കോ​ഴി​ക്കോ​ട് മെഡിക്കൽ കോളജിൽ രോഗികളിൽനിന്ന് പണംതട്ടൽ വ്യാപകം

സു​ര​ക്ഷ സം​വി​ധാ​ന​ങ്ങ​ൾ നോ​ക്കു​കു​ത്തി

കോ​ഴി​ക്കോ​ട്: മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ രോ​ഗി​ക​ളി​ൽ​നി​ന്ന് പ​ണ​വും വി​ല​പി​ടി​പ്പു​ള്ള വ​സ്തു​ക്ക​ൾ അ​ട​ങ്ങി​യ ബാ​ഗും ക​വ​രു​ന്ന​ത് പ​തി​വാ​കു​ന്നു. ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ന്ന​വ​രു​ടെ കൂ​ട്ടി​രി​പ്പു​കാ​രാ​ണ് എ​ന്ന വ്യാ​ജേ​ന​യാ​ണ് ത​ട്ടി​പ്പു​കാ​ർ രോ​ഗി​ക​ളി​ൽ​നി​ന്ന് വി​വി​ധ പ​രി​ശോ​ധ​ന​ക​ൾ​ക്കും മ​രു​ന്നി​നും ഉ​ള്ള ശീ​ട്ടും പ​ണ​വും ക​വ​രു​ന്ന​ത്. പ​ണം ന​ഷ്ട​പ്പെ​ടു​ന്ന​തി​നു​പു​റ​മെ രോ​ഗി​ക​ളു​ടെ ചി​കി​ത്സ വൈ​കാ​നും ഇ​ത് കാ​ര​ണ​മാ​കു​ന്നു.

ക​ഴി​ഞ്ഞ വെ​ള്ളി​യാ​ഴ്ച കു​റ്റി​ക്കാ​ട്ടൂ​ർ സ്വ​ദേ​ശി​യി​ൽ​നി​ന്ന് സി.​ടി സ്കാ​നി​ന്‍റെ ബി​ൽ അ​ട​ക്കാ​ൻ സ​ഹാ​യി​ക്കാം എ​ന്ന വ്യാ​ജേ​ന സി.​ടി സ്കാ​ൻ റി​ക്വ​സ്റ്റ് ഫോ​മും പ​ണ​വു​മാ​യി യു​വാ​വ് മു​ങ്ങി. സ​ഹോ​ദ​ര​ൻ ആ​ശു​പ​ത്രി​യി​ൽ ചി​കി​ത്സ​യി​ലു​ണ്ടെ​ന്ന് പ​റ​ഞ്ഞാ​ണ് യു​വാ​വ് ത​ന്നെ പ​രി​ച​യ​പ്പെ​ട്ട​തെ​ന്ന് ത​ട്ടി​പ്പി​നി​ര​യാ​യ​യാ​ൾ പ​റ​ഞ്ഞു. സി.​ടി റി​ക്വ​സ്റ്റ് ഫോ​റ​വു​മാ​യി പ​ണം അ​ട​യ്ക്കാ​ൻ പോ​യ ആ​ൾ ഏ​റെ​സ​മ​യം ക​ഴി​ഞ്ഞും തി​രി​ച്ചു​വ​രാ​തി​രു​ന്ന​തോ​ടെ​യാ​ണ് താ​ൻ ത​ട്ടി​പ്പി​നി​ര​യാ​യ​ത് മ​ന​സ്സി​ലാ​യ​തെ​ന്നും അ​ദ്ദേ​ഹം പ​റ​ഞ്ഞു. പി​ന്നീ​ട് വീ​ണ്ടും ഡോ​ക്ട​റെ ക​ണ്ട് റി​ക്വ​സ്റ്റ് ഫോ​റം എ​ഴു​തി​പ്പി​ച്ച​തി​നു​ശേ​ഷ​മാ​ണ് സി.​ടി സ്കാ​ൻ എ​ടു​ക്കാ​ൻ ക​ഴി​ഞ്ഞ​ത്.

