ന്ധി​യാ​ണ്. ​വ​നി​ത​ക​ളു​ൾ​പ്പെ​ടെ 20​ സു​ര​ക്ഷ ജീ​വ​ന​ക്കാ​​രെ​യെ​ങ്കി​ലും നി​യ​മി​ക്ക​ണം.

2014ൽ ​ആ​രം​ഭി​ച്ച്​ 2016ൽ ​പൂ​ർ​ത്തി​യാ​ക്കാ​ൻ നി​ശ്ച​യി​ച്ച മാ​സ്റ്റ​ർ ഇ​തു​വ​രെ ആ​യി​ട്ടി​ല്ല. സ​ർ​ക്കാ​ർ ത​ല​ത്തി​ല​ട​ക്കം ഇ​തി​ന്​ മ​തി​യാ​യ ഇ​ട​പെ​ട​ലു​ക​ളു​ണ്ടാ​വ​ണം. ആ​രോ​ഗ്യ കേ​ന്ദ്ര​ത്തി​ലെ ഭൗ​തി​ക സൗ​ക​ര്യ​ങ്ങ​ൾ പ​രി​മി​ത​മാ​ണ്.

ഇ​വ വി​ക​സി​പ്പി​ക്ക​ണം. മാ​ത്ര​മ​ല്ല ആ​രോ​ഗ്യ കേ​ന്ദ്ര​ത്തെ ഹൈ​ടെ​ക്​ സെ​ന്‍റ​റാ​ക്കി മാ​റ്റു​ക​യും വേ​ണം. ഇ​ക്കാ​ര്യ​ങ്ങ​ള​ട​ക്കം ചൂ​ണ്ടി​ക്കാ​ട്ടി​യാ​ണ്​ ഹൈ​കോ​ട​തി​ക്ക്​ റി​പ്പോ​ർ​ട്ട്​ ന​ൽ​കു​ക.

കുതിരവട്ടം കൊല: സൂപ്രണ്ട്​ ഡി.എം.ഒക്ക്​ റിപ്പോർട്ട്​ കൈമാറി

കോ​ഴി​ക്കോ​ട്​: കു​തി​ര​വ​ട്ടം മാ​ന​സി​കാ​രോ​ഗ്യ​കേ​ന്ദ്ര​ത്തി​ൽ അ​ന്തേ​വാ​സി​യാ​യ യു​വ​തി കൊ​ല്ല​പ്പെ​ട്ട സം​ഭ​വ​ത്തി​ൽ ജീ​വ​ന​ക്കാ​രു​ടെ വീ​ഴ്ച​യും ആ​ശു​പ​ത്രി​യി​ലെ മ​റ്റു പ്ര​തി​സ​ന്ധി​ക​ളും ചൂ​ണ്ടി​ക്കാ​ട്ടി സൂ​പ്ര​ണ്ട്​ ഡോ. ​കെ.​സി. ര​മേ​ശ​ൻ ജി​ല്ല മെ​ഡി​ക്ക​ൽ ഓ​ഫി​സ​ർ ഡോ. ​വി. ഉ​മ​ർ ഫാ​റൂ​ഖി​ന്​ റി​പ്പോ​ർ​ട്ട്​ കൈ​മാ​റി. റി​പ്പോ​ർ​ട്ട്​ പ​രി​ശോ​ധി​ച്ച​ശേ​ഷം അ​ടു​ത്ത ദി​വ​സം ജീ​വ​ന​ക്കാ​ർ​ക്കെ​തി​രെ ന​ട​പ​ടി സ്വീ​ക​രി​ക്കു​​മെ​ന്നാ​ണ്​ വി​വ​രം.

ഡെ​പ്യൂ​ട്ടി സൂ​പ്ര​ണ്ട്​ ഡോ. ​വി.​വി. ആ​ശ​യു​​ടെ നേ​തൃ​ത്വ​ത്തി​ലാ​ണ്​ റി​പ്പോ​ർ​ട്ട്​ ത​യാ​റാ​ക്കി​യ​ത്. ജീ​വ​ന​ക്കാ​ർ ​സെ​ല്ലി​ൽ നി​രീ​ക്ഷ​ണം ന​ട​ത്തു​ന്ന​തി​ല​ട​ക്കം വീ​ഴ്ച​യു​ണ്ടാ​യ​താ​യി അ​ന്വേ​ഷ​ണ​ത്തി​ൽ ക​ണ്ടെ​ത്തി​യെ​ന്നാ​ണ്​ വി​വ​രം. ഒ​രു ന​ഴ്​​സും ര​ണ്ടു​ ന​ഴ്​​സി​ങ്​ അ​സി​സ്റ്റ​ന്‍റു​മാ​രു​മാ​ണ്​ കൊ​ല​പാ​ത​ക​സ​മ​യം ഡ്യൂ​ട്ടി​യി​ലു​ണ്ടാ​യി​രു​ന്ന​ത്. അ​ടി​പി​ടി​യു​ണ്ടാ​യ​തോ​​ടെ ബീ​വി​യെ മ​റ്റൊ​രു സെ​ല്ലി​ലേ​ക്കു​ മാ​റ്റി​​യെ​ന്ന​ത​ല്ലാ​തെ ത​റ​യി​ൽ വീ​ണു​കി​ട​ന്ന ജി​യ​റാം ജി​ലോ​ട്ടി​ന്​ ജീ​വ​ന​ക്കാ​രി​ൽ​നി​ന്ന്​ വേ​ണ്ട പ​രി​ച​ര​ണം ല​ഭി​ച്ചി​ല്ലെ​ന്നും ക​ണ്ടെ​ത്തി​യി​ട്ടു​ണ്ട്​.

ഇ​താ​ണ്​ ജീ​വ​ന​ക്കാ​രു​​ടെ ഭാ​ഗ​ത്തു​നി​ന്നു​ള്ള പ്ര​ധാ​ന വീ​ഴ്ച. നൂ​റി​ലേ​റെ വ​നി​ത അ​ന്തേ​വാ​സി​ക​ളു​​ള്ള ആ​രോ​ഗ്യ​കേ​ന്ദ്ര​ത്തി​ൽ നാ​ലു​ സു​ര​ക്ഷാ​ജീ​വ​ന​ക്കാ​രു​​ടെ ത​സ്തി​ക മാ​ത്ര​മാ​ണു​ള്ള​ത്. ഇ​തും താ​ൽ​ക്കാ​ലി​ക നി​യ​മ​ന​മാ​ണ്. വ​നി​ത സെ​ക്യൂ​രി​റ്റി ജീ​വ​ന​ക്കാ​രെ നി​യ​മി​ക്ക​ണ​മെ​ന്നും കൂ​ടു​ത​ൽ ത​സ്തി​ക​ക​ൾ സൃ​ഷ്ടി​ക്ക​ണ​മെ​ന്നും ചൂ​ണ്ടി​ക്കാ​ട്ടി​യി​ട്ടു​ണ്ട്.