ഉണ്ണികുളത്ത് ചന്ദനമരം മുറിച്ചു കടത്തുന്നതിനിടെ മൂന്നുപേർ പിടിയിൽ

എ​ക​രൂ​ൽ: ഉ​ണ്ണി​കു​ളം പ​ഞ്ചാ​യ​ത്തി​ലെ ഇ​യ്യാ​ട് മാ​ളൂ​റ​മ്മ​ൽ ക്ഷേ​ത്ര​ത്തി​ന​ടു​ത്ത പ​റ​മ്പി​ൽ​നി​ന്ന് ച​ന്ദ​ന​മ​രം മു​റി​ച്ചു​ക​ട​ത്തു​ന്ന​തി​നി​ടെ മൂ​ന്നു​പേ​ർ വ​നം​വ​കു​പ്പി​ന്റെ പി​ടി​യി​ലാ​യി. മ​ല​പ്പു​റം ചെ​ങ്ങ​ര സ്വ​ദേ​ശി​യാ​യ ശി​ഹാ​ബു​ദ്ദീ​ൻ (41), എ​ള​യൂ​ർ സ്വ​ദേ​ശി​ക​ളാ​യ അ​ബ്ദു​ൽ ബാ​സി​ത് (31), മു​ഹ​മ്മ​ദ് റി​യാ​സ് (32) എ​ന്നി​വ​രെ​യാ​ണ് ക​ക്ക​യം ഡെ​പ്യൂ​ട്ടി റേ​ഞ്ച് ഓ​ഫി​സ​ർ സി. ​ബി​ജി​ത്തി​ന്റെ നേ​തൃ​ത്വ​ത്തി​ലു​ള്ള സം​ഘം പി​ടി​കൂ​ടി​യ​ത്.

ഇ​വ​രി​ൽ​നി​ന്ന് 30,000 രൂ​പ വി​ല​മ​തി​ക്കു​ന്ന ര​ണ്ടു ച​ന്ദ​ന​മ​ര​ങ്ങ​ൾ ക​ഷ​ണ​ങ്ങ​ളാ​ക്കി​യ നി​ല​യി​ൽ പി​ടി​ച്ചെ​ടു​ത്തു. ച​ന്ദ​നം ക​ട​ത്താ​ൻ ഉ​പ​യോ​ഗി​ച്ച ഓ​ട്ടോ​യും പി​ടി​കൂ​ടി. വ്യാ​ഴാ​ഴ്ച വൈ​കീ​ട്ട് പ്ര​ദേ​ശ​ത്തു​നി​ന്ന് മ​രം മു​റി​ച്ചു​ക​ട​ത്തു​ന്ന​ത് ശ്ര​ദ്ധ​യി​ൽ​പെ​ട്ട​തി​നെ തു​ട​ർ​ന്ന് നാ​ട്ടു​കാ​രാ​ണ് ബാ​ലു​ശ്ശേ​രി പൊ​ലീ​സി​ലും വ​നം​വ​കു​പ്പി​ലും വി​വ​ര​മ​റി​യി​ച്ച​ത്.

ക​ക്ക​യം ഫോ​റ​സ്റ്റ് ഡെ​പ്യൂ​ട്ടി റേ​ഞ്ച് ഓ​ഫി​സ​ർ​ക്ക് പു​റ​മെ ഫോ​റ​സ്റ്റ​ർ പി. ​വി​ജ​യ​ൻ, കെ.​പി. ലി​തേ​ഷ്, കെ. ​രാ​ഹു​ൽ, കെ. ​ര​ജീ​ഷ് എ​ന്നി​വ​രും സം​ഘ​ത്തി​ൽ ഉ​ണ്ടാ​യി​രു​ന്നു. ബാ​ലു​ശ്ശേ​രി പൊ​ലീ​സും സ്ഥ​ല​ത്തെ​ത്തി​യി​രു​ന്നു.