രോ​ഗി​ക​ളു​ടെ ജീ​വ​ൻ അ​പ​ക​ട​ത്തി​ലാ​ക്കു​ന്നു

റി​ക്വ​സ്റ്റ് ഫോ​റം, മ​രു​ന്ന് ശീ​ട്ട് എ​ന്നി​വ​യു​മാ​യി ത​ട്ടി​പ്പു​കാ​ർ മു​ങ്ങു​ന്ന​ത് രോ​ഗി​ക​ളു​ടെ ജീ​വ​ൻ​ത​ന്നെ അ​പ​ക​ട​ത്തി​ലാ​ക്കു​ന്ന സാ​ഹ​ച​ര്യ​വു​മു​ണ്ട്. ഇ​ത്ത​രം സാ​ഹ​ച​ര്യ​ങ്ങ​ളി​ൽ സു​ര​ക്ഷ ജീ​വ​ന​ക്കാ​രോ​ട് പ​രാ​തി പ​റ​ഞ്ഞാ​ലും മു​ഖ​വി​ല​ക്കെ​ടു​ക്കാ​റി​ല്ലെ​ന്നാ​ണ് ആ​ക്ഷേ​പം. രോ​ഗി​ക​ളു​ടെ കൂ​ട്ടി​രി​പ്പു​കാ​ർ മ​രു​ന്നോ മ​റ്റ് അ​ത്യാ​വ​ശ്യ സാ​ധ​ന​ങ്ങ​ളോ വാ​ങ്ങു​ന്ന​തി​ന് പു​റ​ത്തു​പോ​കു​ന്ന​തി​നും തി​രി​ച്ചു ക​യ​റു​ന്ന​തി​നും ക​ർ​ശ​ന നി​യ​ന്ത്ര​ണം ഏ​ർ​പ്പെ​ടു​ത്തു​ന്ന സു​ര​ക്ഷ ജീ​വ​ന​ക്കാ​ർ ഇ​ത്ത​ര​ത്തി​ലു​ള്ള ത​ട്ടി​പ്പു​കാ​ർ ആ​ശു​പ​ത്രി​ക്ക​ക​ത്ത് ക​യ​റി​ക്കൂ​ടു​ന്ന​ത് എ​ന്തു​കൊ​ണ്ട് അ​റി​യു​ന്നി​ല്ലെ​ന്ന് രോ​ഗി​ക​ളു​ടെ കൂ​ട്ടി​രി​പ്പു​കാ​ർ ചോ​ദി​ക്കു​ന്നു.

ര​ണ്ടു ദി​വ​സം മു​മ്പ് അ​ത്യാ​ഹി​ത വി​ഭാ​ഗ​ത്തി​ൽ​നി​ന്ന് മെ​ഡി​ക്ക​ൽ പി.​ജി വി​ദ്യാ​ർ​ഥി​യു​ടെ ഫോ​ണും ന​ഷ്ട​പ്പെ​ട്ടി​രു​ന്നു. പ​രി​ശോ​ധ​ന കൗ​ണ്ട​റി​ൽ ചാ​ർ​ജ് ചെ​യ്യാ​ൻ വെ​ച്ച ഫോ​ൺ കാ​ണാ​താ​വു​ക​യാ​യി​രു​ന്നു. സൂ​പ്പ​ർ സ്പെ​ഷാ​ലി​റ്റി അ​ത്യാ​ഹി​ത വി​ഭാ​ഗം പൂ​ർ​ണ​മാ​യും സി.​സി ടി.​വി നി​രീ​ക്ഷ​ണ​ത്തി​ലാ​ണ് എ​ന്ന് പ​റ​യു​മ്പോ​ഴും ഇ​ത്ത​ര​ത്തി​ലു​ള്ള ഒ​രു ത​ട്ടി​പ്പു​കാ​ര​നെ​യും സി.​സി ടി.​വി പ​രി​ശോ​ധി​ച്ച് ക​ണ്ടെ​ത്താ​നും അ​ധി​കൃ​ത​രു​ടെ ഭാ​ഗ​ത്തു​നി​ന്ന് ന​ട​പ​ടി​യു​ണ്ടാ​യി​ട്ടി​ല്ല.

ആ​ശു​പ​ത്രി​യി​ലെ എ​ല്ലാ പൊ​തു​ഇ​ട​ങ്ങ​ളും സി.​സി ടി.​വി​യു​ടെ പ​രി​ധി​യി​ൽ വ​രു​ന്നി​ല്ലെ​ന്നും ആ​ക്ഷേ​പ​മു​ണ്ട്. സി.​സി ടി.​വി ദൃ​ശ്യ​ങ്ങ​ൾ പ​രി​ശോ​ധി​ക്കാ​ൻ സെ​ക്യൂ​രി​റ്റി സൂ​പ്പ​ർ​വൈ​സ​റു​ടെ അ​നു​മ​തി​തേ​ട​ണ​മെ​ന്ന് പ​റ​ഞ്ഞ് രോ​ഗി​ക​ളു​ടെ പ​രാ​തി പ​ല​പ്പോ​ഴും സു​ര​ക്ഷ ജീ​വ​ന​ക്കാ​ർ അ​വ​ഗ​ണി​ക്കു​ന്ന​താ​യും പ​രാ​തി​യു​ണ്ട്. ഗു​രു​ത​ര പ​രി​ക്കു​ക​ളും രോ​ഗ​ങ്ങ​ളു​മാ​യി എ​ത്തു​ന്ന​വ​ർ പൊ​ലീ​സി​ൽ പ​രാ​തി കൊ​ടു​ക്കാ​ൻ മു​തി​രാ​റി​ല്ലെ​ന്ന​തും ത​ട്ടി​പ്പു​കാ​ർ​ക്ക് മു​ത​ൽ​ക്കൂ​ട്ടാ​കു​ന്നു.