ഇംഗ്ലീഷ് അധ്യാപക തസ്തിക നിർണയം; സർക്കാർ വ്യക്തതക്ക് കാത്ത് വിദ്യാഭ്യാസ വകുപ്പ്

കോ​ഴി​ക്കോ​ട്: ഹൈ​സ്കൂ​ൾ ഇം​ഗ്ലീ​ഷ് അ​ധ്യാ​പ​ക ത​സ്തി​ക നി​ർ​ണ​യ​ത്തി​ൽ തീ​ർ​പ്പ് വ​രു​ത്താ​ൻ ക​ഴി​യാ​തെ വി​ദ്യാ​ഭ്യാ​സ വ​കു​പ്പ്. സം​സ്ഥാ​ന​ത്തെ സ​ർ​ക്കാ​ർ, എ​യ്‌​ഡ​ഡ് ഹൈ​സ്കൂ​ളു​ക​ളി​ൽ ഇം​ഗ്ലീ​ഷി​നെ ഭാ​ഷാ വി​ഷ​യ​മാ​യി പ​രി​ഗ​ണി​ച്ച് മ​റ്റു ഭാ​ഷാ വി​ഷ​യ​ങ്ങ​ൾ​ക്ക് ത​സ്തി​ക അ​നു​വ​ദി​ക്കു​ന്ന അ​തേ രീ​തി​യി​ൽ പി​രി​യ​ഡ് അ​ടി​സ്ഥാ​ന​ത്തി​ൽ ത​സ്തി​ക​ക​ൾ അ​നു​വ​ദി​ക്ക​ണ​മെ​ന്ന ഹൈ​കോ​ട​തി ഉ​ത്ത​ര​വാ​ണ് ത​സ്തി​ക നി​ർ​ണ​യം ന​ട​ത്താ​ൻ ക​ഴി​യാ​തെ സ​ർ​ക്കാ​റി​ന്റെ കൂ​ടു​ത​ൽ വി​ശ​ദീ​ക​ര​ണ​ത്തി​ന് വി​ദ്യാ​ഭ്യാ​സ വ​കു​പ്പ് കാ​ത്തി​രി​ക്കു​ന്ന​ത്.

ആ​റാം പ്ര​വൃ​ത്തി ദി​ന​ത്തി​ന്റെ അ​ടി​സ്ഥാ​ന​ത്തി​ൽ കു​ട്ടി​ക​ളു​ടെ എ​ണ്ണ​ത്തി​നാ​നു​പാ​തി​ക​മാ​യി അ​ധ്യാ​പ​ക ത​സ്തി​ക നി​ർ​ണ​യം ജൂ​ലൈ 15ന​കം ന​ട​ത്ത​ണ​മെ​ന്ന നി​ർ​ദേ​ശ​മു​ണ്ടെ​ങ്കി​ലും ഹൈ​കോ​ട​തി​യു​ടെ ഉ​ത്ത​ര​വ്പ്ര​കാ​രം ത​സ്തി​ക നി​ർ​ണ​യം ന​ട​ത്തു​ന്ന​ത് ഏ​റെ സ​ങ്കീ​ർ​ണ​ത​ക​ൾ സൃ​ഷ്ടി​ക്കു​ക​യാ​ണ്. ഇ​തേ​ത്തു​ട​ർ​ന്ന് ത​സ്തി​ക നി​ർ​ണ​യ​ത്തി​ന്റെ കാ​ലാ​വ​ധി ദീ​ർ​ഘി​പ്പി​ച്ചു ന​ൽ​കാ​നും ആ​വ​ശ്യ​പ്പെ​ട്ടി​രി​ക്കു​ക​യാ​ണ്. ഇം​ഗ്ലീ​ഷ് വി​ഷ​യം ഒ​ഴി​ച്ച് മ​റ്റു​വി​ഷ​യ​ങ്ങ​ളി​ൽ ത​സ്തി​ക നി​ർ​ണ​യം ന​ട​ത്താ​നാ​ണ് ക​ഴി​ഞ്ഞ​ദി​വ​സം ജി​ല്ല വി​ദ്യാ​ഭ്യാ​സ മേ​ധാ​വി​ക​ൾ​ക്ക് നി​ർ​ദേ​ശം വ​ന്ന​ത്.

നി​ല​വി​ൽ ഹൈ​സ്കൂ​ളു​ക​ളി​ൽ ഇം​ഗ്ലീ​ഷ് വി​ഷ​യ​ത്തെ കോ​ർ വി​ഷ​യ​മാ​യി ക​ണ​ക്കാ​ക്കി ത​സ്തി​ക വി​ത​ര​ണ പ​ട്ടി​ക​യു​ടെ​യും അ​ത​ത് കോ​ർ വി​ഷ​യ​ങ്ങ​ൾ​ക്ക് ല​ഭ്യ​മാ​യി​ട്ടു​ള്ള ഡി​വി​ഷ​നു​ക​ളു​ടെ​യും അ​ടി​സ്ഥാ​ന​ത്തി​ലാ​ണ് ത​സ്തി​ക​ക​ൾ അ​നു​വ​ദി​ക്കു​ന്ന​ത്. ​പു​തി​യ ഉ​ത്ത​ര​വു​പ്ര​കാ​രം കൂ​ടു​ത​ൽ വി​ദ്യാ​ർ​ഥി​ക​ളു​ള്ള സ്കൂ​ളു​ക​ളി​ൽ ഇം​ഗ്ലീ​ഷ് ത​സ്തി​ക​ക​ളു​ടെ എ​ണ്ണം കു​റ​യു​ക​യും കു​റ​ഞ്ഞ വി​ദ്യാ​ർ​ഥി​ക​ളു​ള്ള സ്കൂ​ളു​ക​ളി​ൽ ത​സ്തി​ക​ക​ൾ കൂ​ടു​ക​യും ചെ​യ്യു​മെ​ന്ന അ​വ​സ്ഥ​യാ​ണ് സൃ​ഷ്ടി​ക്കു​ക​യെ​ന്നാ​ണ് വി​ല​യി​രു​ത്ത​ൽ.