ജാമ്യത്തിലിറക്കാൻ വ്യാജ നികുതി ശീട്ട്; രണ്ടുപേർ അറസ്റ്റിൽ

കോ​ഴി​ക്കോ​ട്‌: പോ​ക്‌​സോ കേ​സ്‌ പ്ര​തി​യെ ജാ​മ്യ​ത്തി​ലി​റ​ക്കാ​ൻ വ്യാ​ജ നി​കു​തി ശീ​ട്ടു​ക​ൾ ഹാ​ജ​രാ​ക്കി കോ​ട​തി​യെ ക​ബ​ളി​പ്പി​ച്ച ര​ണ്ടു​പേ​രെ ടൗ​ൺ പൊ​ലീ​സ് അ​റ​സ്റ്റ് ചെ​യ്തു. തൊ​ട്ടി​ൽ​പാ​ലം പൊ​ലീ​സ് സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത പോ​ക്സോ കേ​സി​ലെ പ്ര​തി​യാ​യ ഝാ​ർ​ഖ​ണ്ഡ്‌ സ്വ​ദേ​ശി ന​സി​റു​ദ്ദീ​നെ ജാ​മ്യ​ത്തി​ലെ​ടു​ക്കാ​ൻ വ്യാ​ജ നി​കു​തി ശീ​ട്ടു​ക​ൾ ന​ൽ​കി​യ തി​രു​വ​ന​ന്ത​പു​രം മ​ല​യി​ൻ​കീ​ഴ് പു​തു​വ​ൽ പു​ത്ത​ൻ​വീ​ട്ടി​ൽ സു​ധ കു​മാ​ർ, കു​ട​പ്പാ​മൂ​ട് റോ​ഡ​രി​ക​ത്ത് വീ​ട്ടി​ൽ ഉ​ണ്ണി​കൃ​ഷ്ണ​ൻ എ​ന്നി​വ​രാ​ണ് അ​റ​സ്റ്റി​ലാ​യ​ത്.

2018ലാ​ണ് കേ​സി​ന് ആ​സ്പ​ദ​മാ​യ സം​ഭ​വം. കോ​ഴി​ക്കോ​ട്‌ അ​ഡീ​ഷ​ന​ൽ ഡി​സ്ട്രി​ക്ട് ആ​ൻ​ഡ്‌ സെ​ഷ​ൻ​സ് കോ​ട​തി മു​മ്പാ​കെ​യാ​ണ്‌ വ്യാ​ജ രേ​ഖ​ക​ൾ ഹാ​ജ​രാ​ക്കി​യ​ത്‌. ഹാ​ജ​രാ​കാ​ത്ത​തി​നെ തു​ട​ർ​ന്ന്‌ പ്ര​തി​ക്കെ​തി​രെ വാ​റ​ന്റ്‌ പു​റ​പ്പെ​ടു​വി​ക്കു​ക​യും ജാ​മ്യ​ക്കാ​ർ​ക്കെ​തി​രെ വി​ല്ലേ​ജ് ഓ​ഫി​സ് മു​ഖേ​ന ന​ട​പ​ടി സ്വീ​ക​രി​ക്കാ​ൻ വി​ല്ലേ​ജ് ഓ​ഫി​സു​ക​ളി​ലേ​ക്ക് നോ​ട്ടീ​സ് അ​യ​ക്കു​ക​യും ചെ​യ്‌​തു. ഇ​തോ​ടെ രേ​ഖ​ക​ൾ വ്യാ​ജ​മാ​ണെ​ന്ന് മ​ന​സ്സി​ലാ​യി.

നെ​ടു​മ​ങ്ങാ​ട് ത​ഹ​സി​ൽ​ദാ​ർ രേ​ഖ​ക​ൾ വ്യാ​ജ​മാ​ണെ​ന്ന്‌ കോ​ട​തി​യെ അ​റി​യി​ക്കു​ക​യാ​യി​രു​ന്നു. കോ​ട​തി​യു​ടെ പ​രാ​തി​യി​ൽ ടൗ​ൺ പൊ​ലീ​സ് കേ​സെ​ടു​ക്കു​ക​യും ഒ​ളി​വി​ൽ ക​ഴി​യു​ന്ന പ്ര​തി​ക​ളെ തി​രു​വ​ന​ന്ത​പു​ര​ത്ത് പി​ടി​കൂ​ടു​ക​യു​മാ​യി​രു​ന്നു. ഇ​വ​ർ​ക്കെ​തി​രെ വ​ഞ്ചി​യൂ​ർ കോ​ട​തി​യി​ലും സ​മാ​ന​മാ​യ കേ​സു​ണ്ട്.​ജോ​സി​ന്റെ നേ​തൃ​ത്വ​ത്തി​ൽ എ​സ്‌.​ഐ മാ​രാ​യ ജി​ബി​ൻ ജെ ​ഫ്രെ​ഡി, വി.​വി. അ​ബ്ദു​ൽ സ​ലിം, സീ​നി​യ​ർ സി.​പി.​ഒ​മാ​രാ​യ സ​ജേ​ഷ് കു​മാ​ർ, ഉ​ദ​യ​കു​മാ​ർ, സി.​പി.​ഒ അ​നൂ​ജ് എ​ന്നി​വ​ര​ട​ങ്ങി​യ സം​ഘ​മാ​ണ്‌ പ്ര​തി​ക​ളെ പി​ടി​കൂ​ടി​യ​ത്.