ജില്ലയിൽ 251 കുടുംബങ്ങൾ അതിദാരിദ്ര്യ പട്ടികയിൽനിന്ന് മോചിതർ

കോ​ഴി​ക്കോ​ട്​: അ​തി​ദ​രി​ദ്ര​രെ ക​ണ്ടെ​ത്തി മോ​ചി​പ്പി​ക്കു​ന്ന സം​സ്ഥാ​ന സ​ർ​ക്കാ​റി​ന്റെ പ​ദ്ധ​തി​പ്ര​കാ​രം ജി​ല്ല​യി​ൽ അ​തി​ദാ​രി​ദ്ര്യ മു​ക്ത​മാ​യ​ത് 251 കു​ടും​ബ​ങ്ങ​ൾ. ഇ​നി ജി​ല്ല​യി​ൽ 6522 കു​ടും​ബ​ങ്ങ​ളാ​ണ് പ​ട്ടി​ക​യി​ൽ അ​വ​ശേ​ഷി​ച്ചി​ട്ടു​ള്ള​ത്. ഇ​വ​രെ 2024 ന​വം​ബ​റോ​ടെ അ​തി​ദാ​രി​ദ്ര്യ വി​ഭാ​ഗ​ത്തി​ൽ നി​ന്നും മു​ക്ത​മാ​ക്കു​ക​യാ​ണ് ല​ക്ഷ്യ​മെ​ന്ന് ദാ​രി​ദ്ര്യ​ല​ഘൂ​ക​ര​ണ വി​ഭാ​ഗം അ​റി​യി​ച്ചു. ജി​ല്ല​യി​ൽ അ​തി​ദാ​രി​ദ്ര്യ വി​ഭാ​ഗ​ത്തി​ൽ ഉ​ള്ള​താ​യി ആ​കെ ക​ണ്ടെ​ത്തി​യ​ത് 6773 കു​ടും​ബ​ങ്ങ​ളെ​യാ​ണ്. ഇ​തി​ൽ 4741 കു​ടും​ബ​ങ്ങ​ൾ ഗ്രാ​മ​പ​ഞ്ചാ​യ​ത്തു​ക​ളി​ലും 1218 കു​ടും​ബ​ങ്ങ​ൾ മു​നി​സി​പ്പാ​ലി​റ്റി​ക​ളി​ലും 814 കു​ടും​ബ​ങ്ങ​ൾ കോ​ർ​പ​റേ​ഷ​ൻ പ​രി​ധി​യി​ലു​മാ​ണ്.

ജി​ല്ല​യി​ൽ അ​തി​ദാ​രി​ദ്ര്യപ​ട്ടി​ക​യി​ൽ ഉ​ൾ​പ്പെ​ട്ട കു​ടും​ബ​ങ്ങ​ളി​ൽ 4559 കു​ടും​ബ​ങ്ങ​ൾ​ക്കും ആ​രോ​ഗ്യ​പ​ര​മാ​യ പ​രി​മി​തി​യാ​ണ് പ്ര​ശ്നം. ഇ​വ​ർ​ക്ക് എ​ല്ലാ​വ​ർ​ക്കും ത​ന്നെ ഇ​ത് പ​രി​ഹ​രി​ക്കാ​നു​ള്ള സൗ​ക​ര്യ​ങ്ങ​ൾ അ​ത​ത് ത​ദ്ദേ​ശ​ഭ​ര​ണ സ്ഥാ​പ​നം മു​ഖേ​ന ഏ​ർ​പ്പെ​ടു​ത്തി. വ​രു​മാ​ന​മി​ല്ലാ​യ്മ​യാ​ണ് 648 കു​ടും​ബ​ങ്ങ​ളു​ടെ പ്ര​ശ്നം. ഈ ​വി​ഭാ​ഗ​ത്തി​ലെ 143 കു​ടും​ബ​ങ്ങ​ൾ​ക്ക് വ​രു​മാ​നം സാ​ധ്യ​മാ​ക്കി. ബാ​ക്കി​യു​ള്ള​വ​രു​ടെ കാ​ര്യ​ത്തി​ൽ പ്ര​വ​ർ​ത്ത​ന​ങ്ങ​ൾ ന​ട​ന്നു​വ​രു​ക​യാ​ണ്. 2708 കു​ടും​ബ​ങ്ങ​ൾ​ക്ക് ത​ട​സ്സ​മാ​യി​ട്ടു​ള്ള​ത് പാ​ർ​പ്പി​ട​ത്തി​ന്റെ അ​ഭാ​വ​മാ​യി​രു​ന്നു.

ഇ​വ​രി​ൽ 248 കു​ടും​ബ​ങ്ങ​ൾ​ക്ക് പാ​ർ​പ്പി​ടം സാ​ധ്യ​മാ​ക്കി. 597 കു​ടും​ബ​ങ്ങ​ൾ​ക്ക്‌ വീ​ട് നി​ർ​മി​ക്കു​ന്ന​തി​ൽ ക​രാ​റാ​യി​ക്ക​ഴി​ഞ്ഞു. ഭ​ക്ഷ​ണ​കാ​ര്യ​ത്തി​ൽ പ്ര​ശ്നം നേ​രി​ട്ട​ത് 2130 കു​ടും​ബ​ങ്ങ​ളാ​ണ്. ഇ​വ​ർ​ക്ക് എ​ല്ലാ​വ​ർ​ക്കും ത​ന്നെ ത​ദ്ദേ​ശ​സ്ഥാ​പ​നം വ​ഴി ഭ​ക്ഷ​ണം ഏ​ർ​പ്പെ​ടു​ത്തി.