ചവറുകൾക്ക് തീയിട്ടപ്പോൾ സ്ഫോടനം; സ്ത്രീക്ക് പരിക്ക്

വേളം: കാക്കുനിയിൽ വീട്ടിലെ ചവറുകൾ കൂട്ടിയിട്ട്  കത്തിക്കുന്നതിനിടയിൽ പൊട്ടിത്തെറി. പൊള്ളലേറ്റ വീട്ടമ്മ ശാന്തയെ  ആശുപത്രിയിലെത്തിച്ച് പ്രഥമ ശുശ്രൂഷ നൽകി. പുനത്തിൽപൊയിൽ നാണുവി​​െൻറ വിട്ടിലാണ് സംഭവം. വീടുപണിക്ക് ഉപയോഗിച്ച സാധനങ്ങളുടെ അവശിഷ്​ടങ്ങൾ കത്തിക്കുമ്പോൾ ചെറിയ ശബ്​ദത്തിൽ പാളുകയാണുണ്ടായതെന്ന് സ്ഥലം സന്ദർശിച്ച കുറ്റ്യാടി എസ്.ഐ പി. റഫീഖ് പറഞ്ഞു.

വീട്ടമ്മയുടെ പരിക്ക് ചെറുതാണെന്നും ആശുപത്രി വിട്ടതായും പറഞ്ഞു. കേസെടുത്ത് അന്വേഷണമാരംഭിച്ചിട്ടുണ്ട്. സ്ഥലത്ത് പൊലീസ് കാവലുണ്ട്. ബുധനാഴ്ച ബോംബ് സ്ക്വാഡ് പരിശോധിക്കും.